Jøcua 18:8 - Wëël Jwøk

⁸ Køøre jiy moa kwany nee cige nee ŋøøm göörge, gena tïŋŋö ni aacge; 'ba kanya pootge ni ge poot kär aay, gena kööm Jøcua ni kööe jïge, ni «Cou ni caathu dï ŋöömö bäre ni göörru gïïo jootu piny, ni duuu baŋa; køøre nø aani ŋïïce mo wø tïïc ki ri kwääk ki baw ojiiŋŋa Cëëlö kany nyïm Wuuö Jwøk.»

Jøcua 18:8 Iomraidhean Croise

Wïlöölö 13:17

Ö maal, ni caathï dï ŋöömmögø bäre; kiper cïba cïbö jïrï.»

Aydheea 34:17

Wuuö Jwøk beeye na pääŋ ŋøøm jïge, ni mooc man nø ki kare, ni put tïmö na moge na bäre bäre; këël beenhnhe moge moo ööi køørge poot bëëdö yie.

Wëëlö Mana Göör Pøølli Baŋ Jø Röm 14:19

Kiper manøgønø, beerra man løpø køør gïn wø käl bëët-mëër nøø tëënnø karøbëët.

Jøcua 13:7

'Ba ennø, ŋøøm moøgø ni løø Naam Jördan jï løø kur pänh-cäŋ enø, këël mano këët deŋ naama dwøŋ, wär pääŋŋï jï wïth tuŋi moa näk abïŋween ki thääŋ tuuŋ Maneeca, na ŋöömmo ci jïge na marge.»

Jøcua 15:1

'Ba kanya pääŋ ŋøøm ki køør ŋïïce mo wø tïïc ki ri kwääk ki baw, ŋöömö mana ci jï jø tuuŋ Juuda ki køør dhøk uudi moge kïïö ka ŋööm Ëdöm, ni rwöpa dï paap Dhïn, na aŋuunne beeye Nëgëp na en jï løø tier-piny.

Jøcua 18:1

'Ba kanya nø ö jø Icrielli na macge ŋööm Keenan, geni rege acooŋge Cëëlö, ni gurge oduŋkaany røømmø piny kaace.

Jøcua 18:10

'Ba Jøcua ŋïïce mo wø tïïc ki ri kwääk ki baw aput jiiŋŋø jïge Cëëlö kaagø nyïm Wuuö Jwøk, ni ö Jøcua ni put ŋøøm pääŋŋö jï jø Icriel ki køør wïth tuŋi moge.

Jøcua 18:6

'Ba uuni ŋöömö manøgø wär göörru na kwöre abïriiø, ni kälu gïna göörru baŋa. 'Ba aani, ŋïïce mo wø tïïc ki ri kwääk ki baw oläwa jiiŋŋø kany nyïm Wuuö Jwøk na näk Jwøk marø.

Jøcua 18:9

Ni ö jøøgø ni putge aay ni caathge dï ŋöömö bäre, ni pääŋge ŋöömö na kwöre abïriiø ki køør päänye moa en yie, ni göörge nyeŋ päänye piny yi warakata; køøre gena duu twïër kanya en Jøcua yie Cëëlö.

1 Camiel 14:41

Kanyøgønø, Cøøl aköö jï Wuuö Jwøk, Jwø Icriel, ni «Nyooth marï na adïëri, nee ŋata bääyö joot yïthakicwa.» 'Ba Jönathan ki Cøøl aput nyooth, ni ö jø Icrielli ni dööŋge wøk.