Jøcua 16:10 - Wëël Jwøk

¹⁰ 'Ba jø tuuŋ Ipariem, jø Keenan moa bëëdö Gëdher kärge riem wøk, ni ö jø Keenanni moøgø ni putge bëëtö na aciel ki jø tuuŋ Ipariem këël dïcäŋi en. 'Ba jøøgø aput tïmö na laaŋe mo tïïö ka teek jï jø tuuŋ Ipariem.

Jøcua 16:10 Iomraidhean Croise

1 Nyeye 9:15

'Ba nyeya ma Cølöman Øt Wuuö Jwøk ki øt nyec mare, ki kanya no othørø ni wø cwøl na Milø, ki kiir mar Jerucalem, ki päänye moa cøøri na Adhör, ki Megidø, ki Gëdher, tïïe ka jø tïïc moa mak ki teek.

1 Nyeye 9:16

'Ba Peerø nyeny jø Ijep, eno kwøŋ ci Gëdher ni mak gø ni waaŋ gø, ni 'näk jø Keenan moa bëëdö yi päänyögø, ni cïp päänyögø na muuy jï nyaare kanya nywømi ya Cølömanni.

1 Nyeye 9:21

ni beege jøøa näk kär løny jï jø Icriel ki man dïïrge wïthge bëët, nyïïkwaacge moa dööŋ yïth ŋøøpøgø, Cølöman wø cwötö røkge ki jø tïïc moa näk maae ka teek kiper tïïc, këël man bëëde dïcäŋi en.

2 Luup Nyeye 8:8

na näk kär raany jø Icrielli, nyïïkwaacge moa dööŋ amak Cølömanni ki teek kiper tïïc, këël man bëëde dïcäŋi en.

Jøcua 10:33

Kanyøgønø, Oram nyeny Gëdher aöö nee jø Lakic kønye, ni ö Jøcua ni 'näk nyeny Gëdher ki jiye bëët këël mana tïme ni bäŋ dhaanhø aciel mo ee wiiø ni kwøw.

Jøcua 15:63

'Ba jø Jeebuc, na bëëdö yi Jerucalem, kär løny jï jø tuuŋ Juuda ki man riemge ge wøk; ni ö jø Jeebuc ni putge bëëtö na aciel ki jø tuuŋ Juuda yi Jerucalem këël dïcäŋi en.

Jøcua 16:9

'Ba päänye møøk ka atude moge moa en buutge na en yi ŋøøm mo jø tuuŋ Maneeca acïp jï jø tuuŋ Ipariem thuwø.

Jøcua 17:12

'Ba jø tuuŋ Maneeca kär løny jïge ki man macge päänye moøgø na bäre, kiper jø Keenan cwïnyge aputge mak ki man bëëtge yïth ŋøøm moøgø.

Jøcua 17:13

'Ba kanya tïm jø Icrielli ni ge teek, jø Keenan moøgø akïthge tietge ni kïthge bäätge ki tïïe mo teek; 'ba kärge riem wøk na bäre.

Pïëmme 1:29

Këël jø tuuŋ Ipariem thuwø, jø Keenan moa bëëdö Gëdher kärge riem wøk; ni ö jø Keenanni moøgø ni putge bëëtö dï jø tuuŋ Ipariem.