Jøcua 24:15 - Wëël Jwøk

¹⁵ 'Ba ni näk mo määnö jïïu ki man tïnynyu Wuuö Jwøk, dïcäŋi ennø, jëëtu ki jwøk mana dou tïnynyö; ni näk mo beeye juu moa tïny kwäyu kanya enge løø Naam Upareeti løøga, wala juu mo jø Amör ni bëëdu yi ŋöömge en, jierru; 'ba aani ki jø paara bëët, Wuuö Jwøk tïnywa tïnynyö.»

Jøcua 24:15 Iomraidhean Croise

Wïlöölö 18:19

Kiper ena jiera, nee obwöre moe këël nyïïkwaaye mo ööi køøre nee pwönynye ki man caathge køør dwøra, a na Wuuö Jwøk, ni ge bëëdö ka bëëtö mo beer, ni ge tïïya tïïe ma adïëri; kiper nee gïna buua jï Eeberam nee tïïa jïre.»

Wïlöölö 35:2

Kanyøgø Jeekap aköö jï jø paare ki jøøa en buute bëët, ni «Wetu juuga path na en dïïu, ni døøyu dëëtu mo waany, ni wiillu abïïe mou.

1 Nyeye 18:21

Køøre Ilaaja aö baŋ jiy ni kööe, na «?A këël kany mo nyïëdi noo bëëdu nou wïdö yïthakic acaare ariiø? Ni näk Wuuö Jwøk beeye Jwøka eni, caathu køøre; 'ba ni näk Baal beeye Jwøka eni, putu køøre caath.» 'Ba bäŋ dhaanhø mo odwögö jïgø ki luubö.

1 Luup Nyeye 1:14

'Ba jø Jeebuc ki jø Amör, ki jø Gërgëca,

Bwøth Wøk 23:2

«Kärï dwätö ki jøøa thööth ki man tïïï ki gïn mo raac. Kärï cäänö ki luubö kar løøk niï caatha køør jøøa thööth kiper nee luubö mana näk adïëri daagï.

Bwøth Wøk 23:24

Kär juu mo jøøgø lammu, wala u tïnynya geni, wala u ŋwaala tïïe mo jøøgø. Juu moge dou raanynyø na bäre, ni tøgu gïï wø lamge na näk ege cwöth piny.

Bwøth Wøk 34:15

«Käru tudö ki luubö ki jiy mo wø bëëdö yi ŋöömmöce; kiper ni näk mo uuno tudö ki luubö ki geni, kanyo bëëtge ni ge tïïö ki gïï mo reyø ni cwïnyge ena køør juu moge, ni cïpge ko olämme jï juu moge, u cwølge cwølø ki man cämu ki ge ko olämme moo cïpge.

Edhikiel 20:39

«'Ba kiperu, u na jø dhi øt Icriel, luumma caan Kwäärö Wuuö Jwøki jïïu bee en, ena köö, ni ‹Cou, ni ö ŋati man nø ni tïny kït gïï wø lame! 'Ba ki køør gïïögø, uuni ïthu cegu ciiø na adïëri ki luumma, ni tïme ni nyeŋŋa na en kur keere ba päätu këët ki muuce mou ki kït gïï wø lämmu.

Daniel 3:18

'Ba këël ni näk mo wa ba pieme, beer ki man ŋäyï gø, ï na nyeya, ki man näk mo juu moï ba tïnywa, ni ba løny ki man wøørwa kït gïna näk otïïö ki warkey na näk iï cwöth piny.»

Ciik Kiper Dïlämme 14:42

Køøre jiy wär lwötge ki kïte møøk ni laage ge kar kïte moøgø, ni öömge ko odhöönh mo nyään ni puucge øtø ki gø.

Mikiya 4:5

'Ba këël na bëët wïth juurre bëët ni ŋati man nø cäädhi ka nyeŋ jwøe, øøni, ø bëëdö ni ø cäädhi ka nyeŋ Wuuö Jwøk na bäre bäre, eni na Jwøk marø.

Moa Tïïc Nyïïatwieli 11:23

'Ba na pïïe ni neen gïna tägö ki køør met yi Jwøk, yie amïnnö. Ni pwöny geni bëët døøc ki man bëëtge ni cwïnyge ena køør Wuuö, ni cwïnyge ege maa ni teek.

Tiet Ciik 13:7

ni beege juu mo jøøa en buutu na karge cään ki uuni, wala moa karge bäyö ki uuni, ki mano täge ki buut piny man nø këël buut piny maya,

Tiet Ciik 29:18

'Ba kär dee dhaanhø dïïu dïcäŋi, ma dïcwøø wala ma dhaagø, wala jø dhi øtø aciel, wala wï tuuŋ aciel, mo cwïnye døøa cään ki Wuuö Jwøk na näk Jwøø, ni cøøe ni tïny juu mo wïth juurre. Kär dee dhaanhø dïïu mo tïmö kaamar jaath mo nywøl ki nyïëdi mo reyø mo keec;

Jøcua 24:16

Køøre aløk jø Icrielli ni köge, ni «Ki man wecwa Wuuö Jwøk ni tïnywa juu møøk, wa ba many gø;

Pïëmme 6:10

ni caana gø jïïu, ki man näk mo beeye aani na Wuuö Jwøk na näk Jwøu; ni caana gø jïïu thuwø ki man ba wøørru juu mo jø Amör ni bëëdu yi ŋöömö marge en. 'Ba uuni dwøra käru leŋø.› »