Jøcua 14:12 - Wëël Jwøk

¹² 'Ba ennø, akwaya ïïni, nee mïëyö ni en bäät kïte yøø cïpï jïra. Ni beege mïëya cään Wuuö Jwøki kiperge kar kaaca. Kiper kar kaaca thuwø ŋäyï ni jø Anak bëëdö kaace, ni päänye moge døøŋŋø, ni ege geerø ni teek døc; 'ba yaa ŋäädhö ni Wuuö Jwøk oen buuta, nee tïme ni løny jïra ki man riema ge wøk, kaawat mana nø caani ya Wuuö Jwøki.»

Jøcua 14:12 Iomraidhean Croise

2 Nyeye 19:4

Kanymør ni Wuuö Jwøk, Jwøk marï, luup bëët moa caan Rapcakë, ŋata jääŋ nyeny Aciria nee eni na Jwøa kwøw pääde, wïnynye wïnynyö, ni ö eni na Wuuö Jwøk ni jook ŋata wïny luup moøgø dhi gø. 'Ba kiper manøgønø, beerra man lämï jï Wuuö Jwøk kiper jiy moa no odööŋ ni kwøw.› »

2 Luup Nyeye 14:11

Køøre Aca Wuuö Jwøk Jwøk mare akwaae, ni kööe, ni «Wui Wuuö Jwøk, bäŋ ŋat mør këët mo køny jøøa jïge bäŋ teek kany wø këëtge ki jøøa jïge da teek, 'ba bee ïïni keerï. Wui Wuuö Jwøk Jwøk marwa, køny waani, kiper wa ŋäätha ïïni. 'Ba ki køør mana ŋääthwa nyeŋŋï, waana ö baŋ leny ki jøøi ni thööth ii. Wui Wuuö Jwøk, bee ï na Jwøk marwa; beerra man ba ö jiyi ni böötge ïïni.»

Kwään Jiy 13:28

'Ba jiy moø ni bëëdö yie yøøke beege jiy mo teek, ni päänye moøke døøŋŋø døc no ogeerø ni teek, ni jootwa nyïïkwaac Anak kaace thuwø.

Kwään Jiy 13:33

Ni jootwa jø Nëpilim thuwø kaace, na käl nyïïkwaac Anak rege. Ni neenwa rewa kaamar adïtwie, ni nëën wa thuwø na enønø ki baŋge.»

Kwään Jiy 21:34

'Ba Wuuö Jwøk aköö jï Modhe, ni «Kärï lwäyö ki eni, kiper eni ki jiy moe, ki ŋöömme bäre, yaa nø cïp cerï. Teeŋ gïna tïïyï dëër Cëëwön nyeny jø Amör, na bëëdö Ëcbön, wär tïïyï dëëre.»

Wëëlö Mana Göör Pøølli Baŋ Jø Röm 8:31

?Agïnaŋø nø, noo caanø kiper gïïögø? ?Ni näk mo Jwøk ena kurø, aŋa noo männi ki øøni?

Tiet Ciik 1:28

Ni kööu, na ‹?A kaa ŋø noo cøø yie nø? Nyïïmëëgø cwïnynyø amoocge ki lwär, ni köge ni jø Amör beege jiy mo dëëtge døøŋŋø ni bäyö ni kaala øøni, ni päänye moge døøŋŋø, ni kiiri moge ogeerø ni teek ni bäyö døc. Ni köge thuwø ni wäät Anak, na näk dëëtge døøŋŋø døc, ajootge kaace.›

Tiet Ciik 9:1

«Wui, u na jø Icriel, wïnynyu gïn. Dïcäŋi karu cään ki man ŋutu løø Naam Jördan løøga, nou cou nee wïth juurre mo døøŋŋø geni ki uuni, moa näk jïge da teek mo kaala maru, nee riemu wøk, këël na bëëde ni jïge da päänye mo døøŋŋø, ni kiiri moge ogeerø ni teek ni bäyö.

Tiet Ciik 9:3

Kiper manøgønø, beerra man ŋäyu gø dïcäŋi, ni Wuuö Jwøk na näk Jwøu beeye noo ŋut løøga nyïmmu, ni eni caala maac ni wø thöör jiy. Eni jøøgø di thöörö ni bööt geni nyïmmu, ni putu geni riem wøk, ni laaru geni thöör, kaawat mana caani ya Wuuö Jwøki jïïu.

Pilipay 4:13

'Ba jammi bëët løny jïra ki man tïïa ge ki køør ŋat wø tïïc aani naa teek.

Ibaru 11:33

jøøa dïïm mïëc nyeye ki køør ŋäädhe, na ŋøl luup ki ŋøl ma adïëri, na joot gïïa buuk, na mec dhøk ŋuuwe,

Jøcua 15:14

'Ba Kalëp jø tuuŋ nyïïkwaac Anak ariem wøk kaace; ni jø tuuŋ nyïïkwaac Anak moøgø beege jø tuuŋ Cëëci ki jø tuuŋ Akimen ki jø tuuŋ Thalmay.

Pïëmme 1:20

Køøre jø tuuŋ Juuda pääny mana cwøl ni Keeprön aputge cïp jï Kalëp, kaawat mana nø caani ya Modhe; 'ba Kalëp, jø tuuŋ nyïïkwaac Anak karge dääi aput riem wøk kaace.

1 Camiel 14:6

Køøre Jönathan aköö jï nyena käär jap leny jïre, ni «Ööï, ø aa ŋutø kar koor mar jøøgø ni kär daŋø yøø; kanymør Wuuö Jwøk tïïö ki gïn mo beer kiperø. Kiper bäŋ gïn mo mäna Wuuö Jwøk ki man kunye ki ri jiy mo thööth wala ki ri jiy mo nøk.»