Jøcua 17:18 - Wëël Jwøk

¹⁸ 'Ba ŋøømma en bäät kïte poot tïmö na maru. Këël na bëët kaace na lul, dou ŋødø, ni këëllu gø nyeŋ keee moe, ni ö ŋöömmöca ni tïme na maru bäre; ni riemu jø Keenan wøk thuwø, këël na bëëtge ni ge teek ni jïge da jïëthe mo wø tut okwëënyi mo tïïc ka nywïëny.»

Jøcua 17:18 Iomraidhean Croise

Wïlöölö 49:24

'Ba gïr leny mare poot bëëdö ni ee maa ni teek ni kär dak cere, ni bääte ee maa ni teek ni cere rwäänhnhö ri leny; ni teege joode ka køør teek man wø cïp ŋata en teeki jïre, ni beeye Jwø Jeekap, eni na dïkwääy ni wø gwøk jø Icriel.

2 Camiel 18:6

Køøre jø leny gena aa wøk baŋ leny ki jø Icriel, ni ö lenynyi ni këëli yi lur Ipariem.

Wëëlö Mana Göör Pøølli Baŋ Jø Röm 8:31

?Agïnaŋø nø, noo caanø kiper gïïögø? ?Ni näk mo Jwøk ena kurø, aŋa noo männi ki øøni?

Wëëlö Mana Göör Pøølli Baŋ Jø Röm 8:37

Jïre bäär. 'Ba ki yïth gïïögø bëët teeka øøni ki køør ŋata mëër ki øøni, ni bäŋ gïn mo maarge tïïc.

Tiet Ciik 33:17

Ge jïtö ki teek ni tïmge kaamar thwønh dhieŋ ma kaa, ni tïmge ni teek kaamar jööbi ni wø cööp jiy ki tuge; ni ö geni ni riemge jiy këël mano këët cuŋ piny. Ni jøw rëëmö røk jø tuuŋ Ipariem o Jocep beege jiy mo thööth mo kaala kume apaar, ki jø tuuŋ Maneeca o Jocep mo kaala kuma.»

Ibaru 13:6

Kiper manøgønø, ø doo köö ni yøø ŋäädhö, ni «Wuuö Jwøk beeye dïkunyi mara, naa ba doo lwäyö. ?Aŋø, dhaanhø jaak, agïnaŋø noo tïïe dëëra?»

Jøcua 13:6

«'Ba aani na Wuuö Jwøk, jiy bëët moa näk bëëdö mïëya en bäät kïte ki mana täge ki Libaanø këël mana këët Micerepöth-Mayim, ki jø Caydan bëët, ge riema wøk nyïm jø Icriel; 'ba gïno tïïyï keere beeye ki man pääŋŋï ŋøøm moøgø jï jø Icriel ki køør ŋïïce mo wø tïïc ki ri kwääk ki baw, nee ci jïge na marge kaawat mana nø köömma ïïni.

Jøcua 15:9

'Ba ki mana täge ki wï kïdi kaagø, keew akööm ni aae ni coonya jøøro mana en kanya cwøl ni Nëëptö, ni pöödhe ni coonya päänye moa en bäät kïnna cwøl ni Ëprön. Køøre keew acäŋ köömmö ni aae ni coonya pääny mana cwøl ni Baala ni wø cwøl ki kwör møøk ni Kiriat-Jeerim.

Jøcua 17:17

'Ba Jøcua acäänö ki dhi øt Jocep ni beege jø tuuŋ Ipariem ki jø tuuŋ Maneeca, ni kööe, ni «Uuni, uuna jiy mo kwäännu thööth, nou teek døc thuwø. U ba doo mooø ki ŋøøm mo nøk keerge ki køør ŋïïce mo wø tïïc ki ri kwääk ki baw.

Jøcua 20:7

Kanyøgønø jø Icriel päänye moi aputge cïp kur keerge, ni beege Këdëc na en Galili na en mïëya en bäät kïte na näk mar jø tuuŋ Naptali, ki Cekam na en mïëya en bäät kïte na näk mar jø tuuŋ Ipariem, ki Kiriat-Arba, ni beeye Keeprön, na en mïëya en bäät kïte na näk mar jø tuuŋ Juuda.

1 Camiel 1:1

'Ba da nyen mør ma nyï Reema-Dhöpim na en mïëya en bäät kïte na näk kur jø tuuŋ Ipariem mo nyeŋŋe cwøl ni Elkana o Jeröam nyikwaar Eliyu, Eliyu o Töwu, Töwu o Dhup.