Jøcua 23:11 - Wëël Jwøk

¹¹ «'Ba uuni, gwøgu rou døc ki man bëëdu nou mëër ki Wuuö Jwøk na näk Jwøu.

Jøcua 23:11 Iomraidhean Croise

Bwøth Wøk 20:6

'Ba jø wø mëër ki aani ni wø gwøk ciik 'moa, mëëya ni wø ba jøøl nyoodha nyoodhø jïge, këël mano pïïe ri jiy ma kum kum.

Pwöc Leec Wïc 4:23

Ki røk jammi bëët, koor wïïï, kiper beeye jøøro mar kwøw.

Luk 21:34

«Gwøgu dëëtu. Kanymør cwïnynyu tïmö ni ena køør caammi, ki meeye, ki lääŋ jap kwøwi en, ni ö cäŋöce ni laar ö bäätu ni caala abïëp.

Wëëlö Mana Göör Pøølli Baŋ Jø Röm 8:28

'Ba ŋääø ni Jwøk tïïö ri jammi bëët nee bëënyge jï jøw wø mëër ki eni, jøøa näk ee cwølø keda mana manynye.

1 Körin 16:22

'Ba nee da dhaanhø mo ba mëër ki Kwäärö, ŋatøca, acïëni oen bääte. Wui, Kwääcwa, laar öö!

1 Körin 8:3

'Ba ni näk dhaanhø mëër ka Jwøk, eni ŋäc Jwøki.

Epeca 5:15

Kiper manøgønø, gwøgu dëëtu døøc ki wääthu, ni wïthu leer nou patha jiy mo wïthge ba leer.

Tiet Ciik 30:16

'Ba a köömma uuni dïcäŋi ki man mëërru ki Wuuö Jwøk na näk Jwøu, ki man caathu køøre, ni gwøgu ciik moe ki luup ŋøl moe, kiper nou bëëdu nou kwøw ni nyaayu, nee Wuuö Jwøk na näk Jwøu nou gwïëdhe yi ŋöömmo cou yie nou lwørru na maru.

Tiet Ciik 30:20

'Ba gïna dou tïïö kiree beeye ki man mëërru ki Wuuö Jwøk na näk Jwøu, ni leŋŋu dwøre, ni göögu ree, kiper beeye gïno jïtu ki kwøw ki køøre, noo døøc nïr kwøw mou mo thööth, kiper nou bëëdu yi ŋöömma kööŋ Wuuö Jwøki kipere ni cïbe cïbö jï kwäyu, ni beege Eeberam ki Aydhak ki Jeekap.»

Tiet Ciik 4:15

«'Ba dïcäŋa cään Wuuö Jwøki ki uuni bäät Kïn Körëp ni eni ena dï maac, kar kaaca bäŋ gïn mo you joodø mo caala dëël. Kiper manøgø nø, beerra man gwøgu rou døc,

Tiet Ciik 4:9

«'Ba ennø, gwøgu rou døc, ni bëëdu ni rou you koorø, kiper nee wïthu ba wïlge ki gïïa neennu ki nyeŋŋu, nee gïïge ba rwäänyge cwïnynyu ki yïth nïr kwøw mou bëët. 'Ba gïno tïïyu beeye ki man pwönynyu obwöre mou ki nyïïkwaayu ki geni nee ŋäcge.

Ibaru 12:15

Gwøgu røgu nee bäŋe ŋat mo kääŋi ki met yi Jwøk, nee bäŋe gïn mo keec mo tuy ni ööl uuni, ni raany jiy mo thööth.

Jøcua 22:5

'Ba gïno tïïyu keere nø, koorru wïthu døc ni gwøgu ciik ki luup moa ö Modhe na näk dhaanh Wuuö Jwøk na kööm uuni ki ge, ki man putu bëëtö nou mëër ki Wuuö Jwøk na näk Jwøu ni caathu jööre bäre, ni gwøgu ciik moe, ni göögu ree, ni tïnynyu eni ki cwïnynyu bäre ka acaayu bäre.»

Jøcua 23:10

Dhaanhø aciel dëëtu jiy ma kuma di riemmø, kiper beeye Wuuö Jwøk na näk Jwøu na bëëdö ni këëdö kiperu, kaawat mana nø caan gø jïïu.

Jøcua 23:12

Kiper ni näk mo uuno døø ŋäthu ni göögu røk juurre moøgø no odööŋ yïthakiyu yøø, ni nywømmu dëëtu ki geni, ni dwätu ki ge, ni ö geni ni dwätge ki uuni,