Jøcua 18:1 - Wëël Jwøk

¹ 'Ba kanya nø ö jø Icrielli na macge ŋööm Keenan, geni rege acooŋge Cëëlö, ni gurge oduŋkaany røømmø piny kaace.

Jøcua 18:1 Iomraidhean Croise

2 Camiel 7:6

Kiper aani, a kär bëëdö yi øtø ki mana täge ki kanya käla jø Icriel wøk ki Ijep këël dïcäŋi ennø; 'ba a bëëdö naa wïdö ni kar bëëtö mara beeye oduŋkaara.

1 Nyeye 14:2

Køøre Jeröbäm aköö jï cïïe, ni «Ö maal ni runynyï dëërï ka abïïe miï ba ŋec ki ge ni ïïna cïïa, ni ciï Cëëlö. Neenï, nyikuŋ Jwøk ma Akiya ena kunece, ŋata cäänö kipera naa tïma ni aana nyeya bäät jiyi.

1 Nyeye 14:4

Køøre cï Jeröbäm gïnögø aput tïïc, ni ö maal ni aa Cëëlö, ni ci po Akiya. 'Ba Akiya oløny na cwør, ni nyeŋŋe ba rääŋö këët, kiper eno løny na jaal.

1 Nyeye 2:27

Kanyøgønø Cølöman, Abiethaar aput mänö ki man bëëde ni ena dïlämi jï Wuuö Jwøk; ni put luubö mana caan Wuuö Jwøki Cëëlö kiper dhi øt Ëli thur kare.

Neemiya 9:24

Ni ö nyïïkwaacge ni dønyge yi ŋöömö ni lwørge gø na marge. Ni dïïmï jiy mo wø bëëdö yi ŋöömmögø, ni beege jø Keenan; ni cïbï geni ceŋ jiyï, geni ki nyeye moge, ki jiy mo wø bëëdö yi ŋöömmögø, nee käärge ki jöö mana manyge jaak.

Jeremaya 26:6

aani, øtø man na mara en raanynya raanynyø kaamar øtø mara mana raanynya Cëëlö, ni tïïa pääny man en na gïr abuua ki jï wïth juurre bëët mo bäät piny.› »

Jeremaya 26:9

?Aperŋø ni køpï luupi ii ki nyeŋ Wuuö Jwøk, ni kööï, ni ‹Øt Wuuö Jwøk man ränynyö kaamar Øt Wuuö Jwøk mana ränynyö Cëëlö, ni ö päänynyi man en ni ränynye ni tïme ni bäŋ ŋat mo bëëdö yie këët›?» 'Ba kanyøgø jiy bëët rege acooŋge lak Jeremaya yi Øt Wuuö Jwøk.

Jeremaya 41:5

jiy ma pïërabära aöö ni ge käla Cekam ki Cëëlö ki Cameria, ni jïëc tïkge ege lielø na abïïe moge ege jeeyø ni dëëtge ege ŋarø ki gïï mo beth, ni ge käädö ki muuce mo beel ki gïn wø jïye ŋwääi ni met, kiper nee cïpge yi øt Wuuö Jwøk.

Kwään Jiy 32:22

ni dïïm ŋöömmögø bäre; køøre kar kaace nø, uuno duui, ni tïmu ni bäŋ gïn mo many Wuuö Jwøki manynyø bäätu këët; këël jø Icriel tïmö ni bäŋ gïn mo manyge bäätu thuwø. Ni ö ŋöömmi en ni tïme na maru nyïm Wuuö Jwøk.

Moa Tïïc Nyïïatwieli 7:45

Ni ö kwäyø ni läwge gø kälö ki Jøcua, kanya macge mïëri moa näk wëëkge oriem Jwøki wøk nyïmge. Ni put bëëte na enøgønø gøøc yïth nïr Deebit,

Jøcua 18:2

'Ba kar kaaca, røk wïth tuŋi mo jø Icriel moa näk apaar kurriiø, da wïth tuŋi abïriiø mo ŋøøm mo dööŋ jïge na moge poot kär pääŋŋö jïge.

Jøcua 18:8

Køøre jiy moa kwany nee cige nee ŋøøm göörge, gena tïŋŋö ni aacge; 'ba kanya pootge ni ge poot kär aay, gena kööm Jøcua ni kööe jïge, ni «Cou ni caathu dï ŋöömö bäre ni göörru gïïo jootu piny, ni duuu baŋa; køøre nø aani ŋïïce mo wø tïïc ki ri kwääk ki baw ojiiŋŋa Cëëlö kany nyïm Wuuö Jwøk.»

