Jøcua 2:14 - Wëël Jwøk

¹⁴ 'Ba jøøgø aköö jï Reeyap, «Ni näk mo gïno caanwa en ba tïïcwa, beerra man ö Wuuö Jwøki ni ŋøl luubö manøgø bäätwa ni 'näk waani. Ennø, ni näk mo gïn tïïcwa en ba caanï, kanyo ö Wuuö Jwøki noo cïp ŋöömmi jïwa, bäth ec marwa nyoothwa nyoodhø jïrï ni tïïcwa adïëri kiperï.»

Jøcua 2:14 Iomraidhean Croise

Wïlöölö 24:49

'Ba ennø, ni näk mo gïn mo beer ki gïn ma adïëri tïïyu tïïö kiper kwääya, wala ba tïïyu, wär caannu jïra nee ŋääa, kiper nee gïna daa tïïö nee ŋääa.»

Wïlöölö 47:29

'Ba kanya cään kar thøw Icrielli, eni wääde ma Jocep acwøle ni kööe, «Ni näk iï met ki aani, cïp cerï bäät ääma ni kööŋï ni tïïyï gïn mo beer ma adïëri kipera, ni ba koonyï aani yi ŋööm Ijep.

2 Camiel 2:5

Køøre Deebit ajääk baŋ jø Jabic-Gelät ki jiy, ni kööe jïge, ni «Uuno gwïëth Wuuö Jwøki kiper mana nyoothu mëër maru jï nyenynyu ma Cøøl ki køør mana koonynyu eni.

2 Camiel 2:6

'Ba ennø, beerra man ö Wuuö Jwøki ni nyooth adïëri mare ki mëër mare ni wø ba jøøl jïïu; këël aani thuwø, gïn mo beer otïïa kiperu, ki køør gïna nø tïïyu.

2 Camiel 9:1

'Ba dïcäŋ aciel, Deebit apëëö ni kööe, na «?Aŋø, da dhaanhø mo odööŋ ni kwøw røk nyïïkwaac Cøøl, nee mëër mara nyoodha jïre ki køør mëër mana en yïthakicwa ki Jönathan?»

1 Nyeye 20:39

'Ba kanya tïme ni nyeya pöödhö ki buute ennø, ena köök ni kööe jï nyeya, ni «A na dhaanhnhï, aana ci baŋ leny. 'Ba neenï, ŋat mør agää baŋa ni käla dhaanhø mo ee maaø ki tøŋ baŋa ni kööe, ni ‹Koor ŋati. 'Ba ni näk mo eno rwäänyö, ï di nääö na kare, wala ï cudö ki gwet-bïrö ma kume adäk.›

Pwöc Leec Wïc 14:22

?Aŋø, jø wø caar tïï gïï mo reyø, ge patha ogaa wøk? 'Ba jø wø caar tïï gïï mo beyø, mëër ka adïëri wø jootge joodø.

Pwöc Leec Wïc 18:24

Da jiy mo manynya køør nyïïawäädi mo thööth, ni ge wø pätha yi ränynyö, 'ba da teeŋ nyawat mo gööga ri dhaanhø døc ni kaala cöögö.

Mathiew 5:7

«Gwïëth en bäät jø wø kunyö, kiper geno køny.

Moa Tïïc Nyïïatwieli 23:22

Kanyøgø nyilaal awëëk kwääy dïkuye wääth, ni kööm gø, ni «Kär dee ŋat mo caanï gø jïre ni gïnögø iï nø caan jïra.»

Jøcua 2:13

Weyu wära ki mera, ki nyïïmera moa näk cwøw ki moa näk mään, ki tuuŋge bëët ni kwøw, ni gwøgu jwïëcwa cer thøø.»

Jøcua 2:15

Køøre Reeyap dïlëëwe atïïe nee ge løøcge piny ŋää kiir ki ri thøøl ni ge løøc piny ki dha awëërnyeŋ, kiper øtø mare ena dëër kiir mar paanøgø, ni eni bëëdö dëër kiir.

Jøcua 6:17

Ni ö päänyögø ki gïïa en yie bëët ni putu ge raanynyø na bäre bäre, ni caala man wø cïp olämi jï Wuuö Jwøk ni bäŋgø mo wec. 'Ba Reeyap nyaana näk kääbi keere ki jøøa en yi øtø ki eni na aciel obëëdö ni kwøw, kiper eni dïlëëwe moa jääŋŋö agwøe.

Jøcua 6:22

'Ba Jøcua aköö jï jøøa näk ariiø na liew paanøgø, ni «Cou yi øt nyaana näk kääbi ni kälu nyaanøgø wøk ki jøøa en yi øtø kaace bëët, kaawat mana nø kööŋŋu jïre.»

Jøcua 6:25

'Ba Reeyap nyaana näk kääbi, ki dhi øt wänni bäre ki jøøa en yi øde bëët, awec Jøcua nee kwøwge; ni ö nyaanøgø ni put bëëtö dï jø Icriel na bäre, kiper eni jiy moa jääŋ Jøcua nee Jerikö liewge agwøe.

1 Camiel 20:8

Kiper manøgønø, nyooth bäth ec marï jïra, a na dhaanhnhï, kiper ïïna nø tudö ki luubö ki aani ki nyeŋ Wuuö Jwøk. 'Ba ni näk mo da gïn mo yaa baaø, beerra man tïme naa 'näga ïïni ki dëërï kiree. ?Aŋø, aano kïthï gø baŋ wäru kiperŋø këët?»