Jøcua 20:8 - Wëël Jwøk

⁸ 'Ba ki løø Naam Jördan jï løø kur tuul-cäŋ, løøa näk neeta rege ki Jerikö, päänye moa jierge beege Böcör na en jï kuna en dï paap bäät thuur yi ŋöömma näk ree ee päärö na näk mar jø tuuŋ Ruben, ki Ramöth na en Gelät na näk mar jø tuuŋ Gaat, ki Gölan na en Baacan na näk mar jø tuuŋ Maneeca.

Jøcua 20:8 Iomraidhean Croise

1 Nyeye 22:6

Køøre nyeny Icriel jiy moa tïïc rege na nyïïkuk Jwøk acooŋ kanya ciel, ni beege jiy mo jïtö ki dïpe aŋweenø, ni kööe jïge, ni «?Cøøa baŋ leny Ramöth-Gelät, wala kära cøø?» 'Ba gena köö, ni «Ciï, ocïp Wuuö Jwøki cerï, ï na nyeya.»

2 Nyeye 8:28

'Ba Akadhiya ena aa Ramöth-Gelät ni eni cäädhi ka Jeyöram wär Akap kiper nee këëtge ka Adhaël nyeny Aram, ni ö jø Arammi ni moocge dëër Jeyöram ki ŋwellø.

1 Luup Nyeye 6:78

'Ba päänye moa cïp jïge ki baŋ jø tuuŋ Ruben løø Naam Jördan løøga jï løø kur tuul-cäŋ na dïët ki Jerikö bee Böcör na en wøk ki kwör kwaath moe, ki Jaca ki kwör kwaath moe,

1 Luup Nyeye 6:80

Ni moa cïp jïge ki baŋ jø tuuŋ Gaat bee Ramöth na en Gelät ki kwör kwaath moe, ki Maanayim ki kwör kwaath moe,

Tiet Ciik 3:10

Køøre päänye bëët moa en pwöla, ki ŋööm Gelät bäre, ki ŋööm Baacan bäre alwørø, këël mana këët Caleka ki Edaray, ni beege päänye moa bëën nyenynya cwøl ni Ög na en Baacan.

Tiet Ciik 4:43

'Ba päänye moøgø na adäk yøø beege Böcör na en dï paap bäät thuur, yi ŋöömma näk ree ee päärö na näk mar jø tuuŋ Ruben, ki Ramöth na en Gelät na näk mar jø tuuŋ Gaat, ki Gölan na en yi ŋööm Baacan na näk mar jø tuuŋ Maneeca.

Jøcua 20:7

Kanyøgønø jø Icriel päänye moi aputge cïp kur keerge, ni beege Këdëc na en Galili na en mïëya en bäät kïte na näk mar jø tuuŋ Naptali, ki Cekam na en mïëya en bäät kïte na näk mar jø tuuŋ Ipariem, ki Kiriat-Arba, ni beeye Keeprön, na en mïëya en bäät kïte na näk mar jø tuuŋ Juuda.

Jøcua 20:9

Moøgø beege päänye moa jier kiper jø Icriel ki juurre moa path moa näk bëëdö yïthakicge, kiper ŋat mo onägö ki dhaanhø ni ba kame nee reŋ ya aciel dïge, nee ba 'näk ŋato cool kwör këël kanyo ci nyïm jø acooŋa.

Jøcua 21:27

'Ba moi beege päänye moa cïp jï nyïïkwaac Gërcön, na näk dhi øtø aciel røk dhøk uudi mo jø tuuŋ Libay; ni lwørra røk päänye mo thääŋ tuuŋ Maneeca møga. Päänye moa cïpge beege Gölan na en Baacan na no ocïbö na pääny gwøk røk nee ŋat mo onägö ki dhaanhø reŋ yie, ki Bë-Ëctëra; ni beege päänye ariiø ki kwör kwaath moge na en buutge.

Jøcua 21:36

Ki røk päänye mo jø tuuŋ Ruben, beege Böcör na en jï kuna en dï paap bäät thuur yi ŋöömma näk ree ee päärö, na no ocïbö na pääny gwøk røk nee ŋat mo onägö ki dhaanhø reŋ yie, ki Jäc,

Jøcua 21:38

'Ba ki røk päänye mo jø tuuŋ Gaat, beege Ramöth na en Gelät na no ocïbö na pääny gwøk røk nee ŋat mo onägö ki dhaanhø reŋ yie, ki Maanayim,