Jøcua 18:12 - Wëël Jwøk

¹² 'Ba waŋ keew marge ki jï løø wï-piny atägö ki Naam Jördan, ni ö keewi ni put aay ni coonya jï løø kur pänh-cäŋ ni Jerikö ee wii bäät caam, ni aae ni coonya mïëya en bäät kïte; ni pöödhe ki dï paap ni pïïe Bëëth-Awëën.

Jøcua 18:12 Iomraidhean Croise

Odheea 10:5

Jø Cameria lwäyö kiper gïno tägi dëër gïna no otïïö na nyirøøa mar Bëëth-Awëën. Ka adïëri møn, jiye kïmmö kipere, ni ö dïlämme mo kït gïï wø lam ni gööge ko oduuru bääte kiper mano lwør ajiem mare baŋge noo kïthi paac mør.

Odheea 4:15

«Wui, ï na Icriel, këël na bëëdï niï tïïya tïï käp, Juuda kär näk cäŋa bääyö. Ni ba cou Gëlgela, wala maru ci maal Bëëth-Awëën, nou kööŋ, ni ‹Ŋëët Jwøa kwøw!›

Odheea 5:8

«Koothu tuuŋ bäät jø Giba, ni koothu tuuŋ bäät jø Reema! Köögu nee wïny jø Bëëth-Awëën! Wui, jø tuuŋ Benjamen, tïŋŋu leny!

Jøcua 16:1

'Ba jø tuuŋ wäät Jocep, ni beege jø tuuŋ Ipariem ki thääŋ tuuŋ Maneeca, ŋøøm moa ci jïge ki køør ŋïïce mo wø tïïc ki ri kwääk ki baw, waŋ keew ki jï løø tier-piny atägö ki Naam Jördan ni dïët ki Jerikö, ni aae ki buut jøør mo Jerikö, ni cøra jï løø kur tuul-cäŋ ki jøør moøgø. Køøre keew ree aput gøn ki Jerikö, ni cøøa jï løø kur pänh-cäŋ, ni aae ni cøra dï paap ni pöödhe ki dï mïëya en bäät kïte ni put pïï Bëthël.

Jøcua 18:11

'Ba kanya pääŋ ŋøøm ki køør ŋïïce mo wø tïïc ki ri kwääk ki baw, ŋöömö mana cïp jï jø tuuŋ Benjamen ki køør dhøk uudi moge ena yïthakic ŋööm jø tuuŋ Juuda ki ŋööm jø tuuŋ Jocep.

Jøcua 2:1

'Ba kanya en jø Icrielli Cëthim, Jøcua o Nun ajääk Jerikö ki jiy ariiø na dïlëëwe ki piny ni kuc, ni kööe, ni «Cou, ni liewu ŋööm Keenan këël Jerikö.» Ni ö jøøgø ni aacge ni pïïcge paanøgø po nyaan ma kääbi mo nyeŋŋe cwøl ni Reeyap, ni putge but kaace.

Jøcua 3:16

pïï mo wø kwönni ki kwöra en maal aput cuŋŋö ni makge rege kaamar gïï mo ocooŋ kanya ciel, ni pïïögø cuŋŋa kany mo bäär paana cwøl na Adam, na en buut Carthan; ni ö pïïyi mo wø lööny yi Naam Acäbö na en yi gool mana cwøl na Araaba, ni putge niŋul na bäre. Ni ö jø Icrielli ni putge ŋut løøga ni ge dïët ki Jerikö.

Jøcua 6:1

'Ba kar kanyøgønø, dhi kiir mar pääny Jerikö aput bëëtö no odëëdö ni teek døc kiper jø Icriel; ni bäŋ dhaanhø mo odøny wøk, ni bäŋ dhaanhø thuwø mo oduny yie.

Jøcua 7:2

Køøre kanya en jø Icrielli Jerikö, Jøcua jiy ajääŋŋe paana cwøl ni Gaay, na en buut paana cwøl ni Bëëth-Awëën, na en løø Bëthël jï løø kur tuul-cäŋ, ni kööe jïge, ni «Cou ni liewu ŋöömmece.» Ni ö jøøgø ni cige ni liewge Gaay.

Jøcua 8:15

Kanyøgønø, Jøcua ki jø leny mo jø Icriel moa en buute bëët dëëtge atïïcge kaamar jiy mo oböötö, ni putge reeŋø ki jø Gaay ni ge reŋi ka øtjöö mana näk coonya dï paap.

1 Camiel 13:5

'Ba jø Pilitin rege acooŋge kiper nee ge këëtge ki jø Icriel, ni jïge da jïëth leny mo wø tut okwëënyi ma kume adäk, ki jiy ma kume abïciel mo wø këëdi ki bäät okwëënyi, ki jø leny mo ba løny ki kwaan mo thööthge caala nyeŋ akwöny deŋ naama dwøŋ. Ni öge ni tïïcge twïër marge Mikmac na en løø Bëëth-Awëën jï løø kur tuul-cäŋ.