Jøcua 21:1 - Wëël Jwøk

¹ 'Ba na tïme na kaagø, dïbwöthe mo jø tuuŋ Libay aö nyïm Eliedhar na näk Kwääy Lam Mana Dwøŋ, ki Jøcua o Nun, ki dïbwöthe mo wïth tuŋi mo jø Icriel.

Jøcua 21:1 Iomraidhean Croise

Wïlöölö 49:7

Acïën Jwøk en bäät wëër marge, kiper gena wëër ki wëër mo teek døc; ni ö ajäla mare ni en bäät wëër marge na raac. Geno pääŋŋa yi ŋööm Jeekap, ni keetha geni dï jø Icriel.

Bwøth Wøk 6:14

'Ba moi ii beege nyeŋ jiy moa näk wïth tuŋi na käl dhi øt kwarge ma Icriel. Wäät Ruben na näk kany Icriel beege Anök ki Pallu ki Eedharan ki Karmi. Moøgø beege wïth tuŋi mo dhi øt Ruben.

Bwøth Wøk 6:25

Ni ö Eliedharri wär Aran ni nyöömme røk nyïï Putiëël, ni nyöötge ki gø ni nywølge Piniac. Moøgø beege wïth tuŋi moa käl dhi øt Libay ki køør tuuŋ marge.

Kwään Jiy 35:1

'Ba kanya en jø Icrielli pwöl Möap buut Naam Jördan, løøa dïët ki Jerikö, Wuuö Jwøk acäänö ki Modhe, ni kööe,

Kwään Jiy 35:8

'Ba ki røk päänye moo ci jï jø Icriel, wäru kädu ki päänye mo thööth ri tuuŋ mana dwøŋ, ni kädu ki mo nøk ri tuuŋ mana thiinh, ni cïpu ge jï jø tuuŋ Libay. Tuuŋ man nø doo cïpö røk päänye moe jï jø tuuŋ Libay ki køør kwään päänye moa en jïre.»

Jøcua 14:1

'Ba moi beege ŋøøm moa en yi ŋööm Keenan, na en løø Naam Jördan jï løø kur pänh-cäŋ, na pääŋŋi jï jø Icriel nee dööŋe jïge na kurge; ni jøøa pääŋ ŋøøm moøgø beege Eliedhar na näk Kwääy Lam Mana Dwøŋ, ki Jøcua o Nun, ki dïbwöthe mo wïth tuŋi mo jø Icriel.

Jøcua 17:4

'Ba nyïgögø aö nyïm Eliedhar na näk Kwääy Lam Mana Dwøŋ, ki Jøcua o Nun, ki dïbwöthe, ni köge, ni «Wuuö Jwøk Modhe aköömme nee wa jïtwa ki ŋøøm mo dööŋ jïwa na kurwa yïthakic jø tuuŋ wääwa.» Kanyøgønø, kaawat mana nø caani ya Wuuö Jwøki, Jøcua nyïï Dhilöpat aput mooc ki ŋøøm mo dööŋ jïge na kurge yïthakic tuuŋ wääge.

Jøcua 19:51

'Ba manøgø beeye luum ŋøøm mo dööŋ jï jø Icriel na pääŋ Eliedhar na näk Kwääy Lam Mana Dwøŋ, ki Jøcua o Nun, ki dïbwöthe mo wïth tuŋi mo jø Icriel, ni pääŋŋi ka køør ŋïïce mo wø tïïc ki ri kwääk ki baw nyïm Wuuö Jwøk, ni tïïc manøgø tïïcge dho oduŋkaany røømmø kanya enge Cëëlö. Ni ö geni ni putge tïïc manøgø na tïï pääŋ ŋøøm enø thöör.