Jøcua 22:18 - Wëël Jwøk

¹⁸ ?Aŋø, u dou cäŋa gaa wøk dïcäŋi en ki jöör Wuuö Jwøk na dou caadhø? 'Ba gïna tïïyu dïcäŋi en dëër Wuuö Jwøk ni maru ageem, diøø thuwø Wuuö Jwøk wëëye poot jääŋŋe bäät lwaa Icriel bäre.

Jøcua 22:18 Iomraidhean Croise

2 Camiel 24:1

'Ba Wuuö Jwøk acäŋ wëër døc ki jø Icriel, ni tïïc Deebit nee tïïe ki gïn mo duunnö ki gïn mo raac bäätge. Ni kööe jï Deebit, ni «Ciï ni kwaanï jø Icriel ki tuuŋge ma jø tuuŋ Juuda.»

1 Nyeye 9:6

«'Ba ni näk miï gaa wøk, wala jø okäl dëërï gaa wøk, ni køøra ba caathu, ni ba gwøgu gïïa cema ki ciik 'moa na köömma uuni ki ge, ni cou ni tïnynyu juu møøk ni lammu geni,

2 Nyeye 17:21

'Ba kanya ö eni na nø cööt jø Icriel wøk ki tier nyec mar jø dhi øt Deebit, geni Jeröbäm o Nebat arøønyge na nyeya. Ni ö Jeröbämmi ni män jø Icriel ki man cääthge køør Wuuö Jwøk, ni tïïc ge nee ge tïïge ki raay mo døøŋŋø døc.

1 Luup Nyeye 21:1

'Ba Ceethan aö maal bäät jø Icriel ki man raany geni, ni tïïc Deebit nee jø Icriel kwaane.

1 Luup Nyeye 21:14

Kanyøgø Wuuö Jwøk täw mo leth døc aput jääŋŋö bäät jø Icriel, ni thøw jø Icrielli ma kume ma pïërabïriiø.

2 Luup Nyeye 25:27

'Ba kanya ö Amaciya na wec wääth køør Wuuö Jwøk, jiy atudö ki luubö bääte yi Jerucalem, ni ö eni ni put reŋ Lakic. 'Ba gena jääk køøre ki jiy Lakic ni putge gø 'näk kunece.

2 Luup Nyeye 34:33

'Ba nyeya ma Jöcaya gïïa näk yi Jwøk raac ki ge bëët akäl wøk yïth ŋøøm bëët moa näk mo jø Icriel, ni tïïc jiy bëët mo wø bëëdö Icriel nee Wuuö Jwøk tïnyge, Jwøk marge. 'Ba yïth nïne moa beet nyeya ma Jöcaya, jø Icriel wääth kärge wiiø køør Wuuö Jwøk, Jwø kwäcge.

Ciik Kiper Dïlämme 10:6

Køøre Modhe aköö jï Aran ki jï wäät Aran ma Eliedhar ki Itamer, ni «Uuni, kär jïëyu weyu ni rege jwälö, ni ba jeeyu abïïe mou, kiper nou ba thøwu, nee Wuuö Jwøk ba wëëre ki dhaanh Icriel bäre. 'Ba tuuŋu ma jø dhi øt Icriel keerge jwöŋö kiper jiy moøgø moa waaŋ Wuuö Jwøki.

Kwään Jiy 16:22

'Ba Modhe ka Aran rege agøøge piny, ni köge, ni «Wui Jwøk, ïïni na Jwø jwïëy mo jiy bëët, ?aŋø, ni näk mo bääya dhaanhø aciel, ï doo wëër ki lwaak bäre?»

Kwään Jiy 32:15

Kiper ni näk mou døøa cään ni ba cäädhu køøre, eni thuwø jiy ocäŋ wii dï paap, ni thum jøøi bëët ii ki køøru.»

Tiet Ciik 7:4

Kiper obwöre mou bwøthge wøk ki jöör Wuuö Jwøk, ni tïmge ni ge tïnynya juu møøk. Køøre wëëc Wuuö Jwøk liel dëëtu kaamar maac, ni ö eni ni laar u thöör.

Jøcua 22:15

'Ba jøøa jääŋŋi yøø, gena ci yi ŋööm Gelät baŋ jø tuuŋ Ruben, ki jø tuuŋ Gaat, ki thääŋ tuuŋ Maneeca, ni cäänge ki geni ni köge,

Jøcua 22:16

ni «Man beeye dwør lwaa Icriel bäre, ni beeye lwaa Wuuö Jwøk, gena köö, na ‹?Aŋø, man ateeŋ gïn mo nyïëdi, ni tïïyu bääyö man dëër Jwø Icriel, ni gaau wøk dïcäŋi en ki jöör Wuuö Jwøk na dou caadhø, ki køør mana tïïyu gïn wø cïp olämme bääte man kiper dëëtu, ni maru beeye ageem ki Wuuö Jwøk dïcäŋ man en?

Jøcua 22:20

?Aŋø, Akan o Dheera kär bääyö na bëëde, kiper mana tïm cwïnye ni päl ki gïïa no onø wëëk geni nee raanyge na bäre, ni ö wëërri mar Wuuö Jwøk ni ö bäät lwaa Icriel bäre? 'Ba kar kaace paa nyenøgø keere na thøw ki køør bääyö mana tïïe.› »

Jøcua 7:1

'Ba jø Icriel abääyö ki køør gïna tïïcge røk gïïa näk onø wëëk geni nee raanyge na bäre; kiper Akan o Karmi na näk nyikwaar Dhabdi o Dheera na käl ri jø tuuŋ Juuda, alwötö røk gïïa näk onø wëëk geni nee raanyge na bäre; ni put Wuuö Jwøki wëër døc ki jø Icriel.

Jøcua 7:11

Jø Icriel beege na bääyö; geni luumma mana tuuda na köömma geni ki gø akaalge. Gena lwötö røk gïïa näk onø wëëk geni nee raanyge na bäre, ni kwalge gïïögø, ni cäänge ki tööt. Køøre gïïögø akange dï jammi moa näk moge.

Jøcua 7:21

Aani, ki røk jammi moa twier bëët, kanya jooda abïï mo mïërö mo tïïca paana cwøl ni Cinaar, ki warkey ma lwøŋŋø ma rumme ma pïërabïïc mar rumi mana cwøl ni cekel, ki gwel-bïrö ma rumme ma dïpe ariiø mar rumi mana cwøl ni cekel, cwïnya atïmö ni päl ki ge ni lwøra geni. 'Ba ennø, gïïögø okoony piny yo oduŋkaara mana näk mara, ni gwel-bïrö beeye ni en ya aŋuudi piny tiet gïïögø bëët.»

1 Camiel 12:14

Ni näk mo uuni ki nyeya maru ni bëëdu tiere enø, u bëëdö nou lwäär ki Wuuö Jwøk, Jwøk maru, ni tïnynyu eni, ni leŋŋu dwøre, ni ba dhallu dwøre, ni caathu jööre, doo beer.

1 Camiel 12:20

'Ba Camiel aköö jï jiy, ni «Käru lwäyö. Gïï bëët ni reyø ii anø bayu møn; 'ba käru gaa wøk këët ki jöör Wuuö Jwøk; 'ba tïnynyu Wuuö Jwøk ki cwïnynyu bäre.