Jøcua 24:1 - Wëël Jwøk

¹ Køøre Jøcua wïth tuŋi mo jø Icriel bëët acwøle, ni cooŋge dëëtge Cekam, ni ö jø døøŋŋø, ki dïbwöthe, ki jø wø ŋøl luup, ki jø kööre, ni beege mo jø Icriel, ni cwöli wøk ki dï jøøgø; ni öge kany mo cään nyïm Jwøk.

Jøcua 24:1 Iomraidhean Croise

Wïlöölö 12:6

Ni ö Abrammi ni pöödhe ki dï ŋöömmögø këël mana pïïe kanya cwøl ni Cekam na en jaadha dwøŋŋi yie mar Mörë. 'Ba yi kar kanyøgø jø Keenan oløny ni bëëdö yi ŋöömmögø.

Wïlöölö 35:4

Kanyøgø jøøgø juuga path bëët na en jïge ki gwet ïthi moge acïpge jï Jeekap, ni ö Jeekapi ni koony ge piny tier jaadha teek na en buut Cekam.

1 Nyeye 12:1

'Ba Reeyöböm aci Cekam, kiper jø Icriel bëët onø ci Cekam nee eni tïïcge na nyeya.

2 Nyeye 23:1

'Ba nyeya ajääk baŋ jø døøŋŋø bëët moa en yi Jerucalem ki moa en yi ŋööm Juuda bäre, ni öge ni cooŋge rege buute.

Moa Tïïc Nyïïatwieli 10:33

Ni beeye na puta öön baŋï en, ni put tïmö ni beer ni ööï ennø. Ni beeye ni enwa kany en bëët nyïm Jwøk, nee luupa køp Wuuö jïrï bëët nee wïnywa.»

Tiet Ciik 29:9

Kiper manøgø nø, gwøgu luum tuut Wuuö Jwøki ki uuni en ki man kïthu gø bäät tïïc, nee gïïo tïïyu bëët thurge karge ni beyø jïïu.

Jøcua 20:7

Kanyøgønø jø Icriel päänye moi aputge cïp kur keerge, ni beege Këdëc na en Galili na en mïëya en bäät kïte na näk mar jø tuuŋ Naptali, ki Cekam na en mïëya en bäät kïte na näk mar jø tuuŋ Ipariem, ki Kiriat-Arba, ni beeye Keeprön, na en mïëya en bäät kïte na näk mar jø tuuŋ Juuda.

Jøcua 23:2

eni na Jøcua enø, jø døøŋŋø, ki dïbwöthe mo wïth tuŋi, ki jø wø ŋøl luup, ki jø kööre, ni beege mo jø Icriel bëët, acwøle ni kööe jïge, ni «Aani, aana nø jal ni cwiiya thööth døc.

Pïëmme 20:26

Køøre jø leny mo jø Icriel, këël jiy bëët, gena aa Bëthël ni jwöŋge yie; ni bëëtge kaace nyïm Wuuö Jwøk, ni mänge dëëtge ki cam ki yi cäŋögø bäre këël mana päth cäŋŋi. Ni cïpge jï Wuuö Jwøk ko olämme mo wø waaŋ bäre ko olämme mo wø duunni ki mëër.

1 Camiel 10:19

'Ba ennø uuni, Jwøk maru anø kwierru, ni beeye Jwøa køny uuni yïth gïïa leth ki caannø mana bëëdu yie, ni kööu, ni ‹Röönyï jïwa ki nyeya mo bëëtwa tiere.› 'Ba ennø møn, nyänhnhu nyïm Wuuö Jwøk ki køør wïth tuŋi mou ki dhøk uudi mou.»