Jøcua 2:1 - Wëël Jwøk

¹ 'Ba kanya en jø Icrielli Cëthim, Jøcua o Nun ajääk Jerikö ki jiy ariiø na dïlëëwe ki piny ni kuc, ni kööe, ni «Cou, ni liewu ŋööm Keenan këël Jerikö.» Ni ö jøøgø ni aacge ni pïïcge paanøgø po nyaan ma kääbi mo nyeŋŋe cwøl ni Reeyap, ni putge but kaace.

Jøcua 2:1 Iomraidhean Croise

Wïlöölö 42:16

Jäägu ki dhaanhø aciel rou nee owääu käle. 'Ba jøw odööŋ rou bëëdö øt twöc, kiper nee gïru joot ki man näk maru adïëri wala patha adïëri. Aana kööŋ ŋëët Peerø ni ni näk gïna caannu patha adïëri, uuna dïlëëwe.»

Wïlöölö 42:9

Ni ö Jocepi ni par wïïe ki lääk moe moa läge kiperge; ni kööe jïge, «Uuna ö kany ni uuna dïlëëwe, nou ööi kiper nee jäk mar paac neennu.»

Mikiya 6:5

U na jiya, ennø, beerra man parru wïthu ki luum gïna caar Balaki nyeny Möap nee tïïe dëëtu ki ri Beelam, ki gïna dwøk Beelammi o Beeyör ni eni kwiera mar Balak. Parru wïthu ki gïïa tägö kanya tïŋŋu Cëthim nou cøøa Gëlgela, kiper nee tïïe mo Wuuö Jwøk na beyø na tïïe nee ŋäyu.»

Kwään Jiy 13:1

Køøre Wuuö Jwøk acäänö ki Modhe ni kööe,

Kwään Jiy 13:2

ni «Jäägï ki jiy mo liew ŋööm Keenan, ni beeye ŋöömmo cïba jï jø Icriel. Wär ge jääŋŋï na dhaanhø aciel ma dïbwödhi ri jø tuuŋ man nø røk wïth tuŋi mo jø Icriel.»

Kwään Jiy 25:1

'Ba kanya bëët jø Icrielli Cëthim, jiy atägö ki wääth køør nyïï jø Möap, ni ge temma tïï käp ki geni.

Kwään Jiy 33:49

'Ba gena tïïö ki twïër bäät Naam Jördan kaace, ni täge ki Bëëth-Jecimöt këël mana këët Abël-Cetim na en yi pwöl Möap.

Mathiew 1:5

ni ö Calmanni ni näk wää Böweeth na nywøle ki Reeyap, ni ö Böweethi ni näk wää Obet na nywøle ki Ruuth, ni ö Obeti ni näk wää Jeci,

Mathiew 10:16

«Neennu, aani, a jääŋŋa u wøk kaamar dïëk mo ena dï kwäänynye. Kiper manøgønø, bëëdu ni nyeŋŋu reegø kaamar thwöre nou mwöl kaamar akuyi.

Epeca 5:5

'Ba gïn wär ŋäyu døøc, ni bäŋe ŋat ma kääbi, wala ŋat mo raac, wala ŋat mo cwïnye päl ki jammi, ni wø caal wøør juu møøk, mo jïre da kare yi buc Krictø ge ki Jwøk.

Ibaru 11:31

Ni beeye ŋäädhe, na ö Reeyapi na näk kääbi na käre thøw na aciel ki jøøa wïthge teek, kiper na pänh jøøa liew paac ki mëër.

Jeemeth 2:25

?Aŋø, këël Reeyap thuwø na näk kääbi, ba jïëc ni mare beer ka køør tïïe, kanya pänh nyïïatwieli na kwal ge wøk ki jöö mør?

Jøcua 1:18

'Ba ŋato kwier dwørï ni ba leŋ luup moa caanï jïre, ŋatøgø doo nääö. 'Ba mana pere letha eni keere, mak riï ni bëëdï niï teek.»

Jøcua 2:2

'Ba acaan jï nyeny Jerikö, ni køp, ni «Da jiy mo käla baŋ jø Icriel mo ö kuna liewge paac, mo ge ena kany yi wäär man en.»

Jøcua 21:31

ki Këlkath, ki Reeyöp; ni beege päänye aŋween ki kwör kwaath moge na en buutge.

Jøcua 3:1

Køøre Jøcua apäny maal ka amöölla cøøn; ni ö eni ki jø Icriel bëët ni tïŋge ki Cëthim ni pïïcge bäät Naam Jördan, ni butge kaace kanya poode ni ge kär ŋut løøga.

Jøcua 5:10

'Ba kanya bëët jø Icrielli ni twïër marge ege tïïö Gëlgela, cäŋ Cäŋa Pööth Thøøe Yie awøørge pwöl Jerikö ni nïr dwääy apaar kurŋween ni piny a wïthïënhö.

Pïëmme 1:23

Ni ö jø tuuŋ wäät Jocep ni jääkge ki jiy mo liew Bëthël. 'Ba nyeŋ Bëthël mana dïkwøŋ beeye Löja.

Pïëmme 18:14

Kanyøgønø, jøøa näk abïïc na kwøŋ ci kuna liew ŋööm Laaic aköö jï nyïïmëëkge, na «?Aŋø, ŋäyu ni røk uutögø, da øtø aciel mo yie da ëëput ki juuga cøøri na terapim, ki kït gïn mo otieŋø ki kït gïn mo oleenyø, ni beege gïï wø lam? Kiper manøgønø ennø, cädu kiper gïno tïïyu nø.»

Pïëmme 18:17

'Ba jøøa na abïïc na kwøŋ ci kuna liew ŋöömmögø, gena døny yi øtø ni kälge gïï wø lam, ni beege gïna no otieŋø na kït gïrpiny, ki ëëput, ki juuga cøøri na terapim, ki gïna no oleenyø na kït gïrpiny. 'Ba kar kanyøgø, dïlämi manøgø cuŋŋö dhi kal buut jø leny moa näk dïpe abïciel na näk ceŋge da jap leny.

Pïëmme 18:2

Kanyøgønø, jø tuuŋ Daan ajäägö ki jiy abïïc, mo jierra røk kwään jø tuuŋge bëët, ni jøøgø beege jø leny moa teek mo ge käla Dhöra ki Ëctaöl, kiper nee jïtge ki ŋøøm ni marge lïëw thuwø. Køøre jø tuuŋ Daan aköö jï jagøgø, ni «Cou määnynyu ki ŋøøm.» Køøre gena aay ni pïïcge mïëya en bäät kïte na en kur jø tuuŋ Ipariem, ni gaage po Mikiya, ni putge but kaace.