Jøcua 23:15 - Wëël Jwøk

¹⁵ 'Ba kaawat mana ö Wuuö Jwøki na näk Jwøu na wëëk luup bëët thur karge moa beyø na caane kiperu, eni na Wuuö Jwøk thuwø gïï mo leth di kälö bäätu ni näk uuno bääyö, këël mano dïïr wïthu yi ŋöömmi ni beer en, ni beeye ŋöömma cïbe jïïu, eni na Wuuö Jwøk na näk Jwøu.

Jøcua 23:15 Iomraidhean Croise

1 Nyeye 14:15

'Ba Wuuö Jwøk otïïö dëët jø Icriel ki gïï mo leth, ni tïm dëëtge ni kwanynyi, kaawat man wø ö otööki wø tuuŋŋi ya pïïyi; ni ö eni ni cööt jø Icriel wøk ki yi ŋöömmi ni beer en na näk ee cïbö jï kwäcge, ni keeth geni ni leeŋ ge ŋää Naam Upareeti, kiper mana cööthge piny ki jenni moa no otieŋø na no ocaa ri jwøa cwøl na Acara, ni ge tïïya Wuuö Jwøk nee goote.

1 Nyeye 8:56

«Pwøc en jï Wuuö Jwøk, na mooc jiye ma jø Icriel ki jwömö, ki køør gïïa caane bëët, ni bäŋ luubö aciel mo odööŋ ni kär thur kare røk gïïa beyø bëët na caane ki dhi dhaanhnhe ma Modhe.

Aydheea 24:6

Kiper manøgønø, piny aränynyö ki køør acïën Jwøk, ni ö jø wø bëëdö bäät piny ni rømge ka ajäla manøgø. Geno thöör ajäle mo leth, ni tïme ni dööŋŋa jiy mo nøk.

Jeremaya 32:24

«Ennø, ŋøøm moø ni thør jø Babilønni deŋ kiir pääny enø, anø pïï maal kiper nee pääny macge; 'ba kiper mäny ki käc ki täw mo leth, pääny aløny ni cïp ceŋ jø Babiløn, jøø ni këëdi ki gø yøø. 'Ba kawaane, gïna caanï kiper päänyi en anø tägö, ni nëënö jïrï.

Jeremaya 32:42

«Kiper gïn caana en, a na Wuuö Jwøk, beeye en: Kaawat mana tïïa gïï na leth bëët ii dëët jøøi, aani, gïïa beyø bëët na caana kiperge tïïa tïïö jïge.

Jeremaya 35:17

«Kiper manøgønø, luumma caan Wuuö Jwøki, Jwø Icriel, eni na wïth jammi bëët, beeye en: ‹Ka adïëri møn, a känna bäät jø wø bëëdö Jerucalem bëët ki dï Juuda bäre ki gïn mo leth, ni beeye gïna näk yaa nø caan ni 'käla bäätge, kiper aana cäänö ki geni, ni kärge mara wïnynyö, ni cwøla geni, ni kärge mara løø.› »

Ciik Kiper Dïlämme 26:3

« ‹Ni näk mou caatha køør ciik 'moa, ni gwøgu gïïa cema ni kïthu ge bäät tïïc,

1 Thecalönika 2:16

kiper mana mänge waani ki man caanwa luum Jwøk jï juurre, nee ge piem. Ni beeye gïï wø tïïcge cooth ni ge meeta raay moge ni thööth. 'Ba ka aŋuudi, wëëc Jwøk arøm dëëtge.

Pïëmme 13:1

'Ba jø Icriel acäŋ tïïö ki gïï mo nëëni ni reyø ki jï Wuuö Jwøk, ni ö Wuuö Jwøki ni cïp geni ceŋ jø Pilitin ki cwiiri ma pïëraŋween.

Pïëmme 3:12

'Ba jø Icriel acäŋ tïïö ki gïï mo nëëni ni reyø ki jï Wuuö Jwøk. Ni ö Wuuö Jwøki ni mooc Ëglön nyeny jø Möap ki teek mo kaala teek mar jø Icriel, kiper ge na jø Icriel yøø, gena tïïö ki gïï mo nëëni ni reyø ki jï Wuuö Jwøk.

Pïëmme 3:8

Køøre Wuuö Jwøk aput wëër døc ki jø Icriel, ni put ge cïp cer Kucan-Ricataym nyeny jø Aram-Naarim; ni ö jø Icrielli ni putge Kucan-Ricataym tïnynyö ki cwiiri abära.

Pïëmme 6:1

'Ba jø Icriel atïïö ki gïï mo nëëni ni reyø ki jï Wuuö Jwøk; ni ö Wuuö Jwøki ni cïp geni ceŋ jø Midien, ni wëëk geni caarø ki cwiiri abïriiø.