Jøcua 20:7 - Wëël Jwøk

⁷ Kanyøgønø jø Icriel päänye moi aputge cïp kur keerge, ni beege Këdëc na en Galili na en mïëya en bäät kïte na näk mar jø tuuŋ Naptali, ki Cekam na en mïëya en bäät kïte na näk mar jø tuuŋ Ipariem, ki Kiriat-Arba, ni beeye Keeprön, na en mïëya en bäät kïte na näk mar jø tuuŋ Juuda.

Jøcua 20:7 Iomraidhean Croise

Wïlöölö 23:2

Køøre Ceera athøø Kiriat-Arba na näk Keeprön yi ŋööm Keenan; ni ö Eeberammi ni jwøk cïïe ma Ceera ni kïmme kipere.

1 Nyeye 12:1

'Ba Reeyöböm aci Cekam, kiper jø Icriel bëët onø ci Cekam nee eni tïïcge na nyeya.

1 Luup Nyeye 6:76

'Ba päänye moa cïp jïge ki baŋ jø tuuŋ Naptali bee Këdëc na en Galili ki kwör kwaath moe, ka Amön ki kwör kwaath moe, ki Kiriatayim ki kwör kwaath moe.

2 Luup Nyeye 10:1

'Ba Reeyöböm aci Cekam, kiper jø Icriel bëët onø ci Cekam nee eni tïïcge na nyeya.

Kwään Jiy 35:6

«'Ba päänye abïciel røk päänye moo cïpu jï jø tuuŋ Libay otïmö na päänye mo gwøk røk, kiper nee ŋat mo onägö ki dhaanhø nee reŋ ya aciel røk päänye moøgø. Køøre wäru cïpu thuwø ki päänye møøk ma pïëraŋween kurriiø mo ba en røk päänye moøgø.

Luk 1:39

'Ba yïth nïrögø Meeri aö maal, ni aae ni rwäänhnhö, ni cøøa po kïte, pääny mo ena Judia.

Tiet Ciik 19:9

ni koorru wïthu ki man gwøgu ciik moi ni köömma uuni ki ge dïcäŋi en, ni mëërru ki Wuuö Jwøk na näk Jwøu, nou caatha køøre cooth, uuni päänye adäk møøk dou meeda bäät päänye moi na adäk ii kiper dëëtu.

Tiet Ciik 4:41

Køøre Modhe päänye adäk ajiere løø Naam Jördan jï løø kur tuul-cäŋ, nee bëëtge ni ena kur keerge,

Jøcua 12:22

ki nyeny Këdëc, ki nyeny Jökniam na en kanya cwøl ni Karmël,

Jøcua 14:15

'Ba nyeŋ Keeprön mana dïkwøŋ beeye Kiriat-Arba; kiper ŋata cwøl na Arba, na caa pääny manøgø ree, beeye dhaanhø mo dwøŋŋa eni døc røk jø Anak kar kaaca. Køøre piny aput nikwöc, ni ö jiyi ni jwömge dëëtge ki leny.

Jøcua 15:13

'Ba kaawat mana caani ya Wuuö Jwøki jï Jøcua, eni na Jøcua enø, pääny mana cwøl ni Kiriat-Arba acïbe jï Kalëp o Jöpöni na gïno dööŋ na kure yïthakic jø tuuŋ Juuda, ni ö nyeŋ pääny manøgø ni cwøli ni Keeprön. 'Ba ŋata cwøl na Arba, na kwøŋ pääny manøgø caa ree, beeye kwar jø Anak.

Jøcua 19:35

'Ba päänye moa no ogeerø ni teek na en yi ŋöömö mar jø tuuŋ Naptali beege Dhidim, ki Cëër, ka Amath, ki Rekat, ki Kinërët,

Jøcua 19:36

ka Adama, ki Reema, ka Adhör,

Jøcua 19:37

ki Këdëc, ki Edaray, ka Ayn-Adhör,

Jøcua 20:8

'Ba ki løø Naam Jördan jï løø kur tuul-cäŋ, løøa näk neeta rege ki Jerikö, päänye moa jierge beege Böcör na en jï kuna en dï paap bäät thuur yi ŋöömma näk ree ee päärö na näk mar jø tuuŋ Ruben, ki Ramöth na en Gelät na näk mar jø tuuŋ Gaat, ki Gölan na en Baacan na näk mar jø tuuŋ Maneeca.

Jøcua 21:11

'Ba jø Icriel Kiriat-Arba na näk ocaa ri kwar jø Anak, ni beeye pääny mana cwøl ni Keeprön, na en mïëya en bäät kïte løøa näk kur jø tuuŋ Juuda, acïpge jï nyïïkwaac Aran ki kwör kwaath moe na en buute kaace.

Jøcua 21:13

'Ba geni päänye moa cïpge jï nyïïkwaac Aran na näk Kwääy Lam Mana Dwøŋ beeye Keeprön na no ocïbö na pääny gwøk røk nee ŋat mo onägö ki dhaanhø reŋ yie, ki Libana,

Jøcua 21:21

'Ba päänye moa cïp jø Icrielli jïge beege Cekam na en mïëya en bäät kïte løøa näk kur jø tuuŋ Ipariem, ni beeye pääny mana no ocïbö na pääny gwøk røk nee ŋat mo onägö ki dhaanhø reŋ yie, ki Gëdher,

Jøcua 21:32

'Ba ki røk päänye mo jø tuuŋ Naptali, beege Këdëc na en Galili na no ocïbö na pääny gwøk røk nee ŋat mo onägö ki dhaanhø reŋ yie, ka Amöth-Dör, ki Kartan; ni beege päänye adäk ki kwör kwaath moge na en buutge.

Jøcua 24:1

Køøre Jøcua wïth tuŋi mo jø Icriel bëët acwøle, ni cooŋge dëëtge Cekam, ni ö jø døøŋŋø, ki dïbwöthe, ki jø wø ŋøl luup, ki jø kööre, ni beege mo jø Icriel, ni cwöli wøk ki dï jøøgø; ni öge kany mo cään nyïm Jwøk.

Pïëmme 9:1

'Ba Abimëlëk o Jerubaal aci Cekam baŋ tuuŋ menni, ni cääne ki geni këël jøøa en ri dhi øt kwari wää menni ge bëët, ni kööe,