Jøcua 21:44 - Wëël Jwøk

⁴⁴ 'Ba kaawat mana nø ö Wuuö Jwøki na kööŋe jï kwäcge, gena put mooc ki jwöm këël deŋ ŋöömö marge bäre, ni bäŋ dhaanhø aciel mo omaar cuŋŋö nyïmge røk nyïïmänge bëët kanya näk ri leny; ni ö Wuuö Jwøki ni put nyïïmän moge bëët cïp ceŋge.

Jøcua 21:44 Iomraidhean Croise

2 Luup Nyeye 13:16

Kanyøgø jø Icriel gena put bwøk nyïm jø Juuda, kiper geno cïp Jwøki ceŋ jø Juuda.

Bwøth Wøk 23:31

Ni tïïa keew maru ni täge ka Naama Kwaar këël mano këët ri naam jø Pilitin, ni ö keewi maya ni täge ki dï paap këël mano këët ri Naam Upareeti. Jøøa bëëdö yïth ŋøøpøgø ocïba ceŋŋu, ni putu geni riem wøk nyïmmu.

Bwøth Wøk 33:14

Ni kö Wuuö Jwøki jï Modhe, ni «Aano cäädhi ki ïïni ciel, ni mooa ïïni ki jwömö.»

Aydheea 63:14

Gena mooc Jwïëc Wuuö Jwøki ki jwöm kaamar lääc paac mo cøøa yi gool.» Wui Wuuö Jwøk, manøgø beeye jöö mana bwøthï jiyï ki gø, na tïïyï nyeŋŋï nee bëëde ni di jiemø.

Tiet Ciik 2:36

Ni bäŋ paac mo odhäthö jïïø, ki mana täge ka Aröör, paana en deŋ Naam Arnön, ki päänya en gool, këël mana këët ŋööm Gelät. Wuuö Jwøk na näk Jwøø, mïëyögø bëët acïp ceŋŋø.

Tiet Ciik 21:10

«'Ba kany wäru cou wøk baŋ leny baŋ nyïïmännu, no ö Wuuö Jwøki na näk Jwøu noo cïp geni ceŋŋu, ni magu jiy ki tøŋ,

Ibaru 4:9

Kiper manøgø nø, cäŋa näk cäŋ jwömö poot nutö jï jø Jwøk, na caal cäŋa ö Jwøki na jwöm ree ri bïriet nïne.

Jøcua 1:13

ni «Parru wïthu ki luubö mana ö Modhe na näk dhaanh Jwøk na kööm uuni ki gø, na kööe, ni ‹Wuuö Jwøk na näk Jwøu uuno mooe ki jwöm, ni cïp ŋöömmi en jïïu.›

Jøcua 1:15

'Ba u doo bëëdö nou køønynya nyïïmëëgu këël mano ö Wuuö Jwøki noo mooc geni ki jwöm, kaawat mana mooc uuni ki jwöm, këël mano ö geni thuwø noo macge ŋöömö mano cïp Wuuö Jwøki na näk Jwøu jïge. Køøre nø, uuno døø yi ŋöömö mana näk maru ni bëëdu yie, ni beeye ŋöömma näk onø cïp Modhe na näk dhaanh Wuuö Jwøk jïïu na en løø Naam Jördan løøi jï løø kur tuul-cäŋ.»

Jøcua 1:5

'Ba bäŋ dhaanhø mo maara lønyø jïre ki man cuŋŋe nyïmï kany wø näk ri leny ki yïth nïr kwøw moï bëët moo beetï. Aano bëëdö ki ïïni kaawat mana bëëda ki Modhe; ï ba leeŋa piny ni ba wiia ïïni.

Jøcua 11:12

'Ba Jøcua päänye mo nyeye moøgø bëët aput mac, ni mak nyeye moge bëët, ni put geni 'näk ko opëëllö, ni dïïr wïthge na bäre bäre, kaawat mana ö Modhe na näk dhaanh Wuuö Jwøk na kööm eni.

Jøcua 11:23

Kanyøgønø, Jøcua ŋöömö bäre aput mac, ki køør mana caan Wuuö Jwøki jï Modhe; ni ö Jøcua ni cïp ŋöömö jï jø Icriel na ŋöömmo dööŋ jïge, ni pääŋ gø jïge ki køør wïth tuŋi moge. Køøre piny aput nikwöc, ni ö jiyi ni jwömge dëëtge ki leny.

Jøcua 11:8

'Ba Wuuö Jwøk jøøgø aput cïp ceŋ jø Icriel, ni ö jø Icrielli ni putge jøøgø böötö, ni riemge ge këël mana pïïcge pääny mana dwøŋ na cwøl ni Caydan, ni pïïc møga Micerepöth-Mayim, ni pïïc møga goor Micpa na en jï løø kur tuul-cäŋ; ni putge jøøgø 'näk këël mana tïme ni bäŋ dhaanhø aciel mo ege wiiø ni kwøw.

Jøcua 2:24

Ni köge jï Jøcua, ni «Ka adïëri møn, Wuuö Jwøk ŋöömmöce bäre ee cïbö jïïø, ni ö jøøke bëët ni bëëdö yi ŋöömmöce yøøke, ni bëëtge ni ge böö døc ki øøni.»

Jøcua 22:4

'Ba ennø, Wuuö Jwøk na näk Jwøu nyïïmëëgu amooe ki jwöm kaawat mana caan gø jïge. Kiper manøgønø, u aay nø ni døøu pou, yi ŋöömma cïp Modhe na näk dhaanh Wuuö Jwøk jïïu na kuru, na en løø Naam Jördan løøga.

Jøcua 22:9

Ni ö jø tuuŋ Ruben, ki jø tuuŋ Gaat, ki thääŋ tuuŋ Maneeca ni døøge poge ni putge jø Icriel møga wii Cëëlö na en yi ŋööm Keenan, ni aacge ni ge cøøa ŋööm Gelät, ŋöömma näk onø wëëk geni na kurge, kaawat mana nø caani ya Wuuö Jwøki ki dhi Modhe.

Jøcua 23:1

'Ba kanya nø tïme na køør cwiiri møøk, ni Wuuö Jwøk jø Icriel ee nø mooc ki jwöm, ni bäŋ leny këët yïthakicge ki nyïïmänge bëët moa en deŋ ŋöömö marge bäre, ni Jøcua onø jalø ni cwiiye oløny ni thööth døc,