Jøcua 15:1 - Wëël Jwøk

¹ 'Ba kanya pääŋ ŋøøm ki køør ŋïïce mo wø tïïc ki ri kwääk ki baw, ŋöömö mana ci jï jø tuuŋ Juuda ki køør dhøk uudi moge kïïö ka ŋööm Ëdöm, ni rwöpa dï paap Dhïn, na aŋuunne beeye Nëgëp na en jï løø tier-piny.

Jøcua 15:1 Iomraidhean Croise

Wïlöölö 35:23

Wääte moa nywøle ki Liia beege Ruben na näk kany Jeekap, køøre ki Cimien ki Libay ki Juuda ki Icakar ki Dhebulan;

1 Nyeye 8:65

'Ba kar kaaca, Cølöman dïcäŋa cïp Øt Jwøk kur keere na mar Jwøk awøøre ki jø Icriel bëët, ni beeye lwaak mana dwøŋ na öö ki Libö-Amath na en jï løø wï-piny, këël mana këët waŋ Naam Ijep na en jï løø tier-piny, ni wøørge dïcäŋögø nyïm Wuuö Jwøk, Jwøk marø, ki nïne abïriiø, ni wøørge Ajwöma Man Wø Wøør Ni Jøw Bëëdö Yïth Abïle ki nïne abïriiø, ni päŋ nïne na apaar kurŋween.

Edhikiel 47:19

«'Ba keew mar ŋöömö manøgø ki jï løø tier-piny täga Tamar këël mano pïïe yïth näm mo Meriba-Kadëc, ni cøra waŋ naam Ijep këël naama dwøŋ. Manøgø beeye keew mare ki jï løø tier-piny.

Edhikiel 48:7

«'Ba jø tuuŋ Juuda, løøk aciel mana kïïö ki ŋööm jø tuuŋ Ruben wär cïp jïge na kurge, ni beeye ki mano täge ki jï løø kur tuul-cäŋ këël mano këët jï løø kur pänh-cäŋ.

Kwään Jiy 20:16

'Ba kanya jwöŋwa dëër Wuuö Jwøk, eni döötwa awïnynye, ni jääŋ nyïïatwiel maal mare ni käl waani wøk ki yi ŋööm Ijep. «Ennø, wa ena Kadëc, pääny mana en deŋ keew mar ŋöömmï.

Maak 3:8

ki Jerucalem, ki Idumia, ki løø Naam Jördan, ki Tayar ki Caydan ni tïmge na lwaak mo päl døc.

Tiet Ciik 32:51

Gïnögø tägö dëërï kiper ïïni ki coku ma Aran uuna bääyö dëëra nyïm jø Icriel yi Kadëc na en dï paap Dhïn ri luum pï Meriba. Ni käru aani wøørø ki wödö ma kare nyïm jø Icriel.

Jøcua 14:2

'Ba ŋøøm moøgø apääŋŋi jï wïth tuŋi moa näk abïŋween ki thääŋö na ŋøøpo dööŋ jïge na kurge, ni pääŋŋi ka køør ŋïïce mo wø tïïc ki ri kwääk ki baw, kaawat mana nø caani ya Wuuö Jwøki ki dhi Modhe.

Jøcua 15:2

'Ba waŋ keew marge ki jï løø tier-piny tägi ka aŋuun weel Naam Acäbö na en jï løø tier-piny thuwø.

Jøcua 18:5

'Ba geni ŋöömö manøgø dege pääŋŋö na kwöre abïriiø. 'Ba jø tuuŋ Juuda ŋöömö mana nø lwørge na marge na en jï løø tier-piny wär putge bëëtö yi gø. Ni ö dhi øt Jocep, ni beege jø tuuŋ Ipariem ki jø tuuŋ Maneeca, ni putge bëëtö yi ŋöömö mana näk marge na en jï løø wï-piny.