Jøcua 18:10 - Wëël Jwøk

¹⁰ 'Ba Jøcua ŋïïce mo wø tïïc ki ri kwääk ki baw aput jiiŋŋø jïge Cëëlö kaagø nyïm Wuuö Jwøk, ni ö Jøcua ni put ŋøøm pääŋŋö jï jø Icriel ki køør wïth tuŋi moge.

Jøcua 18:10 Iomraidhean Croise

1 Luup Nyeye 24:5

'Ba gena cïïmmi ni dïët bëët ki køør gïï wø tïïc na nyuuthe, kiper da dïlämme mo kwörge døøŋŋø mo øt Jwøk ki dïlämme mo kwörge døøŋŋø mo lam dëët nyïïkwaac Eliedhar ki nyïïkwaac Itamer bëët.

Neemiya 11:1

'Ba dïbwöthe gena bëëdö ni ge bëëdö Jerucalem. 'Ba jiy bëët møga nyuuthe mo wø tïïc ni pätha bäät ŋati man nø atïïcge, ni ŋato päth bääte nø røk jiy apaar nee kälge nee bëëde Jerucalem, päänya en kur keere na mar Jwøk, nee jiy abïŋween moi nø mo odööŋ ki ra apaar nee bëëtge ni ge bëëdö yïth päänye møga.

Pwöc Leec Wïc 18:18

Nyuuthe mo wø tïïc ni nyootha gïrpiny, pïëm wø di jooø, ni ŋøl luubö yïthakic jiy mo teek.

Jeremaya 7:12

« ‹'Ba ennø, cou kar lam na en Cëëlö, na näk yaa kwøŋ jier nee nyeŋŋa bëëde ni ŋäc yie, ni neennu gïna tïïa kaace ki køør rääö mar jiya ma jø Icriel.

Edhikiel 47:22

Wär pääŋŋu yïthakiyu ki køør ŋïïce mo wø tïïc na nyuuthe, ni bee u bëët ki jøøa path moa en dïïu na näk jïge da obwöre. Wäru cädu kiper jøøa path ni raŋŋu ge kaamar jiy mo nywøla jø Icrielli. Ge wär jïtge ki kurge ri ŋöömö manøgø yïthakic tuŋi mo jø Icriel.

Edhikiel 48:29

«Manøgø beeye ŋöömö mano pääŋŋï jï wïth tuŋi mo Icriel ki køør ŋïïce mo wø tïïc na nyuuthe nee dööŋe jïge na moge; ni kwörögø bëët beege kwöro pïï jï jø tuuŋ man nø na kurge. Luummögø caana aani, a na Kwäärö Wuuö Jwøk.

Mikiya 2:5

Kiper manøgønø, kanyo duu ŋøøm, otïmö ni bäŋ ŋøøm mo di rømø jïïu dï jø acooŋ Wuuö Jwøk.

Kwään Jiy 34:16

Køøre Wuuö Jwøk acäänö ki Modhe, ni kööe,

Mathiew 27:35

'Ba kanya nø gurge gø bäät jaadha no odëëdö, abïïe moe apääŋge yïthakicge ki køør ŋïïce mo wø tïïc ki ri kwääk ki baw.

Jøøn 17:2

kaa mana wëëgï gø teek bäät jiy bëët, kiper nee cïpe ki kwøw mana näk adïëri mo bäŋ cuŋŋe jï moa cïpï jïre bëët.

Moa Tïïc Nyïïatwieli 13:19

'Ba na nø nyak wïth juurre abïriiø moa en yi ŋööm Keenan, ŋöömmögø amëëk geni na marge ni bëëtge yie, ni gïïögø bëët akän wøk ki cwiiri mo jïtö ki dïpe aŋween ki pïërabïïc.

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Köløcia 1:12

nou pwøya Wuuö Jwøk, ŋata tïïc øøni ni øøno rømø ki man nywaaø olaawi ki jø Jwøk yi tar.

Jøcua 14:2

'Ba ŋøøm moøgø apääŋŋi jï wïth tuŋi moa näk abïŋween ki thääŋö na ŋøøpo dööŋ jïge na kurge, ni pääŋŋi ka køør ŋïïce mo wø tïïc ki ri kwääk ki baw, kaawat mana nø caani ya Wuuö Jwøki ki dhi Modhe.

Jøcua 14:5

Kar kanyøgønø, jø Icriel ŋøøm aputge pääŋŋö na kare, kaawat mana ö Wuuö Jwøki na kööm Modhe.

Jøcua 18:11

'Ba kanya pääŋ ŋøøm ki køør ŋïïce mo wø tïïc ki ri kwääk ki baw, ŋöömö mana cïp jï jø tuuŋ Benjamen ki køør dhøk uudi moge ena yïthakic ŋööm jø tuuŋ Juuda ki ŋööm jø tuuŋ Jocep.

Jøcua 18:6

'Ba uuni ŋöömö manøgø wär göörru na kwöre abïriiø, ni kälu gïna göörru baŋa. 'Ba aani, ŋïïce mo wø tïïc ki ri kwääk ki baw oläwa jiiŋŋø kany nyïm Wuuö Jwøk na näk Jwøk marø.

Jøcua 18:8

Køøre jiy moa kwany nee cige nee ŋøøm göörge, gena tïŋŋö ni aacge; 'ba kanya pootge ni ge poot kär aay, gena kööm Jøcua ni kööe jïge, ni «Cou ni caathu dï ŋöömö bäre ni göörru gïïo jootu piny, ni duuu baŋa; køøre nø aani ŋïïce mo wø tïïc ki ri kwääk ki baw ojiiŋŋa Cëëlö kany nyïm Wuuö Jwøk.»

Jøcua 18:9

Ni ö jøøgø ni putge aay ni caathge dï ŋöömö bäre, ni pääŋge ŋöömö na kwöre abïriiø ki køør päänye moa en yie, ni göörge nyeŋ päänye piny yi warakata; køøre gena duu twïër kanya en Jøcua yie Cëëlö.

Jøcua 19:51

'Ba manøgø beeye luum ŋøøm mo dööŋ jï jø Icriel na pääŋ Eliedhar na näk Kwääy Lam Mana Dwøŋ, ki Jøcua o Nun, ki dïbwöthe mo wïth tuŋi mo jø Icriel, ni pääŋŋi ka køør ŋïïce mo wø tïïc ki ri kwääk ki baw nyïm Wuuö Jwøk, ni tïïc manøgø tïïcge dho oduŋkaany røømmø kanya enge Cëëlö. Ni ö geni ni putge tïïc manøgø na tïï pääŋ ŋøøm enø thöör.

Jøcua 23:4

Neennu, aani ŋöömö bäre anø pääŋŋa jïïu ki køør ŋïïce mo wø tïïc ki ri kwääk ki baw nee tïme ni beeye ŋöömmo dööŋ jï wïth tuŋi mou, ni ŋöömö manøgø tägi ka Naam Jördan na en jï løø kur tuul-cäŋ këël mana aae ni këët deŋ naama dwøŋ na en jï løø kur pänh-cäŋ, ni wïth juurre bëët moa en yi ŋöömö manøgø, møøk dïge ŋøøm moge yøø nø mac, ni møøk dïge ŋøøm moge poot kärø maaø.