Jøcua 22:22 - Wëël Jwøk

²² ni «Kare møn, Jwøk na näk Wuuö Jwøk, Jwøa en teeki jïre, tier gïnögø ŋääe; 'ba beerra man ö jø Icrielli ki dëëtge kiree ni ŋäcge tier gïnögø. 'Ba ni näk mo tier gïnögø ageem, ni waano bääyö dëër Wuuö Jwøk møn, beerra man ö Wuuö Jwøki ni ba køny waani ceŋŋu dïcäŋ man en.

Jøcua 22:22 Iomraidhean Croise

1 Nyeye 8:39

beerra man wïnynyï gø kany wø bëëdï yie maalø, ni wëënnï ŋati man nø, ni cunnï gø ki køør moa tïïe bëët, ni beege jøøa cwïnyge ŋäyï, kiper bee ï keerï ni ŋäc cwïny jiy bëët,

Jööp 10:7

Ïïni, ŋäyï ni bäŋ gïn mo yaa baa; ni bäŋ ŋat mo løny jïre ki man piem aani cerï.

Jööp 23:10

'Ba eni uutjïëthe mo wø caadha bëët ŋääe, ni kany wø pääny aani, a tïmö naa paŋŋi kaamar warkey mo okïth yi maac.

Jööp 31:22

doo beerra man ö bada ni pudhi wøk göönna, ni put toor ki waŋ mutö.

Dut Pwøc 50:1

Dut Pwøc 82:1

Bwøth Wøk 18:11

Kawaane ajooda møn ni Wuuö Jwøk dwøŋŋa eni ki juu bëët, kiper køny manøgø atïïe kiper atöör mana tïïc jø Ijepi bäät jø Icriel.»

Jeremaya 12:3

'Ba ï na Wuuö Jwøk, a ŋäyï; na a wø nëënö jïrï cooth, ni raŋï cwïnya man näk a bëëda nidïï ki baŋï. Wui Wuuö Jwøk, peec jøøgø niï kïtha ge baŋ ŋaal kaamar dïëk; kïth geni kur keerge kiper dïcäŋo ŋaal ge yie.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 2:47

Ni kööe jï Daniel, ni «Ka adïëri møn, Jwøï beeye wïth juu, ni beeye kwääc nyeye ni wø nyooth gïï mo tietge okanø, kiper mana lønye jïrï ki mana nyoothï tier gïn no okanø en.»

Mikiya 7:9

Waana bääyö dëër Wuuö Jwøk møn; wëër mare bëëdö ni ena bäätwa këël kanyo pïëme kiper luubö marwa, noo këël tier adïëri marwa piny. Eni wa käle wøk ni bëëtwa yi tar, ni jootwa adïëri mare.

Milkiya 3:18

Køøre nø, ocäŋ tïmö ni løny jïïu ki man ŋäyu ŋata beer ki ŋata raac; këël ŋat wø tïny Jwøk ki ŋat wø ba tïny gø ŋäyu ŋääö thuwø.»

Jøøn 21:17

Ni cäŋ köö ri dääge, «?Cayman o Jøøn, ï mëër ki aani?» Kanyøgø Piter cwïnye apädhö kiper na pëënynyi ya Jecu kwöre adäk, ni «?Ï mëër ki aani?» ni kööe jïgø, ni «Kwäärö, kawaane jammi bëët ŋäyï. Ni ŋäyï ki man näk maa mëër ki ïïni.» Ni kö Jecu jïre, «Piith dïëga.

Moa Tïïc Nyïïatwieli 1:24

Ni lämge, ni köge, ni «Wui Wuuö, ï ni wø ŋäc cwïny jøw bëët, nyooth ŋata jierï jïwa dëët jøøi na ariiø ii,

Moa Tïïc Nyïïatwieli 25:11

Kiper manøgønø, ni näk mo aana dhaanhø mo raac, ni da gïn mo raac mo yaa tïïö maa doo thøw kipere, a ba doo kweer ki thøø. 'Ba ni näk luupa kïth jø Juuthi bääta bäŋ tietge, doo bäŋ ŋat mo cïp aani ceŋge. Aani, mara ocaana nyïm Cidhar.»

2 Körin 11:11

?Aperŋø nø? ?Ki baŋu naa ba mëër ki uuni? Ŋäya Jwøki.

2 Körin 11:31

'Ba Jwøk na näk Wää Kwäärö ma Jecu, ŋata näk opwøø na bäre bäre, ŋääe ki man näk maa ba caan tööt.

2 Körin 5:11

Kiper manøgønø, na ŋäcwa gø ni Wuuö di lwäärö, jiy wø cøkwa cøgø. 'Ba man en cwïnywa ŋäya Jwøki, ni yaa ŋäädhö ni ŋäyu thuwø ki cwïnynyu.

Tiet Ciik 10:17

Kiper Wuuö Jwøk na näk Jwøu beeye Jwøk mo dwøŋŋa eni ki juu møga, ni ena kwääc kwääri, ni ena Jwøk mo dwøŋ mo teek, mo di lwäärö, mo ba jëënyö, mo ba ŋeew ki jammi mo wø cïp ki piny.

1 Timöthi 6:16

eni keere ni wø bëëdö ni ba thøw, ni wø bëëdö yi tayo näk bäŋ ŋat ci buute, eni na näk bäŋ ŋat mo oneen gø, na ba doo maara neen. Ajiem en jïre ki rööny na bäre bäre. Enøgønø.

Ibaru 4:13

'Ba bäŋ gïn mo okanø røk moa no ocwääö bëët, 'ba jammi bëët ena wøgø, ni nëënö jï Jwøk jaak, eni noo cuŋŋø nyïme.

Jøcua 22:21

Køøre jø tuuŋ Ruben, ki jø tuuŋ Gaat, ki thääŋ tuuŋ Maneeca aløkge, ni köge jï dïbwöthe mo wïth tuŋi møga mo jø Icriel,

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

1 Camiel 15:23

Kiper ki man gëëmö ki Wuuö Jwøk caala raay mo ŋat wø tïïc tïï ajwøa, ni ö teek wïci ni caal raac ŋat wø lam juu møøk. 'Ba ennø møn, kiper mana nø kwierï dwør Wuuö Jwøk, Wuuö Jwøk thuwø ïïna kwiere ki man bëëdï na nyeya.»

1 Camiel 2:3

'Ba u na jiy, kär cäänö maau ree këët nou ŋwöö; kär dee gïn ma gïr ŋwøe mo cura dhøgu; kiper Wuuö Jwøk beeye Jwøk mo jammi bëët ŋäya eni, ni beeye eni wø neet bëëtö mar jiy.