Jøcua 2:18 - Wëël Jwøk

¹⁸ Ennø, kanyo öwa yi ŋöömmi, waarø man ni kwaar en wär twöö dha awëërnyeŋ mano tïïyï wa nee wa løøcwa piny ki yie, ni cooŋï tuuŋu yi øtø marï, ni beege wäru ki meru ki nyïïmeru moa näk cwøw ki dhi øt wäru bäre.

Jøcua 2:18 Iomraidhean Croise

Wïlöölö 12:2

«Ïïno tïïa na wï jur mo dwøŋ, ni gwïëdha ïïni, ni tïŋa nyeŋŋï maal, ni jït jiyi ki gwïëth ki køørï.

Wïlöölö 7:1

Køøre Wuuö Jwøk aköö jï Nöa, ni «Ïïni ki jø paarï bëët, cou yi jääy, kiper beeye ïïna ŋata jooda keere ni mare beer ri beenhnhø man bäre.

Acther 8:6

?Kiper cwïnya omaa gø nidïï ki gïnögø ni raac enø noo päth bäät jø powa, wala cwïnya omaa gø nidïï ki man neena jø tuuŋwa ni di raanynyø?»

Bwøth Wøk 12:13

'Ba remø otïmö na nyuudhi kiperu røk uudi moa bëëdu yïthge; ni kany ojooda remø, aano pöödhi ki buutu, ni tïme ni bäŋ gïn mo leth mo pïï bäätu mo raanynya uuni kanyo raanynya Ijep.

Obeec Dudi 4:3

Buny dhiï ree atwøde ni kwaar kaamar waarø mo ocwääö na baap; ni dhiï nëëni ni mïërö. Pïtï nëënö tier abïï mana näk iï loop wïïï kaamar nya adikwala mo opääŋŋö na thäŋi ariiø.

Ciik Kiper Dïlämme 14:4

dïlämi wär cïpe ki dwøl nee kännö ki weny ariiø mo kwøw mo waany, ki jaath man wø cwøl ni dhigba, ki thøøli mo kwayø, ki jaath man wø cwøl ni icöp, kiper ŋato luum waany mare caan.

Kwään Jiy 19:6

Ni ö dïlämi ni lwöte ki thääŋ jaadha cwøl ni cïta, ki jaadha cwøl ni icöp, ka abïï mo kwaar, ni leeŋ ge dï maac bäät dherøgø ni waaŋ enø.

Kwään Jiy 4:8

Ni rïëpge bäätge ka abïï mo kwaar, ni rïëpge bäät abïïnögø ki rëëbi mar pëët lääy mo onyøŋø, ni rwaakge jer tëër ïth gøøni.

Luk 19:9

Ni kö Jecu jïgø, ni «Dïcäŋi paani apiem, kiper ŋati en beeye nyikwaar Eeberam thuwø.

Moa Tïïc Nyïïatwieli 10:27

'Ba kanya cääne ki gø, ena ci yi øtø ni joot jiy mo thööth mo dëëtge ege cooŋø.

Moa Tïïc Nyïïatwieli 10:33

Ni beeye na puta öön baŋï en, ni put tïmö ni beer ni ööï ennø. Ni beeye ni enwa kany en bëët nyïm Jwøk, nee luupa køp Wuuö jïrï bëët nee wïnywa.»

Moa Tïïc Nyïïatwieli 11:14

Eni luubö mo nyään mano piem ïïni ki køøre ki jø paarï bëët okøbe jïrï.›

2 Timöthi 1:16

'Ba bäth-ec mar Wuuö en bäät po Onecipera, kiper aana kønye kwöre mo thööth. Ni wïïe kär lääö ko oguudi 'moa.

Ibaru 9:19

'Ba kanya ö Modhe na caan luupa cem bëët yïth ciik Jwøk jï jiy bëët, ena lwötö ki rem nyïïrøøe, ki rem dïëk, ki pïï ciel, ki jïëc røømmø mo kwaar, ki lïïpa, ni jør wëël ciik kiree, ki jiy bëët ki gø,

Jøcua 2:21

Køøre Reeyap aköö, ni «Tïme na kare ki køør döötu moa caru yøø.» Ni put geni wëëk wääth ni aacge. Ni ö Reeyapi ni twöö waanynya kwaar dha awëërnyeŋ.

Jøcua 6:23

Køøre jaga näk wøpe na näk dïlëëwe, gena put ci yi øtø ni kälge Reeyap wøk, ki wänni ki menni ki nyïïmenni moa näk cwøw, ki jøøa en yi øtø bëët, ni beege tuuŋ Reeyap bëët; ni moocge geni ki kany jwömge rege yie deŋ twïër mana näk mar jø Icriel.

Jøcua 6:25

'Ba Reeyap nyaana näk kääbi, ki dhi øt wänni bäre ki jøøa en yi øde bëët, awec Jøcua nee kwøwge; ni ö nyaanøgø ni put bëëtö dï jø Icriel na bäre, kiper eni jiy moa jääŋ Jøcua nee Jerikö liewge agwøe.