Jøcua 17:11 - Wëël Jwøk

¹¹ 'Ba päänye møøk moa en yïth ŋøøm mo jø tuuŋ Icakar ki ŋøøm mo jø tuuŋ Acer na ci jï jø tuuŋ Maneeca beege Bëëth-Can ka atude moe moa en buute, ki Ibleäm ka atude moe moa en buute, ki Dör, paana en bäät kïdi, ka atude moe moa en buute këël jiy moa bëëdö yïthge, ka Endör ka atude moe moa en buute ki jiy moa bëëdö yïthge, ki Tanak ka atude moe moa en buute ki jiy moa bëëdö yïthge, ki Megidø ka atude moe moa en buute ki jiy moa bëëdö yïthge.

Jøcua 17:11 Iomraidhean Croise

2 Camiel 21:12

Køøre Deebit aa baŋ jø Jabic-Gelät ni lwør cuu mo Cøøl ki mo Jönathan o Cøøl na no okwøŋ jø Jabic-Geläti kwal ki piny mëëth bura mar päänya cwøl ni Bëëth-Can, ni beeye kanya ö jø Pilitinni na lïërge geni yie dïcäŋa ö jø Pilitinni na 'näkge Cøøl bäät Kïn Gilböa.

1 Nyeye 9:15

'Ba nyeya ma Cølöman Øt Wuuö Jwøk ki øt nyec mare, ki kanya no othørø ni wø cwøl na Milø, ki kiir mar Jerucalem, ki päänye moa cøøri na Adhör, ki Megidø, ki Gëdher, tïïe ka jø tïïc moa mak ki teek.

2 Nyeye 9:27

'Ba kanya ö Akadhiya nyeny Juuda na joot gïna tägö, ena reeŋø ki jöör Bëëth-Agen. Ni ö Jiyu ni ŋwiec køør gø ni rwääye, ni «Këëllu eni thuwø!» Ni putge eni këël yi jääy mare waŋjöör Guur, na en buut Ibleäm. 'Ba Akadhiya areŋ Megidø ni put thøø kaace.

1 Luup Nyeye 6:70

'Ba ki baŋ thääŋ jø tuuŋ Maneeca thuwø da päänye mo ege cïbö jï dhøk uudi møga mo nyïïkwaac Kät. Päänye moøgø bee Anër ki kwör kwaath moe, ki Biliam ki kwör kwaath moe.

1 Luup Nyeye 7:29

'Ba päänye moge moa en waŋ keew ki jø tuuŋ Maneeca beege Bëëth-Can, ki Tanak, ki Megidø, ki Dör ka atude moa en deŋge. 'Ba jøøa käl ri Jocep wär Icriel ge bëëdö yïth päänye moøgø.

2 Luup Nyeye 35:22

'Ba Jöcaya, Nekø käre wiiø ki man ci baŋ gø, 'ba abïïk nyec aput wiil, ni ci baŋ leny baŋ gø, ni mare kweer ki luubö mana caan Jwøki ki dhi Nekø. Ni put ci baŋ leny yi pwöl Megidø.

Jeremaya 49:2

Kiper manøgønø, ka adïëri møn, da nïne mo öö mo a na Wuuö Jwøk, a kännö ki jø leny mo ge ööi ni ge kudhö ki tuŋi, ni ge ööa kuna tukge Raaba, pääny mar jø Amön. Ni ö päänyögø ni ränynye ni needwöt, ni ö mïëri moa en deŋŋe ni waaŋi. Køøre Icriel ŋöömme olwøre ceŋ jøøa käl gø cere.

Dhekaraya 12:11

Dïcäŋöca oduuru mano en Jerucalem otïmö ni dwøŋ døc ni caala oduuc jø Adat-Rimmön mana jwøkge pwöl paana cwøl ni Megidø.

Jøcua 11:2

ni jääk baŋ nyeye moa näk bëëdö mïëya en bäät kïte na en jï kuna en wï-piny, ki moa en mïëya en yi goor Jördan ni wø cwøl na Araaba na en jï løø tier-piny ki Puur Kinërët, ki moa en ŋöömma näk ree ee päärö, ki moa en mïëya en bäät kïnna cwøl ni Dör na en jï løø kur pänh-cäŋ;

Jøcua 12:21

ki nyeny Tanak, ki nyeny Megidø,

Jøcua 12:23

ki nyeny Dör, paana en bäät kïnna cwøl ni Dör, ki nyeny Göyim na en Gëlgela,

Jøcua 16:9

'Ba päänye møøk ka atude moge moa en buutge na en yi ŋøøm mo jø tuuŋ Maneeca acïp jï jø tuuŋ Ipariem thuwø.

Jøcua 17:10

'Ba løøa en jï løø tier-piny ena jï jø tuuŋ Ipariem, ni ö løøa en jï løø wï-piny ni en jï jø tuuŋ Maneeca. 'Ba jø tuuŋ Maneeca kïïö ka naama dwøŋ ki jï løø kur pänh-cäŋ. 'Ba ŋöömö marge ki jï løø wï-piny kïïö ki ŋööm jø tuuŋ Acer, ni put aay ni tïme ni kïïö ki ŋööm jø tuuŋ Icakar no onyek jï løø kur tuul-cäŋ.

Jøcua 17:16

'Ba nyïïkwaac Jocep aköö, ni «Mïëya en bäät kïte ba rømi kiperwa møn, këël jø Keenan thuwø moa en yi ŋöömma näk gool, ge ba løny böötö jïwa, kiper jïge da jïëthe mo wø tut okwëënyi mo tïïc ka nywïëny, ni beege jø Keenan moa en Bëëth-Can ka atude moe moa en buute ki moa en goor Jedhriel.»

Pïëmme 1:27

'Ba jø tuuŋ Maneeca, jø paana cwøl ni Bëëth-Can, ki jø Tanak, ki jø Dör, ki jø Ibleäm, ki jø Megidø ki jøw moa bëëdö yïth atude moa en tiet päänye moøgø, kärge riem wøk; ni ö jø Keenanni ni putge cwïnyge mak ki man bëëtge yïth ŋøøm moøgø.

Pïëmme 5:19

«Nyeye mo Keenan aö baŋ leny, ni këëtge ki jø Icriel pääny Tanak buut Naam Kicön na en buut pääny Megidø; 'ba nyeye moøgø bäŋ gïï mo ege twierø, këël gwel-bïrö mo thiinh.

1 Camiel 28:7

Køøre Cøøl aköö jï jø tïïc moe, ni «Cou määnynyu jïra ki dhaagø mo ree da juu mo cøøra jwïëc jiy moa no othøw, kiper naa cøøa baŋe nee eni pëënynya.» 'Ba jø tïïc moe aköö jïre, ni «Ka adïëri møn, da dhaagø mo bëëdö Endör mo ree da juu mo cøøra jwïëc jiy moa no othøw.»

1 Camiel 31:10

Køøre jap leny mo Cøøl aputge cïp yi øt jwøge ma Actaröth, ni putge dëër Cøøl gur ri kiir mar Bëëth-Can.

1 Camiel 31:12

jø leny moa teek bëët gena put tïŋŋö, ni cääthge ki yi wäär bäre, ni pïïcge Bëëth-Can, ni ö dëër Cøøl ki dëët wääte na en ri kiir Bëëth-Can ni putge ge lwør, ni døøge Jabic-Gelät, ni putge geni waaŋ kaace.