Jøcua 15:12 - Wëël Jwøk

¹² 'Ba keew ki jï løø kur pänh-cäŋ beeye deŋ naama dwøŋ bäre. Moøgø beege nyeŋ keee moa en deŋ ŋöömö mana ci jï jø tuuŋ Juuda ki køør dhøk uudi moge.

Jøcua 15:12 Iomraidhean Croise

Edhikiel 47:20

«'Ba keew mar ŋöömö manøgø ki jï løø kur pänh-cäŋ beeye bäät naama dwøŋ, ni tägi ka paaba en jï løø tier-piny këël mano pïïe jï løø wï-piny kany mo raŋŋa rege ki Libö-Amath. Manøgø beeye keew mare mana en jï løø kur pänh-cäŋ.

Edhikiel 48:7

«'Ba jø tuuŋ Juuda, løøk aciel mana kïïö ki ŋööm jø tuuŋ Ruben wär cïp jïge na kurge, ni beeye ki mano täge ki jï løø kur tuul-cäŋ këël mano këët jï løø kur pänh-cäŋ.

Tiet Ciik 11:24

ni kany mo you gudö ki tietu jaak, tïmö na ŋöömö maru. Ni tïm päl ŋöömmu ni tägi ka dï paap mana en jï løø tier-piny, këël mano këët Libaanø na en jï løø wï-piny; ni cäŋ tägö ki Naam Upareeti na en jï løø kur tuul-cäŋ, këël mano këët naama dwøŋ na en jï løø kur pänh-cäŋ.

Jøcua 15:11

Ni ö keewi ni pöödhe ni coonya deŋ kïnna en buut Akarön ni cøra jï løø wï-piny. Køøre keew akööm ni aae ni coonya pääny mana cwøl ni Cekrön, ni pöödhe ni coonya Kïn Baala ni put pööth pääny mana cwøl ni Japniël, ni ö keewi manøgø ni put ŋuudö yi naama dwøŋ.

Jøcua 15:47

Ka Acdöt, ka atude moe moa en buute; ki Geedha, ka atude moe moa en buute; na atude moøgø oput këët buut waŋ Ijep ki deŋ naama dwøŋ, ni beeye kwöra cør waŋ keew yïthge.

Jøcua 18:5

'Ba geni ŋöömö manøgø dege pääŋŋö na kwöre abïriiø. 'Ba jø tuuŋ Juuda ŋöömö mana nø lwørge na marge na en jï løø tier-piny wär putge bëëtö yi gø. Ni ö dhi øt Jocep, ni beege jø tuuŋ Ipariem ki jø tuuŋ Maneeca, ni putge bëëtö yi ŋöömö mana näk marge na en jï løø wï-piny.