Jøcua 24:14 - Wëël Jwøk

¹⁴ «'Ba ennø møn, wøørru Wuuö Jwøk ni tïnynyu eni na adïëri ni you ŋäädhö ki cwïnynyu bäre; tïïyu karu ni bäär ki juu moa wøør kwäyu kanya bëëtge løø Naam Upareeti løøga, ki kanya bëëtge Ijep, ni tïnynyu Wuuö Jwøk keere.

Jøcua 24:14 Iomraidhean Croise

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Wïlöölö 35:2

Kanyøgø Jeekap aköö jï jø paare ki jøøa en buute bëët, ni «Wetu juuga path na en dïïu, ni døøyu dëëtu mo waany, ni wiillu abïïe mou.

2 Nyeye 20:3

ni «Wui, Wuuö Jwøk, a kwaya ïïni, par wïïï ki mana bëëda naa caatha køørï na adïëri ki cwïnya bäre, ni tïïa ki gïï mo nëëni ni beyø ki jïrï.» Ni ö Edhekaya ni put jwöŋö døc ni yie ee keeyø.

Edhera 9:11

ni beege ciik moa caanï ki dhøk jiyï ma nyïïkuk Jwøk na köge, ni ‹Ŋöömmögø ni dønynyu yie enø noo lwørru na maru, beeye ŋöömö mo ba waany, mo oraany juurre moa bëëdö yie ki køør gïïa reyø na raac eci ki ge na temge, na pääŋge yi ŋöömö ki ge bäre, ki bëëtö marge na raac.

Jööp 1:1

'Ba da dhaanhø mo obëëdö yi ŋööm Uc mo nyeŋŋe cwøl ni Jööp. 'Ba dhaanhø manøgø, ena dhaanhø mo bäŋ gïn mo ogwäyö ri bëëtö mare, mo bëëtö mare tiir, ni eni lwäär ki Jwøk, ni ree ee mänö ki gïï mo reyø.

Jööp 28:28

Køøre ena köö jï dhaanhø, ni ‹Ka adïëri møn, ki man lwäär Wuuö Jwøk beeye leec wïca eni; ni man kwier gïn mo raac beeye ŋäc tiet jammi eni.› »

Edhikiel 20:18

'Ba aana köö jï obwöre moge dï paap, ni «Käru cäädhö ki køør luup mo wëëgu wala man gwøgu ciik moge wala man päätu dëëtu ki kït gïï wø lamge.

Edhikiel 23:3

mo geno tïmö ni gena kääpe Ijep, ni ge bëëdö ni ge gatha dëëtge ki käp ki mana täge ni ge therø. Gena bëëdö ni thurge di maaŋŋø ni ge di gämmö ki mëër yi ŋöömmögø.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Ciik Kiper Dïlämme 17:7

'Ba jø Icriel ba doo poodø ni ge cïpö ko olämme jï juuga näk otïïö na kït ateea, ni marge gaan wøk kaawat man wø tïïc dhaaŋ paaci mo rïïŋö køør käp. Luubö manøgø put bëëte na ciik jïge na bäre bäre ki yïth beenhnhe moge.›

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Luk 8:15

'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.

Moa Tïïc Nyïïatwieli 9:31

Kanyøgø acook Jwøk mo Judia bäre, ki Galili ki Cameria, gena bëëdö ki bëët-mëër ni tëënge. Ni ge bëëdö ni ge wøøra Wuuö, ni meetge rege ki køør cøm cwïny mar Jwïëc Jwøk na en kur keere.

2 Körin 1:12

'Ba atöör marwa beeye en, kiper ŋäcwa ki cwïnywa ni waana bëëdö pinyi en ki bëëtö mana en kur keere na käl baŋ Jwøk, ni bäŋ atade yie, ni kadha bëëtö mana beetwa nyïmmu. Ni bëëtö marwa ba käl ri riek waŋ mar pinyi en, 'ba käla ri met yi Jwøk.

Epeca 6:24

Met ec bëëde bäät jø wø mëër ki Kwääyø ma Jecu Krictø ki mëër mo ba jøøl.

Tiet Ciik 10:12

«?Ennø, u na jø Icriel, agïnaŋø ni many Wuuö Jwøki na näk Jwøu baŋu? Gïn many Wuuö Jwøki na näk Jwøu beeye ki man lwäärru eni, ni caathu køøre, ni mëërru ki eni, ni tïnynyu eni ki cwïnynyu bäre ki jwïëyu bäre,

Tiet Ciik 18:13

'Ba uuni, u doo bëëdö ni bäŋ gïn mo jøøŋŋi ri bëëtö maru nyïm Wuuö Jwøk na näk Jwøu.

Tiet Ciik 6:13

«Bëëdu nou lwäära Wuuö Jwøk na näk Jwøu, ni tïnynyu eni, ni kööŋŋu ri nyeŋŋe keere.

Pilipay 1:10

kiper nou jïëyu ki gïïa beyø, ni putu bëëtö ni cwïnynyu tar ni bäŋ ajäla dëëtu dïcäŋo duu Krictø,

Jøcua 24:2

'Ba Jøcua aköö jï jø Icriel bëët, ni «Gïna caan Wuuö Jwøki, Jwø Icriel, beeye en, ena köö, ni ‹Ki kany mo bäär kwäyu abëëdö løø Naam Upareeti løøga ni ge wøøra juu møøk, ni dhaanhø aciel røk kwäyu moøgø beeye Teera wää Eeberam ki Neeyör.

Jøcua 24:23

Ni kö Jøcua, «'Ba ennø, tïïyu karu ni bäär ki juuga path na en dïïu, ni cïpu cwïnynyu jï Wuuö Jwøk Jwø Icriel.»

1 Camiel 12:14

Ni näk mo uuni ki nyeya maru ni bëëdu tiere enø, u bëëdö nou lwäär ki Wuuö Jwøk, Jwøk maru, ni tïnynyu eni, ni leŋŋu dwøre, ni ba dhallu dwøre, ni caathu jööre, doo beer.

1 Camiel 12:24

'Ba gïna pere letha eni keere, bëëdu nou lwäär ki Wuuö Jwøk, ni tïnynyu eni na adïëri ki cwïnynyu bäre, ni cädu kiper gïïa døøŋŋø na tïïe kiperu.

1 Camiel 7:3

Køøre Camiel acäänö ki jø Icriel bëët, ni kööe, ni «Ni näk mo u duua baŋ Wuuö Jwøk ki cwïnynyu bäre, wetu juuga path ki juuga cøøri na Actaröth na en dïïu, ni cïpu cwïnynyu jï Wuuö Jwøk na bäre, ni tïnynyu eni keere; køøre uuno pieme ceŋ jø Pilitin.»