Jøcua 17:1 - Wëël Jwøk

¹ 'Ba ki ri ŋöömö mana en løø Naam Jördan jï løø kur pänh-cäŋ, da ŋøøm mo oci jï thääŋ tuuŋ Maneeca ki køør ŋïïce mo wø tïïc ki ri kwääk ki baw. 'Ba Maneeca beeye kany Jocep, ni o Makirri ni näk kany Maneeca, ni eni da wääde mo cwøl ni Gelät. 'Ba kar kaaca, nyïïkwaac Makir, kiper mana näk gena jø leny mo teek, ŋööm Gelät ki ŋööm Baacan na en løø Naam Jördan jï løø kur tuul-cäŋ, onø cïp jïge na mano dööŋ jïge na kurge.

Jøcua 17:1 Iomraidhean Croise

Wïlöölö 41:51

Ni ö Jocepi ni cak nyeŋ kanynye ni Maneeca, kiper ena köö, ni «Jwøk aana tïïe ki man wïl wïïa ki gïïa jwøra, ni wëëk wïïa wïlö thuwø ki jø tuuŋwa.»

Wïlöölö 41:52

Ni cak nyeŋ julle ni Ipariem, kiper ena köö, ni «Jwøk aana tïïe ki man jïta ki nyïëdi yi paana jwøra gïïa leth yie.»

Wïlöölö 46:20

'Ba wäät Jocep na nywøle yi ŋööm Ijep beege Maneeca ki Ipariem, na nywølge ka Acenath, nyi Pötipëëra, kwääc lam mar pääny Ön.

Wïlöölö 48:17

'Ba kanya ö Jocepi na neen wänni ni cere mana näk cwïïe ee cïp bäät wï Ipariem, yie atïmö ni ba met ki gø; ni mak cer wänni kiper nee daae wï Ipariem nee kïth wï Maneeca.

Wïlöölö 48:18

Ni kö Jocepi jï wänni, «Manøgø paa kare Awuuö, kiper Maneeca beeye kaa. Cïp cer cwïïï bäät wïïe.»

Wïlöölö 50:23

Ni ö Jocepi ni joot nyïïkwaac wääde ma Ipariem këël mana pïïe ri dää beenhnhe; ni ö wäät nyikwaare ma Makir o Maneeca ni cïp geni bäät ääme.

2 Camiel 2:9

Ni røøny Icböcëth na nyeya bäät jø Gelät, ki jø Acër, ki jø Jedhriel, ki jø tuuŋ Ipariem, ki jø tuuŋ Benjamen, këël bäät jø Icriel bëët.

1 Luup Nyeye 2:23

'Ba Gëcur ka Aram, Mïëc Jayer ki Kënat ka atude moa en tiere amacge. Ni beege päänye ma pïërabïciel bëët moa bëët nyïïkwaac Makir wää Gelät yïthge.

Edhikiel 47:13

'Ba man beeye luumma caan Kwäärö Wuuö Jwøki, ena köö, ni «Moi beege nyeŋ keee mo ŋöömö mano pääŋŋu yïthakiyu, ni bee u wïth tuŋi mo Icriel moa näk apaar kurriiø; 'ba tuuŋ Jocep wär mooyu ki thäk ŋøøm ariiø.

Edhikiel 48:4

«'Ba jø tuuŋ Maneeca, løøk aciel mana kïïö ki ŋööm jø tuuŋ Naptali wär cïp jïge na kurge, ni beeye ki mano täge ki jï løø kur tuul-cäŋ këël mano këët jï løø kur pänh-cäŋ.

Kwään Jiy 26:29

'Ba dhi øtø mar o Maneeca beeye dhi øt Makir. Ni Makir beeye wää Geläti, ni beeye Gelät na käl dhi øt Geläti ree.

Kwään Jiy 27:1

Køøre nyïï Dhilöpat wär Opëër gena nyänh buut Modhe; 'ba Ëpër beeye o Gelät, ni Gelät beeye o Makir, ni Makir beeye o Maneeca, na käl dhi øt Maneeca o Jocep. 'Ba nyeŋ nyïï Dhilöpat beege Maala, ki Nöa, ko Okila, ki Milka, ki Tirja.

Kwään Jiy 32:33

'Ba Modhe ŋöömö aput cïp jï nyïïkwaac Gaat ki nyïïkwaac Ruben, ki thääŋ tuuŋ Maneeca o Jocep, ni beeye ŋööm Cëëwön nyeny jø Amör, ki ŋööm Ög nyeny jø Baacan, ki päänye moge moa døøŋŋø ki moa therø, këël ŋøøm bëët moa en deŋ päänye moøgø.

Tiet Ciik 21:17

Eni wääde mana nywøle ki dhaagø mana ba mëëre ki gø dee nyoodhø kiree ni beeye kaa mana dïkwøŋ, ni mooc gø ki kure røk jape bëët ki kwöre ariiø ni kaala wääte møga, kiper beeye eni na kwøŋ nywøl na nyooth gø ni eni nyöödö, ni gïïa doo joot lwiidhe dee joodø.

Jøcua 17:2

'Ba ki ri ŋöömö manøgø na en løø Naam Jördan jï løø kur pänh-cäŋ enø, jø tuuŋ Maneeca møga ajïtö ki ŋøøm kaagø ki køør dhøk uudi moge, ni beege dhi øt Abiedhar, ki dhi øt Këlëk, ki dhi øt Aciriel, ki dhi øt Cekam, ki dhi øt Ëpër, ki dhi øt Cemida. Ni moøgø beege nyïïkwaac Maneeca moa näk cwøw ki køør dhøk uudi moge; 'ba Maneeca beeye o Jocep.

Jøcua 22:7

'Ba ŋöömö mana en løø Naam Jördan jï løø kur tuul-cäŋ, na näk onø cïp Modhe jï thääŋ tuuŋ Maneeca na kurge, ena Baacan; 'ba ŋöömö mana cïp Jøcua jï thääŋ tuuŋ Maneeca maya na kurge ena løø Naam Jördan jï løø kur pänh-cäŋ yïthakic tuuŋge. 'Ba Jøcua wïth tuŋi moøgø na ariiø ki thääŋö yøø, awëëk wääth nee aage poge; ni put geni gwïëth,

Pïëmme 5:14

Ki røk jøøa öö, beege jø tuuŋ Ipariem na bëëdö ni tietge onø këët piny yi ŋöömma kwøŋ jø Amalëki bëëdö yie, ni beege jøøa caath køøru, u na jø leny mo jø tuuŋ Benjamen; ni ö kwääc lwaae moa käl ri dhi øt Makir ni öge; 'ba ki røk jø tuuŋ Dhebulan, beege kwääc lwaae moa näk käära athøre mo kwär.