Jøcua 23:12 - Wëël Jwøk

¹² Kiper ni näk mo uuno døø ŋäthu ni göögu røk juurre moøgø no odööŋ yïthakiyu yøø, ni nywømmu dëëtu ki geni, ni dwätu ki ge, ni ö geni ni dwätge ki uuni,

Jøcua 23:12 Iomraidhean Croise

Wïlöölö 2:24

Kiper manøgø nø, dïcwøø wänni ki menni owiie ni dwätge na aciel ki cïïe, ni tïmge na dëël aciel.

Wïlöölö 34:3

Køøre Cekam cwïnye aput tïmö ni ena køør Dina nyi Jeekap, ni put mëëyö ki gø døc, ni cään gø ki luup mo cøm cwïny.

1 Nyeye 11:2

ni beege wïth juurre moa cään Wuuö Jwøki kiperge na kööe jï jø Icriel, ni «Kär dëëtu nywømmu ki geni wala ge nywøma dëëtge ki uuni, kiper ka adïëri møn, geni cwïnynyu løøge baŋ juu moge.» 'Ba Cølöman atïmö ni cwïnye ena køør mään moøgø døc.

1 Nyeye 11:4

'Ba kanya tïm Cølömanni na jaal, cwïnye aløø määre wøk baŋ juu møøk; ni ö cwïnye bäre ni tïme ni ba en køør Jwøe ma Wuuö Jwøk, kaawat mana bëët cwïny wänni ma Deebit ni ena køør Wuuö Jwøk.

Aydheea 1:4

Wui, u na wï jur ma jø raay en, u na jiy mo raay löör ŋäthu kaamar tëër en, ni bee u nyïïkwaac jiy mo wø tïïö ki gïï mo reyø, ni uuno obwöre mo temma raay møn! Wuuö Jwøk, eni na Jwø Icriel na en kur keere, aweyu, ni taagu gø, ni løøu ŋäthu wøk ki eni.

Edhikiel 18:24

«'Ba ni näk ŋat mo bëëte tiir bëëtö mare na tiir wiie wiiø, ni tïïe ki gïï mo yia raac ki ge mo caala moa tïïc ŋata bëëte raac, ?eni bëëdö ni kwøw? Ba løny; eni japa beyø bëët na tïïe, bäŋgø mo wïc di parø ki gø. 'Ba eni thøw, kiper mana bëëde ni bëëte patha kare, ki køør bääyö mare, ki raay moa temme.

Jepaniya 1:6

ni beege jøøa døø ŋäthge ki man ba cääthge køør Wuuö Jwøk, na kweer ki man manyge gø wala man pëënyge gø.»

Mathiew 12:45

Køøre nø, eni wø aay ni känne ki juu abïriiø møøk mo kadha rääö marge ki mare, ni dønyge yie, ni putge bëëtö kaace. Ni ö bëët ŋatøca ni tïme ni raac døc ni kaala mana dïkwøŋ. Beeye gïnögø thuwø noo tägi dëët jø pinyi ni reyø ii.»

Jøøn 6:66

Køør manøgøøni bääge mo thööth adøø cään ni tïmge ni ge ba cäädhi ki eni këët.

Wëëlö Mana Göör Pøølli Baŋ Jø Röm 12:9

Beerra man mëërru ki mëër mo ree bäŋ atade. Männu ki gïno raac ni magu gïno beer.

Tiet Ciik 6:15

kiper Wuuö Jwøk na näk Jwøu ni en dïïu enø beeye Jwøk ma ŋat keec. Ni näk mou cäädhö køør juu møøk, wëëc Wuuö Jwøk na näk Jwøu puta liel dëëtu kaamar maac, ni thöör uuni bäät ŋøøm.

Tiet Ciik 7:3

Kär røgu nywømmu ki geni. Kär nyïïu cïpu jïge nee nywøm wäätge, ni ba källu nyïïge nee nywøm wäätu.

Tiet Ciik 7:4

Kiper obwöre mou bwøthge wøk ki jöör Wuuö Jwøk, ni tïmge ni ge tïnynya juu møøk. Køøre wëëc Wuuö Jwøk liel dëëtu kaamar maac, ni ö eni ni laar u thöör.

Jøcua 23:11

«'Ba uuni, gwøgu rou døc ki man bëëdu nou mëër ki Wuuö Jwøk na näk Jwøu.

1 Jøøn 2:9

'Ba ŋat wø köö ni eni ena yi tar, ni män ki coki, eni poot ena yi muudhö.

Pïëmme 14:3

'Ba wänni ki menni aköö jïgø, na «?Aŋø, bäŋ dhaagø dï nyïï tuuŋu wala dï jø pøø, ni kööï niï nyöömmö ki dhaagø ri jø Pilitin moi ni kär daŋø ii?» 'Ba Camcøn aköö jï wänni, ni «Nywømï jïra, kiper dhaagø manøgø nëëni ni mïërö ki jïra.»

Pïëmme 3:6

ni ö jø Icrielli ni nyöömge dëët nyïï jøøgø, ni cïpge nyïïge thuwø nee nywøm wäät jøøgø, ni putge juu mo jøøgø tïnynyö.