Jøcua 21:4 - Wëël Jwøk

⁴ 'Ba kanya tïme na ri pääŋ päänye ki køør ŋïïce mo wø tïïc ki ri kwääk ki baw, päänye mo ci jï dhøk uudi mo nyïïkwaac Kät aö wøk ki nyeŋge. 'Ba ki ri dhøk uudi mo nyïïkwaac Kät, nyïïkwaac Aran na näk Kwääy Lam Mana Dwøŋ, na käl ri jø tuuŋ Libay, päänye moa ci jïge ki køør ŋïïce mo wø tïïc ki ri kwääk ki baw beege päänye apaar kurdäk, ni lwørra røk päänye mo jø tuuŋ Juuda, ki jø tuuŋ Cimien, ki jø tuuŋ Benjamen.

Jøcua 21:4 Iomraidhean Croise

1 Luup Nyeye 6:39

'Ba lööŋö maya beeye Acaap, ŋat wø cuŋŋi bäät cwïï Ëman. Acaap beeye o Berekiya, Berekiya beeye o Cimia,

Bwøth Wøk 6:16

'Ba nyeŋ wäät Libay ki køør tuuŋ marge beege Gërcön ki Kät ki Mërari. 'Ba cwiiri moa beet Libay ni kwøw beege cwiiri ma dïpa ki pïëradäk ka abïriiø.

Bwøth Wøk 6:20

'Ba Amram waai cöök wänni mo nyeŋŋe cwøl ni Jökabit anywøme, ni nyöötge ki gø ni nywølge Aran ki Modhe. 'Ba cwiiri moa beet Amrammi ni kwøw beege cwiiri ma dïpa ki pïëradäk ka abïriiø.

Kwään Jiy 3:27

Ki røk wäät Kät beege dhi øt Amram ki dhi øt Icaar ki dhi øt Keeprön ki dhi øt Udhiel; moøgø beege dhøk uudi mo wäät Kät.

Jøcua 21:3

Kanyøgønø, jø Icriel jø tuuŋ Libay aputge mooc ki päänye ki kwör kwaath moge na en buutge, ni lwørge røk päänye moa no onø wëëk geni na kurge, kaawat mana nø caani ya Wuuö Jwøki.

Jøcua 21:5

'Ba nyïïkwaac Kät moa dööŋ ajïtö ki päänye apaar ki køør ŋïïce mo wø tïïc ki ri kwääk ki baw, ni lwørra røk päänye mo dhøk uudi mo jø tuuŋ Ipariem, ki jø tuuŋ Daan, ki thääŋ tuuŋ Maneeca.

Jøcua 24:33

'Ba Eliedhar wär Aran athøw, ni ö jø Icrielli ni koonyge eni pääny mana cwøl ni Giba na en mïëya en bäät kïte na en kur jø tuuŋ Ipariem, ni beeye pääny mana no onø cïp jï wääde ma Piniac.