Jøcua 18:6 - Wëël Jwøk

⁶ 'Ba uuni ŋöömö manøgø wär göörru na kwöre abïriiø, ni kälu gïna göörru baŋa. 'Ba aani, ŋïïce mo wø tïïc ki ri kwääk ki baw oläwa jiiŋŋø kany nyïm Wuuö Jwøk na näk Jwøk marø.

Jøcua 18:6 Iomraidhean Croise

Pwöc Leec Wïc 16:33

Nyuuthe mo wø tïïc ni nyootha gïrpiny wø di tïïö, 'ba ŋøl luup mana näk adïëri käla baŋ Wuuö Jwøk.

Pwöc Leec Wïc 18:18

Nyuuthe mo wø tïïc ni nyootha gïrpiny, pïëm wø di jooø, ni ŋøl luubö yïthakic jiy mo teek.

Kwään Jiy 33:54

Ni pääŋŋu ŋøøm nee cige jï tuŋi mou ki køør ŋïïce mo wø tïïc ki ri kwääk ki baw. Tuuŋ mo dwøŋ wär mooyu ki ŋøøm mo thööth, ni cïpu ŋøøm mo nøk jï tuuŋ mo thiinh; ni tuuŋ man wø päth ŋïïce baŋge, ŋøømmeca doo tïmö na marge. 'Ba uuno jïti ki ŋøøm ki køør nyeŋ kwäyu.

Kwään Jiy 34:13

Køøre Modhe jø Icriel aköömme, ni kööe, ni «Manøgø beeye ŋöömö mano pääŋŋu yïthakiyu ki køør ŋïïce mo wø tïïc ki ri kwääk ki baw, ni beeye ŋöömma näk onø caan Wuuö Jwøki nee pääŋŋi jï tuŋi abïŋween ki thääŋ tuuŋ Maneeca;

Moa Tïïc Nyïïatwieli 13:19

'Ba na nø nyak wïth juurre abïriiø moa en yi ŋööm Keenan, ŋöömmögø amëëk geni na marge ni bëëtge yie, ni gïïögø bëët akän wøk ki cwiiri mo jïtö ki dïpe aŋween ki pïërabïïc.

Jøcua 14:2

'Ba ŋøøm moøgø apääŋŋi jï wïth tuŋi moa näk abïŋween ki thääŋö na ŋøøpo dööŋ jïge na kurge, ni pääŋŋi ka køør ŋïïce mo wø tïïc ki ri kwääk ki baw, kaawat mana nø caani ya Wuuö Jwøki ki dhi Modhe.

Jøcua 18:10

'Ba Jøcua ŋïïce mo wø tïïc ki ri kwääk ki baw aput jiiŋŋø jïge Cëëlö kaagø nyïm Wuuö Jwøk, ni ö Jøcua ni put ŋøøm pääŋŋö jï jø Icriel ki køør wïth tuŋi moge.

Jøcua 18:7

'Ba jø tuuŋ Libay ba jïti ki kurge yïthakiyu, kiper tïï dïlämme ki man tïnyge Wuuö Jwøk beeye noo tïmö ni caala ŋöömmo dööŋ jïge na kurge. Jø tuuŋ Gaat ki jø tuuŋ Ruben ki thääŋ tuuŋ Maneeca thuwø ŋøøm mo dööŋ jïge na kurge ege nø lwør løø Naam Jördan jï løø kur tuul-cäŋ, ni beeye Modhe na näk dhaanh Wuuö Jwøk na cïp ŋøøm moøgø jïge.»

Jøcua 18:8

Køøre jiy moa kwany nee cige nee ŋøøm göörge, gena tïŋŋö ni aacge; 'ba kanya pootge ni ge poot kär aay, gena kööm Jøcua ni kööe jïge, ni «Cou ni caathu dï ŋöömö bäre ni göörru gïïo jootu piny, ni duuu baŋa; køøre nø aani ŋïïce mo wø tïïc ki ri kwääk ki baw ojiiŋŋa Cëëlö kany nyïm Wuuö Jwøk.»