Jøcua 21:41 - Wëël Jwøk

⁴¹ 'Ba päänye bëët moa cïp jï jø tuuŋ Libay na en dï ŋøøm moa no onø cïp na kur jø Icriel beege päänye ma pïëraŋween ka abära ki kwör kwaath moge na en buutge.

Jøcua 21:41 Iomraidhean Croise

Wïlöölö 49:7

Acïën Jwøk en bäät wëër marge, kiper gena wëër ki wëër mo teek døc; ni ö ajäla mare ni en bäät wëër marge na raac. Geno pääŋŋa yi ŋööm Jeekap, ni keetha geni dï jø Icriel.

1 Luup Nyeye 6:64

Manøgø beeye gïna tïïc jø Icrielli kanya cïpge päänye jï jø tuuŋ Libay ni rwöpge ka kwör kwaath moa näk mo päänye moøgø bëët.

Tiet Ciik 33:10

Jø tuuŋ Libay nyïïkwaac Jeekap opwönyge ki luup ŋøl moï, ï na Wuuö Jwøk, ni pwönyge ge na jø Icriel ki ciik moï. Ge wø cïpö ki gïn wø jïye ŋwääi ni met jïrï, ï na Wuuö Jwøk, ni cïpge ko olämme jïrï mo wø waaŋ bäre bäät gïn wø cïp olämme bääte.

Jøcua 21:3

Kanyøgønø, jø Icriel jø tuuŋ Libay aputge mooc ki päänye ki kwör kwaath moge na en buutge, ni lwørge røk päänye moa no onø wëëk geni na kurge, kaawat mana nø caani ya Wuuö Jwøki.

Jøcua 21:40

'Ba päänye bëët moa cïp jï nyïïkwaac Mërari ki køør dhøk uudi moge, ni beege dhøk uudi moa no odööŋ ri jø tuuŋ Libay, beege päänye apaar kurriiø, ni cïp jïge ki køør ŋïïce mo wø tïïc ki ri kwääk ki baw.

Jøcua 21:42

Ni pääny aciel man nø røk päänye moøgø da kwör kwaath moe mo ena buute ni beeye deŋŋe bäre; ni päänye moøgø bëët bëëdö na enøgønø.