Jøcua 22:4 - Wëël Jwøk

⁴ 'Ba ennø, Wuuö Jwøk na näk Jwøu nyïïmëëgu amooe ki jwöm kaawat mana caan gø jïge. Kiper manøgønø, u aay nø ni døøu pou, yi ŋöömma cïp Modhe na näk dhaanh Wuuö Jwøk jïïu na kuru, na en løø Naam Jördan løøga.

Jøcua 22:4 Iomraidhean Croise

1 Luup Nyeye 22:18

Ni kööe jïge, «?Aŋø, paa Wuuö Jwøk, Jwøk maru, na en buutu? ?Aŋø, patha eni na cïpö jïïu ki jwöm kun ki kun? Kiper beeye eni na cïp wïth juurre cera moa en yi ŋöömmi, ni tïmge ni ge ena tier Wuuö Jwøk ki jiye.

Bwøth Wøk 33:14

Ni kö Wuuö Jwøki jï Modhe, ni «Aano cäädhi ki ïïni ciel, ni mooa ïïni ki jwömö.»

Kwään Jiy 32:18

Wa ba duu mïëri mowa këël mano ö ŋati man nø ri jø Icriel noo lwør ŋöömö mana näk kure.

Tiet Ciik 12:9

kiper mana näk mou poot kär pïï kar jwömö, ni beeye kanyo dööŋ jïïu na maru noo cïp Wuuö Jwøki na näk Jwøu jïïu.

Tiet Ciik 29:8

Ni lwørø ŋøøm moge, ni cïbø gø jï jø tuuŋ Ruben ki jï jø tuuŋ Gaat ki jï thääŋ jø tuuŋ Maneeca nee dööŋe na marge.

Tiet Ciik 3:20

'Ba jø pou okønynyu ki leny këël mano ö Wuuö Jwøki noo mooc geni ki jwöm ni tïm lenynyi ni bäŋgø, kaawat mana mooc uuni ki jwöm. 'Ba beeye këël mano kälge ŋöömö mana en løø Naam Jördan løøga noo cïp Wuuö Jwøki na näk Jwøu jïge. Køøre nø, uuno døø yi ŋöömö mana cïba jïïu, ni ö ŋati man nø ni døø kare.›

Ibaru 4:8

Kiper onää geno mooc Jøcua ki jwömö, Jwøk cäŋ mør ba dee cäŋa caannø.

Jøcua 1:15

'Ba u doo bëëdö nou køønynya nyïïmëëgu këël mano ö Wuuö Jwøki noo mooc geni ki jwöm, kaawat mana mooc uuni ki jwöm, këël mano ö geni thuwø noo macge ŋöömö mano cïp Wuuö Jwøki na näk Jwøu jïge. Køøre nø, uuno døø yi ŋöömö mana näk maru ni bëëdu yie, ni beeye ŋöömma näk onø cïp Modhe na näk dhaanh Wuuö Jwøk jïïu na en løø Naam Jördan løøi jï løø kur tuul-cäŋ.»

Jøcua 12:6

'Ba kar kaaca Modhe na näk dhaanh Wuuö Jwøk ki jø Icriel nyeye moøgø aböötge; ni ö eni ni cïp ŋøøm moøgø jï jø tuuŋ Ruben, ki jø tuuŋ Gaat, ki thääŋ tuuŋ Maneeca, ni beege ŋøøpo dööŋ jïge na kurge.

Jøcua 13:15

Kanyøgønø, Modhe ŋøøm mo dööŋ jï jø tuuŋ Ruben acïbe jïge ki køør dhøk uudi moge.

Jøcua 13:8

'Ba kar kaaca thääŋ tuuŋ Maneeca, ki jø tuuŋ Ruben ki jø tuuŋ Gaat, ŋøøm moa cïp jïge na moge ege nø lwør kanya enge løø Naam Jördan jï løø kur tuul-cäŋ, ni beeye Modhe na näk dhaanh Wuuö Jwøk na cïp gø jïge;

Jøcua 22:3

Uuni thuwø nyïïmëëgu käru wiiø ki kanya beetu na yie bäär këël dïcäŋi en; 'ba ciik mo Wuuö Jwøk na näk Jwøu aputu gwøk møn.