Jøcua 23:7 - Wëël Jwøk

⁷ Käru dwätö ki wïth juurre moa no odööŋ yïthakiyu, ni ba cøøru nyeŋ juu moge, ni ba kööŋŋu røk juu moge, ni ba tïnynyu juu moge, ni ba këëllu cøŋŋu piny nou wøøra juu moge.

Jøcua 23:7 Iomraidhean Croise

2 Nyeye 17:12

Ni tïnyge juu møøk, ni Wuuö Jwøk oköö jïge, ni «Gïnögø kär tïïyu.»

2 Nyeye 5:18

'Ba beerra man ö Wuuö Jwøki ni wëën aani, a na dhaanhnhï en, kiper gïrpiny aciel man; ni beeye ni kany wø cääthwa ki nyenynya na aciel ni eni cøøa baŋ lam yi øt Rimön, jwø jø Aram, kany wø kuul wïïe piny ni eni yaa maaø naa jøla gø, wø putwa wïthwa kuul piny na aciel, beerra man ö Wuuö Jwøki ni wëën aani, a na dhaanhnhï en.»

2 Luup Nyeye 7:19

«'Ba ni näk mo ïïni ki jø Icriel nyïmmu you løø wøk ni weyu luup 'moa ki ciik 'moa na köömma uuni ki ge, ni cou ni tïnynyu juu møøk ni lammu geni,

Bwøth Wøk 20:5

Kär geni lamï, ni ba tïnynyï geni, kiper aani na Wuuö Jwøk na näk Jwøï, aana Jwøk ma ŋat keec, ni jø wø män ki aani, gïïa bacge kïtha bäät obwöre moge ni jääla geni këël dää beenhnhe, ni put pïï ri ŋweer beenhnhe.

Bwøth Wøk 23:13

«'Ba gïïa caana jïïu bëët yøø, beerra man magu rou ki man gwøgu geni. Kär dee nyeŋ juu møøk mo cøøru wala gïrge wïnyö dhøgu.

Bwøth Wøk 23:33

Kär ge wëëgu bëëtö yïth ŋøøm mou, kiper nou ba wëëkge bääyö dëëra; kiper ni näk mo juu moge lammu lamø, ka adïëri møn, ge tïmö ni ge caala abïëp kiperu.»

Pwöc Leec Wïc 4:14

Kärï cør øtjöör jø raay, ni ba bëëdï ki bëët jøøa reyø.

Jeremaya 12:16

'Ba ni näk mo jöör bëëtö mar jiya kwanyge kwanyø møn, ni bëëtge ni ge kööŋŋa ri nyeŋŋa, ni ‹Ŋëët Wuuö Jwøk, Jwøa kwøw,› kaawat mana kwøŋge jiya pwönynyø ki man kööŋge ri Baal, aani tietge këëlla piny yïthakic jiya.

Jeremaya 5:7

'Ba Wuuö Jwøk aköö, ni «?Ï na Jerucalem, ïïno wëënna gø nidïï nø? Jiy moï aana wecge, ni kööŋge røk juu mo patha adïëri. Kanya nø caama geni ni jäŋge, rege agwaarge uut kääpe, ni känge ki lugi.

Odheea 2:17

Aani nyeŋ juuk wø cwøl ni Baal 'käla wøk dhee, nee nyeŋ juu moøge ba cøøri këët.

Jepaniya 1:5

Ni beege jø wø këël cøŋge piny bäät uudi, ni wø løø wïthge maal kuna lamge cäŋ ki dwääy ki ceer, ni wø këël cøŋge piny ni kööŋge ri Wuuö Jwøk, ni ge cäŋa kööŋ ri jwø wø cwøl ni Milköm;

Kwään Jiy 32:38

ki Nebø, ki Baal-Miyön, ki Cebama; ni cakge nyeŋ päänye moa geerge ki nyeŋ møøk.

Kwään Jiy 33:55

« ‹'Ba ni näk jiy moa bëëdö kaace ba riemu wøk, jøøo dööŋ no oweyu otïmö kaamar gïï mo cööbö nyeŋŋu, ni caalge köödhi mo cööba tiet butu, ni cwaatge yïthu kaace kanyo bëëdu yi ŋöömmögø.

1 Körin 15:33

Kär wïthu maaŋŋi. Dwätö ki nyïïawäädi mo reyø beeye wø raany bëëtö mo beer.

Epeca 5:11

Tïïyu karu ni bäär ki tïïe mo muudhö ni wø bäŋ gïn duuge. 'Ba u doo jooga geni.

Tiet Ciik 10:20

Lwäärru Wuuö Jwøk na näk Jwøu, ni tïnynyu eni, ni göögu dëëre, ni kööŋŋu ri nyeŋŋe keere.

Tiet Ciik 6:13

«Bëëdu nou lwäära Wuuö Jwøk na näk Jwøu, ni tïnynyu eni, ni kööŋŋu ri nyeŋŋe keere.

Tiet Ciik 6:14

Kär dee juu møøk mo cäädhu køørge, ni beege juuk jøø en buutu yøø,

Jøcua 23:12

Kiper ni näk mo uuno døø ŋäthu ni göögu røk juurre moøgø no odööŋ yïthakiyu yøø, ni nywømmu dëëtu ki geni, ni dwätu ki ge, ni ö geni ni dwätge ki uuni,

Jøcua 23:8

'Ba uuni, putu bëëtö ni uuno göök ri Wuuö Jwøk na näk Jwøu kaawat mana tïïyu këël dïcäŋi en.