Jøcua 2:6 - Wëël Jwøk

⁶ 'Ba Reeyap jøøgø ee nø kïth bäät øtø maal ni kan ge tiet thiek gïna cwøl ni telba, ni wø thøøthe cwääc na abïï, moa näk ee peeth bäät øtø maal.

Jøcua 2:6 Iomraidhean Croise

2 Camiel 11:2

'Ba dïcäŋ aciel ki kur abøøya, nyeya aö maal ki bäät pëëm mare ni caath tiete yi øtø mare mana en bäät øtø maal; 'ba kanya cäädhe kaace, ena lwïthö piny ni jïte ki dhaagø mo lwøk. 'Ba dhaagø manøgø beeye dhaagø mo kïte mïërö døc.

2 Camiel 17:19

Køøre dhaagø mana en kaace, rëëbi alwøre ni rïëp gø bäät iith, ni määc beel yi rëëbi manøgø kiper nee bäŋe ŋat mo dïëta gø.

1 Nyeye 18:13

?Aŋø, gïna tïïa kär caanø jïrï? Kanya ö Jedhebelli na 'näk nyïïkuk Jwøk mo Wuuö Jwøk, aani nyïïkuk Jwøk mo Wuuö Jwøk ma dïpa akana yïth uut kïte na pïërabïïc pïërabïïc, ni bëëda ni ge møya møyø ki cam ki pïï.

1 Nyeye 18:4

kiper kanya ö Jedhebelli na 'näk nyïïkuk Jwøk mo Wuuö Jwøk, Øbadiya nyïïkuk Jwøk ma dïpa akäle ni kan ge yïth uut kïte na pïërabïïc pïërabïïc, ni bëëde ni møya geni ki cam ki pïï.

2 Nyeye 11:2

'Ba Jeyöcaba, nyi nyeya ma Jöram, cöök Akadhiya, Jöac wär Akadhiya akwäl wøk ki yïthakic wäät nyeya moa näk di nääö, ni kïth gø yi øt niine mana en yi Øt Wuuö Jwøk, ge ki ŋata pïr gø, ni eni kana gø nee ba joot Athaliya; ni ö eni ni käri nääö këët.

Bwøth Wøk 2:2

Ni ö nyijøøgø ni jït yie ki dhaanhø ni lwaare ki gø na dïcwøø. 'Ba kanya joot gø na nyilaal mo mïërö, nyilaal akane ki dwäde adäk.

Jeremaya 36:26

Køøre nyeya, o nyeya ma Jeramiel, ki Ceraya wär Adhiriel, ki Celemiya wär Abadël, aköömme nee cige baŋ Baruk ŋat wø göör luup piny, ki baŋ nyikuŋ Jwøk ma Jeremaya, kiper nee makge, 'ba Jeremaya ki Baruk geno nø kan Wuuö Jwøki.

Mathiew 24:17

Ni ŋato en wï øtø, kär nee duua piny kuna käl gïï mo ena yi øde.

Tiet Ciik 22:8

«Kany wø näk mo dhaanhø gëëdö ki øtø mo nyään, eni doo tïïö ki gïn ma gëëŋi wï øtø mare maal, nee ba käne bääte ki kwör, ni näk mo da ŋat moo pänhnhö ki bääte maal.

Köløcia 3:3

Kiper uuna thøw, ni kwøw maru okanø ki Krictø na aciel baŋ Jwøk.

Ibaru 11:23

Ni beeye ŋäädhe, na ö Modhe na kani ya menni ki wänni ki dwäde adäk kanya nywøli, kiper na jootge nyilaal na wøp, ni kärge lwäyö ki dwør nyeya.

Jeemeth 2:25

?Aŋø, këël Reeyap thuwø na näk kääbi, ba jïëc ni mare beer ka køør tïïe, kanya pänh nyïïatwieli na kwal ge wøk ki jöö mør?

Jøcua 2:5

'Ba kanya tïme na kany wø cïëk dhi kiir, ni pinynya wïthïënhö, jøøgø adøny wøk; ni kanya cige yie kuua. 'Ba ni näk uuno laar läp køørge, ge putu ka mak.»

Jøcua 2:7

Ni ö jøøa jääŋ nyeya ni läpge køør dïlëëwe ni ge cøra jöö mana näk coonya dhi waath Naam Jördan. 'Ba kanya nø dunyge wøk, dhi kiir aput dëët.

Jøcua 2:8

'Ba kanya poot dïlëëwe ni poot kär butö, Reeyap aci baŋge bäät øtø maal,

Jøcua 6:25

'Ba Reeyap nyaana näk kääbi, ki dhi øt wänni bäre ki jøøa en yi øde bëët, awec Jøcua nee kwøwge; ni ö nyaanøgø ni put bëëtö dï jø Icriel na bäre, kiper eni jiy moa jääŋ Jøcua nee Jerikö liewge agwøe.