Jøcua 18:16 - Wëël Jwøk

¹⁶ 'Ba waŋ keew aput løøc jï piny mëëth ni cør tier kïnna näk dïët ki Goor Ben-Inöm, ni poot cøøa jï løø kur tuul-cäŋ, ki jï løø wï-piny ki Goor Rapayim. Ni pöödhe ki dï Goor Inöm ni put døø ki deŋ kïdi mana bëët pääny jø Jeebuc bääte, ni kïdi manøgø ena yi ŋöömö marge; ni put aay ni coonya jøøro mana cwøl na Ayn-Rögëël.

Jøcua 18:16 Iomraidhean Croise

2 Camiel 17:17

'Ba Jönathan ka Akimaath, ge na wäät Dïlämme Moa Døøŋŋø, ge bëëdö ni ge kurö bäät jøøro mana cwøl na Ayn-Rögëël, kiper ge ba many gø nee ge joot ni ge dønynya yi pääny. 'Ba da ŋat tïïc ma dhaagø mo wø cøø ni caan gïïa tägö jïge, nee tïme ni løny jï jagøgø ki man cige ni caange gø jï Deebit.

2 Camiel 5:18

'Ba jø leny mo jø Pilitin apïï ni putge dï Goor Rapayim gääbö.

1 Nyeye 1:9

Kanyøgønø, Adöniya dïëk ki dhäk ki nyïïrøøe moa no olør acïbe no olämme deŋ Kïn Dhöëlët, na en buut jøøro mana cwøl ni Ayn-Rögëël; ni cwøl uut wänni bëët, ni beege wäät nyeya, ki jø tuuŋ Juuda bëët mo wø tïny nyeya.

2 Nyeye 23:10

Jöcaya thuwø, Töpeth, kanya raac ni wø waaŋ olämme yie na en yi goor Ben-Inöm atïïe ni ba waany, nee bäŋe dhaanhø mo waaŋ wääde wala nyaare no olämi jï Mölek këët.

1 Luup Nyeye 14:9

'Ba jø leny mo jø Pilitin apïï ni putge goor Rapayim tuk.

2 Luup Nyeye 28:3

Ni eni wääŋö thuwø ki jer wø jïcge ŋwääi ni met ya agäm-kïn Ben Inöm, ni waaŋ wääte ki maac, ni cïpa ge no olämme, ni eni caatha køør gïïa raac yi Jwøki ki ge na tïïc wïth juurre moa riem Wuuö Jwøki wøk nyïm jø Icriel.

2 Luup Nyeye 33:6

'Ba wääde awaaŋe ki maac no olämi ya agäm-kïn Ben Inöm, ni tïïe ki jap thïëth, ki jap adïëda, ki jap ajuuk, ni pëëny jiy mo rege da juu mo cøøra jwïëc jøøa no othøw, ki jiy mo cäänö ki juuk piny. 'Ba ena tïïö ki gïï mo thööth døc mo nëëni ni reyø ki jï Wuuö Jwøk, ni tïïya Wuuö Jwøk nee goote.

Aydheea 30:33

Kiper kar maac onø jiiŋŋø ki kany mo bäär; ka adïëri møn, onø jiiŋŋø kiper nyeny Aciria. Ojiiŋŋø na buur mo bäär mo yie dwøŋ, no oämmö ki maac mo wärri mo orubö ki jenni mo thööth. 'Ba jam dhi Wuuö Jwøk beeye na wëëk maac manøgø liel ni wärri.

Jeremaya 19:11

ni kööï jïge, ni ‹Luumma caan Wuuö Jwøki, eni na wïth jammi bëët, beeye en: Aani, jøøi ii ki pääny man raanynya raanynyø kaamar dak man na gøø piny en ni ba løny ki man dwøgi kare këët. Køøre geno koony Töpeth kany këël kanyo pääŋe ni bäŋ kany kuny yie.

Jeremaya 19:2

Ni ciï ya agäm-kïdi mana cwøl ni Ben Inöm, na en buut dhi kiir man wø leeŋ abänni yie, ni caanï luummi ni caana jïrï en kaace,

Jeremaya 19:6

Kiper manøgønø, da cääŋŋe mo öö, mo kany ba cwøl këët ni Töpeth wala Agäm Kïn Ben Inöm, 'ba ocwøl na Agäm Kïn Kar Ŋaal Jiy.

Jeremaya 32:35

Ni gëëtge ki kwör lam jï Baal ya agäm-kïdi mana cwøl ni Ben Inöm, nee wäätge ki nyïïge waaŋge no olämme kaace jï Mölek, ni beeye gïn mo ge kära köömmö ki man tïïcge gø, na acaac gïnögø bäŋgø mo ö wïïa thuwø ki man tïïcge gïïögø ni ec raac ki ge døc yøø, ni wëëkge jø Juuda bääyö.

Jøcua 15:63

'Ba jø Jeebuc, na bëëdö yi Jerucalem, kär løny jï jø tuuŋ Juuda ki man riemge ge wøk; ni ö jø Jeebuc ni putge bëëtö na aciel ki jø tuuŋ Juuda yi Jerucalem këël dïcäŋi en.

Jøcua 18:28

ki Cëëla, ki Ëëlëëp, ki pääny jø Jeebuc ni beeye Jerucalem, ki Giba, ki Kiriat; ni beege päänye apaar kurŋween ka atude moge moa en buutge. Manøgø beeye ŋöömö mana cïp jï jø tuuŋ Benjamen ki køør dhøk uudi moge.

Pïëmme 1:21

'Ba jø tuuŋ Benjamen, jø Jeebuc moa bëëdö yi Jerucalem kärge riem wøk; ni ö jø Jeebuc ni putge bëëtö na aciel ki jø tuuŋ Benjamen yi Jerucalem këël dïcäŋi en.

Pïëmme 1:8

'Ba kar kaaca, jø tuuŋ Juuda geno nø këëdö ki jø Jerucalem ni macge pääny manøgø ni 'näkge jiy ko opëëlle, ni putge pääny manøgø nyep ki maac.

Pïëmme 19:10

'Ba nyenøgø kär jïëy ki man cäŋ but kaagø, ni put ö maal ni tïŋŋe, ni pïïe kany mo dïët ki Jeebuc ni beeye Jerucalem. 'Ba arëëni moe na näk ariiø nutö ni käädö ko opïri; këël cïïe nut ni cäädhi ka eni na aciel.