Jøcua 19:51

'Ba manøgø beeye luum ŋøøm mo dööŋ jï jø Icriel na pääŋ Eliedhar na näk Kwääy Lam Mana Dwøŋ, ki Jøcua o Nun, ki dïbwöthe mo wïth tuŋi mo jø Icriel, ni pääŋŋi ka køør ŋïïce mo wø tïïc ki ri kwääk ki baw nyïm Wuuö Jwøk, ni tïïc manøgø tïïcge dho oduŋkaany røømmø kanya enge Cëëlö. Ni ö geni ni putge tïïc manøgø na tïï pääŋ ŋøøm enø thöör.

Jøcua 21:2

Ni cäänge ki geni kanya cwøl ni Cëëlö na en yi ŋööm Keenan, ni köge, ni «Wuuö Jwøk acäänö ki dhi Modhe nee wa mooc ki päänye mo bëëtwa yïthge, ki kwör kwaath mo ena buut päänye moøgø kiper lääc paac mowa.»

Jøcua 22:12

'Ba kanya ö jø Icrielli moøgø na wïnyge gïnögø, lwaa Icriel bäre rege aputge cooŋ Cëëlö, kiper nee cige nee këëtge ki wïth tuŋi moøgø.

Jøcua 22:19

'Ba ennø, ni näk mo ŋöömö mana wëëk uuni nëëni kere ocienø ki baŋu, beerra man känhnhu yi ŋööm Wuuö Jwøk na näk oduŋkaanynye ogur piny yie, nou jïtu ki kuru yïthakicwa. 'Ba käru gëëmö ki Wuuö Jwøk ni ba gëëmu ki waani ki køør mana tïnynyu dëëtu ki gïn wø cïp olämme bääte mør, ni gïn wø cïp olämme bääte mar Wuuö Jwøk na näk Jwøk marø nutö.

Jøcua 22:9

Ni ö jø tuuŋ Ruben, ki jø tuuŋ Gaat, ki thääŋ tuuŋ Maneeca ni døøge poge ni putge jø Icriel møga wii Cëëlö na en yi ŋööm Keenan, ni aacge ni ge cøøa ŋööm Gelät, ŋöömma näk onø wëëk geni na kurge, kaawat mana nø caani ya Wuuö Jwøki ki dhi Modhe.

Pïëmme 18:31

Køøre nø, kït gïna no otieŋø na näk tïïya Mikiya, aput bëëtö ni ege cwöth piny kiper dëëtge Daan kaagø, ki yïth nïne bëët moa bëëde ni Øt Jwøk ena Cëëlö.

Pïëmme 21:12

'Ba kanya ö jøøgø na cige, gena jïtö ki mään ma nyïïakuue mo dëët cwøw poot kucge ma dïpe aŋween røk jøøa bëëdö Jabic-Gelät; ni kälge nyïgögø twïër mana en Cëëlö, na en yi ŋööm Keenan.

Pïëmme 21:19

Kanyøgønø, jø døøk Icriel aköö, ni «Neennu, da ajwöma mar Wuuö Jwøk mo wø di tïïö ki yi cwiir cooth, ni tïïca Cëëlö.» 'Ba Cëëlö ena bäät cwïïc ki Bëthël, ni ena jï kur tuul-cäŋ ki øtjöö mana aay ki Bëthël ni coonya Cekam, ni ena bäät caam ki Leböna.

1 Camiel 1:24

'Ba kanya ö Anna na män nyilaal ki caak, nyilaal aput lwør ni aae ki gø, ni kääde ki nyirøøa ma rwaath mo cwiiye adäk, ki møø mo røm ki rumi mana cwøl ni iipa, ki køøŋ nyïïomøki mo ena ya agwäy, ni aae ni kïth nyilaal Øt Wuuö Jwøk na en Cëëlö. 'Ba kar kaagø, nyilaal poot thiinh døc.

1 Camiel 1:3

'Ba ki yi cwiir cooth, Elkana wø tïŋŋö ki yi pääny mana bëëde yie ni ci kuna wøør Wuuö Jwøk, eni na wïth jammi bëët, ni cïpe ko olämme jïgø kanya cwøl ni Cëëlö. 'Ba wäät Ëli karge riet, ni beege Apni ki Piniac, ge bëëdö na dïlämme jï Wuuö Jwøk kaace.