Jøcua 14:4 - Wëël Jwøk

⁴ 'Ba kanya pääŋ ŋøøm jï wïth tuŋi mo jø Icriel, këël na bëëde ni jø tuuŋ Libay kär mooø ki ŋøøm, kwään wïth tuŋi mo jø Icriel moa jïtö ki ŋøøm poot di kwaanø na apaar kurriiø kiper mana kwaan wäät Jocep na wïth tuŋi ariiø, ni beege tuuŋ Maneeca ki tuuŋ Ipariem. 'Ba beege päänye keerge na cïp jï jø tuuŋ Libay na kwör bëëte moge, ki kwör kwaath mo kwaacge lääc paac moge yïthge.

Jøcua 14:4 Iomraidhean Croise

Wïlöölö 41:51

Ni ö Jocepi ni cak nyeŋ kanynye ni Maneeca, kiper ena köö, ni «Jwøk aana tïïe ki man wïl wïïa ki gïïa jwøra, ni wëëk wïïa wïlö thuwø ki jø tuuŋwa.»

Wïlöölö 41:52

Ni cak nyeŋ julle ni Ipariem, kiper ena köö, ni «Jwøk aana tïïe ki man jïta ki nyïëdi yi paana jwøra gïïa leth yie.»

Wïlöölö 46:20

'Ba wäät Jocep na nywøle yi ŋööm Ijep beege Maneeca ki Ipariem, na nywølge ka Acenath, nyi Pötipëëra, kwääc lam mar pääny Ön.

Wïlöölö 48:1

'Ba na tïme na køør manøgøøni acaan jï Jocep, ni «Wäru tuu døc.» Ni ö Jocepi ni lwør wääte riet na näk Maneeca ki Ipariem, ni put aay ki geni.

Wïlöölö 48:5

«'Ba kawaane Maneeca ki Ipariem na näk wäätï moa nywølï yi ŋööm Ijep kanya pooda naa poot kär ö baŋï Ijep, gena 'moa. Geno tïmö na 'moa kaamar wääta ma Ruben ge ki Cimien.

Wïlöölö 48:6

'Ba moo cäŋï nywøllø køørge, beege moï geni. Ni ŋöömö mano dööŋ jïge na marge ojootge ki køør Maneeca ki Ipariem.

2 Luup Nyeye 30:1

Køøre Edhekaya ajäägö ki dwøl baŋ jø Juuda ki jø Icriel bëët, ni gööte ki weeli thuwø baŋ jø tuuŋ Ipariem ki jø tuuŋ Maneeca, ni cwøla ge nee öge yi Øt Wuuö Jwøk Jerucalem, nee cäŋ Cäŋa Pööth Thøøe Yie wøørge jï Wuuö Jwøk, Jwø Icriel.

Kwään Jiy 26:28

Wäät Jocep beege Maneeca ki Ipariem.

Jøcua 16:4

Moøgø beege ŋøøm moa ci jï jø tuuŋ wäät Jocep na ŋöömmo dööŋ jïge na kurge, ni beege jø tuuŋ Ipariem ki thääŋ tuuŋ Maneeca.