Jøcua 17:16 - Wëël Jwøk

¹⁶ 'Ba nyïïkwaac Jocep aköö, ni «Mïëya en bäät kïte ba rømi kiperwa møn, këël jø Keenan thuwø moa en yi ŋöömma näk gool, ge ba løny böötö jïwa, kiper jïge da jïëthe mo wø tut okwëënyi mo tïïc ka nywïëny, ni beege jø Keenan moa en Bëëth-Can ka atude moe moa en buute ki moa en goor Jedhriel.»

Jøcua 17:16 Iomraidhean Croise

1 Nyeye 18:45

'Ba ki kany mo thiinh, maal aput tïmö ni cøl ki pöölö, ni ö jame, ni päth køthi mo dwøŋ døc. 'Ba Akap aput aay ni ci Jedhriel.

1 Nyeye 18:46

Kanyøgønø, teek Wuuö Jwøk aput ö bäät Ilaaja, ni ö Ilaaja ni twöö abïïne piere, ni put reŋ maal nyïm Akap ni reŋ Jedhriel.

1 Nyeye 21:1

'Ba kanya tïme na køøre cään, gïn mør atägö ki ri pwöth omøki mar Naböth nyï Jedhriel, ni beeye pwöthe mana en Jedhriel buut paan dwøŋ mar Akap nyeny Cameria.

1 Nyeye 21:23

'Ba Wuuö Jwøk acäänö thuwø kiper Jedhebel ni kööe ni Jedhebel rïŋ dëëre cam guuwi camø yïth ŋøøp Jedhriel.

1 Nyeye 4:12

ni Baana wär Akilut beeye na bëën päänye moa cwøl ni Tanak ki Megidø ki Bëëth-Can, ki mïëri bëët moa en buute na en buut pääny Carthan jï løø tier-piny ki pääny Jedhriel, ni tägi ka Bëëth-Can këël mana këët Abël-Mööla ni pïïe løø mïëri moa en buut Jökimiam;

2 Nyeye 9:10

Ni ö guuwi ni camge Jedhebel yi ŋööm Jedhriel, ni tïme ni bäŋ ŋat koony eni.› » Kanyøgønø, nyikuŋ Jwøk mana thiinh dhi øtø aput jap ni put reeŋø.

2 Nyeye 9:37

ni ö rïŋ dëër Jedhebelli ni tïme kaamar wär mo oleeŋ piny yi ŋööm Jedhriel, ni put tïmö ni bäŋ ŋat mo ŋec gø ni man beeye Jedhebel.› »

Jeremaya 49:2

Kiper manøgønø, ka adïëri møn, da nïne mo öö mo a na Wuuö Jwøk, a kännö ki jø leny mo ge ööi ni ge kudhö ki tuŋi, ni ge ööa kuna tukge Raaba, pääny mar jø Amön. Ni ö päänyögø ni ränynye ni needwöt, ni ö mïëri moa en deŋŋe ni waaŋi. Køøre Icriel ŋöömme olwøre ceŋ jøøa käl gø cere.

Jøcua 15:56

ki Jedhriel, ki Jökdäm, ki Dhanöwa,

Jøcua 17:11

'Ba päänye møøk moa en yïth ŋøøm mo jø tuuŋ Icakar ki ŋøøm mo jø tuuŋ Acer na ci jï jø tuuŋ Maneeca beege Bëëth-Can ka atude moe moa en buute, ki Ibleäm ka atude moe moa en buute, ki Dör, paana en bäät kïdi, ka atude moe moa en buute këël jiy moa bëëdö yïthge, ka Endör ka atude moe moa en buute ki jiy moa bëëdö yïthge, ki Tanak ka atude moe moa en buute ki jiy moa bëëdö yïthge, ki Megidø ka atude moe moa en buute ki jiy moa bëëdö yïthge.

Jøcua 17:15

'Ba Jøcua aköö jïge, «Ni näk mo uuna jiy mo kwäännu thööth nø, cou ni ŋøtu lul mana en bäät kïdi maal yi ŋööm jø Përec ki jø Rapayim nee tïme na maru, kiper uuna köö ni mïëya en bäät kïte na cïp jï jø tuuŋ Ipariem atïmö ni diiny ni ba rømi kiperu.»

Jøcua 17:17

'Ba Jøcua acäänö ki dhi øt Jocep ni beege jø tuuŋ Ipariem ki jø tuuŋ Maneeca, ni kööe, ni «Uuni, uuna jiy mo kwäännu thööth, nou teek døc thuwø. U ba doo mooø ki ŋøøm mo nøk keerge ki køør ŋïïce mo wø tïïc ki ri kwääk ki baw.

Jøcua 17:18

'Ba ŋøømma en bäät kïte poot tïmö na maru. Këël na bëët kaace na lul, dou ŋødø, ni këëllu gø nyeŋ keee moe, ni ö ŋöömmöca ni tïme na maru bäre; ni riemu jø Keenan wøk thuwø, këël na bëëtge ni ge teek ni jïge da jïëthe mo wø tut okwëënyi mo tïïc ka nywïëny.»

Jøcua 19:18

'Ba ŋöömö marge rwöpa Jedhriel ki Keclöt, ki Cunem,

Pïëmme 1:19

'Ba Wuuö Jwøk nut dï jø tuuŋ Juuda, ni ö geni ni macge mïëya en bäät kïte. 'Ba geni, jøøa bëëdö ŋöömma näk ree ee päärö kärge riem wøk, kiper jøøgø jïge da jïëthe mo wø tut okwëënyi mo tïïc ka nywïëny.

Pïëmme 4:13

Ni ö Cicara ni cwøl jïëthe moe mo wø tut okwëënyi bëët, ni beege jïëthe mo wø tut okwëënyi ma dïpe abïŋween mo tïïc ka nywïëny, ki jø leny moe bëët moa en buute, ni öge wøk ki yi Aröcët-Agöyim ni cige bäät Naam Kicön.

Pïëmme 4:3

'Ba Cicara jïre da jïëthe mo wø tut okwëënyi ma dïpe abïŋween mo tïïc ka nywïëny, ni put jø Icriel caannø døc ki cwiiri ma pïërariiø. Ni ö jø Icrielli ni jwöŋge dëër Wuuö Jwøk.

Pïëmme 6:33

Kar kanyøgønø, jø Midien bëët, ki jø Amalëk, ki jø wø bëëdö jï løø kur tuul-cäŋ rege adwalge, ni cige ni ŋølge Naam Jördan, ni tïïcge twïër marge dï gool mana cwøl ni Jedhriel.

1 Camiel 29:1

'Ba jø leny mo jø Pilitin bëët rege acooŋge buut päänya cwøl na Apëk, ni ö jø lenynyi mo jø Icriel ni tïïcge twïër marge bäät jøøro mana en buut päänya cwøl ni Jedhriel.