Jøcua 23:1 - Wëël Jwøk

¹ 'Ba kanya nø tïme na køør cwiiri møøk, ni Wuuö Jwøk jø Icriel ee nø mooc ki jwöm, ni bäŋ leny këët yïthakicge ki nyïïmänge bëët moa en deŋ ŋöömö marge bäre, ni Jøcua onø jalø ni cwiiye oløny ni thööth døc,

Jøcua 23:1 Iomraidhean Croise

Wïlöölö 25:8

Køøre ena thøw ni ena dhaanhø mo ojal ki jalø ma wøp, na jaal mo bëëtö ee pwøø wøk; ni put läp køør jø poge.

1 Nyeye 1:1

'Ba kanya tïm nyeya ma Deebit na jaal ni cwiiye oløny ni thööth, eni dëëre atïmö ni da köö, ni tïm dëëre ni ba murri, këël na bëëde ni dëëre rïëp jiyi rïëbö ka aleeŋŋa.

1 Luup Nyeye 23:25

Kiper Deebit aköö, ni «Wuuö Jwøk, Jwø Icriel, acïpö ki jwöm jï jiye. Eni bëëdö yi Jerucalem na bäre bäre.

1 Luup Nyeye 27:1

'Ba moi beege jø Icriel moa näk okwaanø, ni beege dïbwöthe mo dhøk uudi, ki kwääc lwaa kume mo leny, ki kwääc lwaa dïpe mo leny, ki dïbwöthe moge mo wø tïny nyeya ni ge raŋŋa tïïe ki luup bëët mo dhøgi mo leny mo wø tïïö ki yi dwääy man nø ki dwääy man nø yi cwiir bäre, ni dhøk man nø yie da jiy ma kume ma pïërariiø kurŋween.

2 Luup Nyeye 14:1

'Ba Abaaja athøw ni läp køør kwäye, ni koonyi Pääny Deebit. Ni ö wääde ma Aca ni läw kare na nyeya. Ni put paaci jïtö ki jwöm ki cwiiri apaar ki yïth nïne moa beede.

2 Luup Nyeye 14:5

Ni ö eni thuwø ni raany kwör lam moa en bäät thuuri ki gïï wø waaŋ gïï wø jïcge ŋwääi ni met bäätge moa en yïth päänye bëët mo Juuda. Ni ö buc nyeci mare ni put jïtö ki bëët mëër ki ree.

2 Luup Nyeye 20:30

Kanyøgø buc nyec mar Jøcapat aput bëëtö ki bëët mëër, kiper Jwøk mare acïpö jïre ki jwöm kun ki kun.

Aydheea 63:14

Gena mooc Jwïëc Wuuö Jwøki ki jwöm kaamar lääc paac mo cøøa yi gool.» Wui Wuuö Jwøk, manøgø beeye jöö mana bwøthï jiyï ki gø, na tïïyï nyeŋŋï nee bëëde ni di jiemø.

Tiet Ciik 31:2

ni kööe jïge, ni «Aani, cwiiri moa beeda aløny ni dïpa ki pïërariiø ennø, ni wääth ki tïïc ba løny jïra këët. Wuuö Jwøk acäänö ki aani thuwø ni kööe, ni ‹Ï ba ŋut løø Naam Jördan løøga këët.›

Jøcua 11:23

Kanyøgønø, Jøcua ŋöömö bäre aput mac, ki køør mana caan Wuuö Jwøki jï Modhe; ni ö Jøcua ni cïp ŋöömö jï jø Icriel na ŋöömmo dööŋ jïge, ni pääŋ gø jïge ki køør wïth tuŋi moge. Køøre piny aput nikwöc, ni ö jiyi ni jwömge dëëtge ki leny.

Jøcua 13:1

'Ba kanya tïm Jøcua na jaal ni cwiiye oløny ni thööth døc, Wuuö Jwøk aköö jïgø, ni «Ïïni, ïïna nø tïmö na jaal, ni cwiiri moï oløny ni thööth døc; 'ba poot da ŋøøm mo thööth mo poot kär maaø.

Jøcua 21:44

'Ba kaawat mana nø ö Wuuö Jwøki na kööŋe jï kwäcge, gena put mooc ki jwöm këël deŋ ŋöömö marge bäre, ni bäŋ dhaanhø aciel mo omaar cuŋŋö nyïmge røk nyïïmänge bëët kanya näk ri leny; ni ö Wuuö Jwøki ni put nyïïmän moge bëët cïp ceŋge.

Jøcua 22:4

'Ba ennø, Wuuö Jwøk na näk Jwøu nyïïmëëgu amooe ki jwöm kaawat mana caan gø jïge. Kiper manøgønø, u aay nø ni døøu pou, yi ŋöömma cïp Modhe na näk dhaanh Wuuö Jwøk jïïu na kuru, na en løø Naam Jördan løøga.

1 Camiel 12:2

'Ba ennø, nyeya manøgø nut ni tïnynya uuni; 'ba aani, aana nø tïmö na jaal ni wïïa da lwaar, ni wääta nut dïïu. 'Ba aana bëëdö naa tïnynya uuni ki mana täga naa thiinh këël kar kany ennø.