Jøcua 19:18 - Wëël Jwøk

¹⁸ 'Ba ŋöömö marge rwöpa Jedhriel ki Keclöt, ki Cunem,

Jøcua 19:18 Iomraidhean Croise

2 Camiel 2:9

Ni røøny Icböcëth na nyeya bäät jø Gelät, ki jø Acër, ki jø Jedhriel, ki jø tuuŋ Ipariem, ki jø tuuŋ Benjamen, këël bäät jø Icriel bëët.

1 Nyeye 1:3

Kanyøgø, gena määnyö ki nyakøø mo kïte mïërö dï ŋööm Icriel bäre, ni jootge Abicak nyi jø Cunem ni kälge gø baŋ nyeya.

1 Nyeye 2:17

Ni kö Adöniya, na «A kwaya ïïni niï cäänï ki nyeya ma Cølöman, kiper na Abicak nyi jø Cunem nee cïbe jïra na dhaagø, kiper eni luummï ba kwiere.»

1 Nyeye 2:21

Ni kö menni, ni «Beerra man ö Abicak nyi jø Cunem ni cïbi jï owäru ma Adöniya na dhaagø jïre.»

1 Nyeye 21:1

'Ba kanya tïme na køøre cään, gïn mør atägö ki ri pwöth omøki mar Naböth nyï Jedhriel, ni beeye pwöthe mana en Jedhriel buut paan dwøŋ mar Akap nyeny Cameria.

2 Nyeye 4:12

Køøre ena köö jï Gaadhi ŋat tïïc mare, ni «Cwøl nyijø Cunem.» 'Ba kanya nø cwøl gø, nyijøøgø aöö ni cuŋŋe nyïme.

2 Nyeye 4:8

'Ba dïcäŋ aciel, Ilaaca aci Cunem. 'Ba kanya cøøe, da nyijø mo okwär maa joode kaace. Køøre ena kwac nyijøøgø nee cäme; ni cäme. Ni put tïmö ni kany wø cør Cunem jaak, eni puta gaa kaace wø cäme yie.

2 Nyeye 8:29

Kanyøgø nyeya ma Jeyöram adøø Jedhriel kuna tuu eni ki ŋwellø mana tïïc jø Arammi dëëre Ramöth-Gelät kanya këëde ka Adhaël nyeny Aram. Ni ö Akadhiya o Jöram nyeny Juuda ni løøc piny Jedhriel kuna lïïmme baŋ Jeyöram wär Akap kiper ŋwellø mana en dëëre.

2 Nyeye 9:15

ni Jeyöram onø døø Jedhriel kuna tuu eni ki ŋwellø mana kïth jø Arammi dëëre kanya këëtge ka Adhaël nyeny Aram. 'Ba Jiyu aköö jï kwääc jø leny møga, «Ni näk mou ena kura, kär dee dhaanhø mo weyu nee ree kwale ni wec pääny man ni ci kuna caan luum ageem Jedhriel.»

2 Nyeye 9:30

'Ba kanya pïïc Jiyu Jedhriel, gïre awïny Jedhebelli, ni ö Jedhebelli ni rwøth nyeŋŋe ki gïn wø rwøth nyeŋ ki gø, ni tïïc wïïe ni mïërö, ni räŋŋe ki dha awëërnyeŋ.

Jøcua 15:56

ki Jedhriel, ki Jökdäm, ki Dhanöwa,

Jøcua 17:16

'Ba nyïïkwaac Jocep aköö, ni «Mïëya en bäät kïte ba rømi kiperwa møn, këël jø Keenan thuwø moa en yi ŋöömma näk gool, ge ba løny böötö jïwa, kiper jïge da jïëthe mo wø tut okwëënyi mo tïïc ka nywïëny, ni beege jø Keenan moa en Bëëth-Can ka atude moe moa en buute ki moa en goor Jedhriel.»

Jøcua 19:17

'Ba kanya tïme na ri ŋweerge, ki man pääŋ ŋøøm ki køør ŋïïce mo wø tïïc ki ri kwääk ki baw, ŋøøm moa cïp jï jø tuuŋ Icakar aö wøk ki nyeŋge ki køør dhøk uudi moge.

Jøcua 19:19

ka Aparayim, ki Ciön, ka Anarath,

1 Camiel 28:4

'Ba kar kaagø, jø leny mo jø Pilitin rege acooŋge, ni öge ni tïïcge twïër marge buut pääny mana cwøl ni Cunem; ni ö Cøølli ni cooŋ jø leny mo jø Icriel bëët ni tïïcge twïër marge deŋ Kïn Gilböa.