Jøcua 23:13 - Wëël Jwøk

¹³ wär putu ŋäc nø ni Wuuö Jwøk na näk Jwøu juurre moøgø ba riem wøk nyïmmu këët; 'ba ge puta tïmö ni caala abïëp ka akupa kiperu, ni caala alaŋŋa mo u di pöötö ki gø, ni caalge koodhi mo cööba nyeŋŋu, këël mano putu thumö ki thøø ni bäŋ dhaanhø aciel rou mo dööŋ yi ŋöömmi ni beer en na no onø cïp Wuuö Jwøki na näk Jwøu jïïu.

Jøcua 23:13 Iomraidhean Croise

1 Nyeye 11:4

'Ba kanya tïm Cølömanni na jaal, cwïnye aløø määre wøk baŋ juu møøk; ni ö cwïnye bäre ni tïme ni ba en køør Jwøe ma Wuuö Jwøk, kaawat mana bëët cwïny wänni ma Deebit ni ena køør Wuuö Jwøk.

2 Nyeye 17:18

Køøre, Wuuö Jwøk awëër døc ki jø Icriel, ni riem ge wøk buute, ni bäŋgø mo odööŋ; 'ba beege jø tuuŋ Juuda keerge.

2 Nyeye 17:20

Køøre, Wuuö Jwøk akweer ki nyïïkwaac Icriel bëët ni caan geni, ni cïp ge ceŋ dïtwïëte, këël mana riem ge wøk buute.

2 Nyeye 25:21

Køøre nyeny Babiløn jøøgø anääe Ribala, päänya en yi ŋööm Amath. Manøgø beeye jöö mana ö jø Juuda ni käl ge yi ŋöömö marge ni ge mak ki tøŋ.

2 Nyeye 25:26

Køøre jø Juuda bëët moa kwörge therø ki moa kwörge døøŋŋø ki kwääc jø leny aö maal ni cige Ijep, kiper gena lwäyö ki jø Babiløn.

Bwøth Wøk 10:7

Ni kö jø kööre mo Peerø jï Peerø, na «?A këël kany mo nyïëdi nø noo bëët nyenøgø ni bïtha øøni? Beerra man weyï jøøgø nee aacge kiper nee Wuuö Jwøk na näk Jwøge nee tïnyge. ?Aŋø, ki man näk Ijep oränynyö poot kuyï en?»

Bwøth Wøk 23:33

Kär ge wëëgu bëëtö yïth ŋøøm mou, kiper nou ba wëëkge bääyö dëëra; kiper ni näk mo juu moge lammu lamø, ka adïëri møn, ge tïmö ni ge caala abïëp kiperu.»

Bwøth Wøk 34:12

Gwøk riï ki man ba tudï ki luubö ki jiy mo wø bëëdö yi ŋöömmo ciï yie, kiper nee ba tïme na gïn mo caala abïëp dïïu.

Bwøth Wøk 34:16

'Ba ni näk nyïïge you nywømø jï wäätu nee tïmge na määrge, kanyo bëët nyïïge moøgø ni ge tïïö ki gïï mo reyø ni cwïnyge ena køør juu moge, wäätu bwøthge bwødhø ki øtjöörögø ni tïïcge teeŋ tïïc manøgø.

Edhikiel 28:24

« ‹Kanyøgønø ki røk wïth juurre moa en deŋ Icriel, otïmö ni bäŋ jiy këët mo ogäy mo ge bëëdö kaamar oŋöön ko otwel mo cööba jø Icriel. Køøre putge ka ŋäc ni bee aani na Kwäärö Wuuö Jwøk.›

Kwään Jiy 33:55

« ‹'Ba ni näk jiy moa bëëdö kaace ba riemu wøk, jøøo dööŋ no oweyu otïmö kaamar gïï mo cööbö nyeŋŋu, ni caalge köödhi mo cööba tiet butu, ni cwaatge yïthu kaace kanyo bëëdu yi ŋöömmögø.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Tiet Ciik 29:28

Ni ö Wuuö Jwøki ni cööt ge wøk ki yi ŋöömö marge ni eno gootø døc, ni cwïnye da wëër mo ba thiinh, ni riem geni yi ŋöömö mørø, kaawat man bëëde dïcäŋi en.›

Tiet Ciik 30:18

ka adïëri møn, u thum ki thøø. U ba bëëdö ki kany mo bäär yi ŋöömmo ŋutu yie løø Naam Jördan løøga nou cou yie nou lwørru na maru.

Tiet Ciik 4:26

Dïcäŋi en maal ki piny otïmö ni beege gïïo ŋäc luummi en yïthakiyø ki uuni kiper gïno raac noo pïï dëëtu. Ni näk gïna caan Wuuö Jwøki ba leŋŋu, u laara thumö kany mo cään en wï ŋöömö mano cou yie nee lwørru na maru løø Naam Jördan løøga. U ba bëëdö ki kany mo bäär yi ŋöömö manøgø këët, 'ba u put ka thöör na bäre bäre.

Tiet Ciik 7:16

Jiy bëët moo cïp Wuuö Jwøki na näk Jwøu ceŋŋu wär putu thöör, ni ba päth cwïnynyu ki gïrge; ni ba tïnynyu juu moge, kiper noo tïnynyu ge, puta tïmö ni caala abïëp kiperu.

2 Timöthi 2:26

nee bøthge ki ya abïëp mar anägö, na kwøŋ ge peec kiper nee mana manynye tïïcge.

Pïëmme 2:21

aani, wïth juurre moa dööŋ ni kär dïïm Jøcua kanya thøøe, ba riema wøk nyïmge këët.