Jøcua 23:3 - Wëël Jwøk

³ 'Ba uuni Wuuö Jwøk na näk Jwøu, gïïa tïïe bëët kiperu dëët wïth juurre moa bëëdö yi ŋööm Keenan bëët ajootu, kiper beeye Wuuö Jwøk na näk Jwøu na bëëdö ni këëdö kiperu.

Jøcua 23:3 Iomraidhean Croise

Bwøth Wøk 14:14

Wuuö Jwøk okëëdi kiperu, 'ba uuni u doo bëëdö mëëth jaak.»

Bwøth Wøk 19:4

ni ‹Uuni ki dëëtu kiree gïna tïïa dëët jø Ijep ajootu ki nyeŋŋu, na käla uuni wøk ki Ijep, ni gwøa uuni kaa man wø ö odhuuthi wø käär nyaare ki bwöpe, ni käla uuni baŋa.

Edhikiel 20:28

Kanya kïtha ge yi ŋöömö mana kööŋa kipere ni cïba cïbö jïge, thuuri moa bäyö bëët ki jenni bëët moa no onigïït piny aneenge, ni ö geni ni cïpge ko olämme kaace ge bëët, ni wëëkge aani gootø ko olämme moge. Ni öge thuwø ni wääŋge ki gïï wø jïcge ŋwääi ni met kaace, ni kunyge piny ki kwøŋ na muuce.

Milkiya 1:5

Gïnögø ojootu ki nyeŋŋu ni putu köö, ni ‹Wuuö Jwøk dwøŋ møn, këël yïth mïëri møga ni patha Icriel keere.› »

Tiet Ciik 1:30

kiper Wuuö Jwøk na näk Jwøu, ni wø cäädhi nyïmmu, eni ki dëëre okëëdi kiperu, kaawat mana tïïe kiperu Ijep ki dï paap, ni nëënö jïïu ki nyeŋŋu.

Tiet Ciik 20:4

kiper beeye Wuuö Jwøk na näk Jwøu noo cäädhi ki uuni na aciel, noo këëdi ki nyïïmännu kiperu, noo køny uuni.›

Tiet Ciik 4:9

«'Ba ennø, gwøgu rou døc, ni bëëdu ni rou you koorø, kiper nee wïthu ba wïlge ki gïïa neennu ki nyeŋŋu, nee gïïge ba rwäänyge cwïnynyu ki yïth nïr kwøw mou bëët. 'Ba gïno tïïyu beeye ki man pwönynyu obwöre mou ki nyïïkwaayu ki geni nee ŋäcge.

Tiet Ciik 7:17

«'Ba kanymør u köö ki cwïnynyu, ni ‹Wïth juurre moi thöötha geni ki øøni. ?Olønye jïïø nidïï ki man böötø geni ni lwørø ŋöömö marge?›

Tiet Ciik 7:24

'Ba Wuuö Jwøk nyeye moge ocïp ceŋŋu, ni putu nyeŋge tïïc ni kuc bäät ŋøøm, ni tïme ni bäŋ dhaanhø mo maar lønyø jïre ki man cuŋŋe nyïmmu kany wø näk ri leny, këël mano thöörru geni na bäre.

Jøcua 10:14

'Ba bäŋ teeŋ dïcäŋ mo oruu mo caala manøgø dïkwøŋ, ni bäŋ teeŋ gïnögø mo otägö køøre këët, ki mana ö Wuuö Jwøki na wïny dwør dhaanhø; kiper beeye Wuuö Jwøk na këëdö kiper jø Icriel.

Jøcua 10:42

Ni ö Jøcua ni put nyeye moøgø bëët ki mïëri moge mac yie aciel, kiper Wuuö Jwøk na näk Jwø Icriel beeye eni na këëdö kiper jø Icriel.

Jøcua 23:10

Dhaanhø aciel dëëtu jiy ma kuma di riemmø, kiper beeye Wuuö Jwøk na näk Jwøu na bëëdö ni këëdö kiperu, kaawat mana nø caan gø jïïu.