Jøcua 23:2 - Wëël Jwøk

² eni na Jøcua enø, jø døøŋŋø, ki dïbwöthe mo wïth tuŋi, ki jø wø ŋøl luup, ki jø kööre, ni beege mo jø Icriel bëët, acwøle ni kööe jïge, ni «Aani, aana nø jal ni cwiiya thööth døc.

Jøcua 23:2 Iomraidhean Croise

1 Nyeye 1:1

'Ba kanya tïm nyeya ma Deebit na jaal ni cwiiye oløny ni thööth, eni dëëre atïmö ni da köö, ni tïm dëëre ni ba murri, këël na bëëde ni dëëre rïëp jiyi rïëbö ka aleeŋŋa.

1 Nyeye 8:1

Køøre nyeya ma Cølöman jø døøk Icriel, ki dïbwöthe mo wïth tuŋi bëët, ki dïbwöthe mo dhøk uudi mo jø Icriel acooŋ yi Jerucalem, kiper na acanduk man wø nyooth luumma tuut Wuuö Jwøki ki jiy nee øømge yi Pääny Deebit, ni beeye Dhayan.

1 Luup Nyeye 23:2

'Ba Deebit bwöthe mo jø Icriel bëët, ki dïlämme, ki jø tuuŋ Libay, acooŋe.

1 Luup Nyeye 27:27

'Ba Cimiy nyï Reema, pwöth jer omøki acïp cere. 'Ba Dhabdi nyï Cipam, uudi moa en tiet ŋøøm mo wø kan kwøk nyïïomøki yïthge, acïp cere.

1 Luup Nyeye 28:1

'Ba Deebit kwääri mo Icriel bëët acooŋ yi Jerucalem, ni beege kwääri mo wïth tuŋi mo Icriel, ki kwääc lwaae mo jiy moa näk ocïïmmö na dhøgi na jø tïny nyeya, ki kwääc lwaa kume mo leny ki kwääc lwaa dïpe mo leny, ki jiy mo wø raŋ jammi bëët ki lääc paac moa näk mo nyeya ki mo wääte, ki jaae mo paan dwøŋ, ko otëëe mo leny, këël otëëe moa teek ki leny døc.

Tiet Ciik 31:28

'Ba cooŋŋu jø døøŋŋø mo wïth tuŋi mou bëët ki cuumme mou kanya ciel buuta, kiper nee luup moi caana ni wïnyö jïge; ni tïm maalli ki piny na gïïo ŋäc luummi en yïthakicwa ki geni kiper bääyö marge.

Jøcua 13:1

'Ba kanya tïm Jøcua na jaal ni cwiiye oløny ni thööth døc, Wuuö Jwøk aköö jïgø, ni «Ïïni, ïïna nø tïmö na jaal, ni cwiiri moï oløny ni thööth døc; 'ba poot da ŋøøm mo thööth mo poot kär maaø.

Jøcua 23:3

'Ba uuni Wuuö Jwøk na näk Jwøu, gïïa tïïe bëët kiperu dëët wïth juurre moa bëëdö yi ŋööm Keenan bëët ajootu, kiper beeye Wuuö Jwøk na näk Jwøu na bëëdö ni këëdö kiperu.

Jøcua 24:1

Køøre Jøcua wïth tuŋi mo jø Icriel bëët acwøle, ni cooŋge dëëtge Cekam, ni ö jø døøŋŋø, ki dïbwöthe, ki jø wø ŋøl luup, ki jø kööre, ni beege mo jø Icriel, ni cwöli wøk ki dï jøøgø; ni öge kany mo cään nyïm Jwøk.

1 Camiel 12:2

'Ba ennø, nyeya manøgø nut ni tïnynya uuni; 'ba aani, aana nø tïmö na jaal ni wïïa da lwaar, ni wääta nut dïïu. 'Ba aana bëëdö naa tïnynya uuni ki mana täga naa thiinh këël kar kany ennø.