Jøcua 24:26 - Wëël Jwøk

²⁶ Ni ö Jøcua ni göör luup bëët moøgø piny yi wëël ciik mar Jwøk; ni lwöte ki kïdi mo dwøŋ ni cwöth gø piny tier jaadha dwøŋ na en kanya en kur keere na näk mar Wuuö Jwøk.

Jøcua 24:26 Iomraidhean Croise

Wïlöölö 31:45

Køøre Jeekap alwötö ki kïdi ni cwöth gø piny na nyuudhi.

Wïlöölö 35:4

Kanyøgø jøøgø juuga path bëët na en jïge ki gwet ïthi moge acïpge jï Jeekap, ni ö Jeekapi ni koony ge piny tier jaadha teek na en buut Cekam.

Wïlöölö 35:8

Kanyøgø Diböra, ŋat tïïc mar Rebëëka na pïr gø, athøw, ni koonyi tier jaadha teek kany mo cään ki Bëthël, ni cak nyeŋ jaadhøgø ni Allön-Bakuth.

Bwøth Wøk 24:4

Ni ö Modhe ni göör luup piny bëët moa caan Wuuö Jwøki. Køøre ena ö maal ka amöölla cøøn, ni cøøe ni tïïe ki gïn wø cïp olämme bääte tier kïdi, ni tïïc gø ki kïte apaar kurriiø mo ee cwöth piny ni ee päärö ki kwään wïth tuŋi mo jø Icriel na näk apaar kurriiø.

Pïëmme 9:6

'Ba jø Cekam bëët këël jø wø bëëdö Bëëth-Milø bëët na en Cekam kaagø, rege adwalge ni cige ni røønyge Abimëlëk na nyeya buut gïna no ocwöth piny tier jaadha dwøŋ na en Cekam.

1 Camiel 7:12

Køøre Camiel alwötö ki kïdi ni cwöth gø piny yïthakic Micpa ki kanya cwøl ni Cën; ni cak nyeŋ gø ni Ëbënëdhër, ni tiere beeye kïn køny, ni kööe, ni «Wuuö Jwøk øøna kønye këël mana pïïø kany en.»