Jøcua 16:4 - Wëël Jwøk

⁴ Moøgø beege ŋøøm moa ci jï jø tuuŋ wäät Jocep na ŋöömmo dööŋ jïge na kurge, ni beege jø tuuŋ Ipariem ki thääŋ tuuŋ Maneeca.

Jøcua 16:4 Iomraidhean Croise

Wïlöölö 41:52

Ni cak nyeŋ julle ni Ipariem, kiper ena köö, ni «Jwøk aana tïïe ki man jïta ki nyïëdi yi paana jwøra gïïa leth yie.»

Edhikiel 47:13

'Ba man beeye luumma caan Kwäärö Wuuö Jwøki, ena köö, ni «Moi beege nyeŋ keee mo ŋöömö mano pääŋŋu yïthakiyu, ni bee u wïth tuŋi mo Icriel moa näk apaar kurriiø; 'ba tuuŋ Jocep wär mooyu ki thäk ŋøøm ariiø.

Jøcua 14:4

'Ba kanya pääŋ ŋøøm jï wïth tuŋi mo jø Icriel, këël na bëëde ni jø tuuŋ Libay kär mooø ki ŋøøm, kwään wïth tuŋi mo jø Icriel moa jïtö ki ŋøøm poot di kwaanø na apaar kurriiø kiper mana kwaan wäät Jocep na wïth tuŋi ariiø, ni beege tuuŋ Maneeca ki tuuŋ Ipariem. 'Ba beege päänye keerge na cïp jï jø tuuŋ Libay na kwör bëëte moge, ki kwör kwaath mo kwaacge lääc paac moge yïthge.

Jøcua 16:5

'Ba ŋøøm moa cïp jï jø tuuŋ Ipariem na ŋöömmo dööŋ jïge na kurge ki køør dhøk uudi moge, waŋ keew mar ŋøøm moøgø ki jï løø tier-piny, atägö ka Atharöt-Adar na en jï løø kur tuul-cäŋ, këël mana aae ni coonya jï løø kur pänh-cäŋ, ni put pïï Bëëth-Örön mana en jï maal.

Jøcua 17:14

Køøre nyïïkwaac Jocep acäänö ki Jøcua ni köge, ni «Waani, waana jiy mo kwäänwa thööth, ni waano gwïëth Wuuö Jwøki këël kar kany ennø. ?Aperŋø nø ni tïme niï cïpa ŋøøm mo nøk jïwa en ki køør ŋïïce mo wø tïïc ki ri kwääk ki baw en?»

Jøcua 18:5

'Ba geni ŋöömö manøgø dege pääŋŋö na kwöre abïriiø. 'Ba jø tuuŋ Juuda ŋöömö mana nø lwørge na marge na en jï løø tier-piny wär putge bëëtö yi gø. Ni ö dhi øt Jocep, ni beege jø tuuŋ Ipariem ki jø tuuŋ Maneeca, ni putge bëëtö yi ŋöömö mana näk marge na en jï løø wï-piny.