Jøcua 23:9 - Wëël Jwøk

⁹ Kiper Wuuö Jwøk wïth juurre mo døøŋŋø mo teek anø riem wøk nyïmmu, ni bäŋ ŋat mo ocuŋŋö nyïmmu kanyo näk ri leny këël dïcäŋi en.

Jøcua 23:9 Iomraidhean Croise

1 Nyeye 21:26

Eni, ena tïïö ki gïï mo ec raac ki ge døc, ni beeye gïna tïïe na caath køør gïïa no otieŋø na juu, kaawat mana tïïc jø Amörri bëët, jøøa riem Wuuö Jwøki nyïm jø Icriel.

2 Luup Nyeye 20:7

Wui, ï na Jwøk marwa, ?aŋø, patha ï na riem jiy wøk moa bëëdö yi ŋöömö man nyïm jiyï ma jø Icriel, ni cïpï ŋöömö man jï nyïïkwaac Eeberam na näk nyawadu, nee bëëde na marge na bäre bäre?

Bwøth Wøk 23:23

Kiper nyïïatwiel maal mara manøgø ocäädhi maal nyïmmu, ni kïth uuni yïth ŋøøp jø Amör, ki jø Këth, ki jø Përec, ki jø Keenan, ki jø Ëwi, ki jø Jeebuc; ni puta geni raanynyø na bäre.

Bwøth Wøk 23:30

'Ba jøøgø riema wøk mëëth nyïmmu, këël mano tïmu nou thööth ni mayu piny.

Moa Tïïc Nyïïatwieli 7:45

Ni ö kwäyø ni läwge gø kälö ki Jøcua, kanya macge mïëri moa näk wëëkge oriem Jwøki wøk nyïmge. Ni put bëëte na enøgønø gøøc yïth nïr Deebit,

Tiet Ciik 11:23

Wuuö Jwøk wïth juurre moi bëët rieme wøk nyïmmu, ni lwørru ŋøøp juurre moø ni teek ni døøŋŋø geni ki uuni yøø,

Tiet Ciik 7:24

'Ba Wuuö Jwøk nyeye moge ocïp ceŋŋu, ni putu nyeŋge tïïc ni kuc bäät ŋøøm, ni tïme ni bäŋ dhaanhø mo maar lønyø jïre ki man cuŋŋe nyïmmu kany wø näk ri leny, këël mano thöörru geni na bäre.

Jøcua 1:5

'Ba bäŋ dhaanhø mo maara lønyø jïre ki man cuŋŋe nyïmï kany wø näk ri leny ki yïth nïr kwøw moï bëët moo beetï. Aano bëëdö ki ïïni kaawat mana bëëda ki Modhe; ï ba leeŋa piny ni ba wiia ïïni.

Jøcua 15:14

'Ba Kalëp jø tuuŋ nyïïkwaac Anak ariem wøk kaace; ni jø tuuŋ nyïïkwaac Anak moøgø beege jø tuuŋ Cëëci ki jø tuuŋ Akimen ki jø tuuŋ Thalmay.

Jøcua 23:5

'Ba Wuuö Jwøk na näk Jwøu, jøøgø di keethø, ni put geni riem wøk nyïmmu; ni mayu ŋøøm moge, kaawat mana nø ö Wuuö Jwøki na näk Jwøu na caan gø jïïu.

Jøcua 23:8

'Ba uuni, putu bëëtö ni uuno göök ri Wuuö Jwøk na näk Jwøu kaawat mana tïïyu këël dïcäŋi en.

Jøcua 24:18

Ni ö Wuuö Jwøki ni riem wïth juurre bëët wøk nyïmwa, këël jø Amör na bëëdö yi ŋöömmi en. 'Ba ennø, waani thuwø Wuuö Jwøk tïnywa tïnynyö, kiper beeye eni na Jwøk marwa.»