Jøcua 14:10 - Wëël Jwøk

¹⁰ «'Ba ennø, neenï, ki mana ö Wuuö Jwøki na caan luummögø jï Modhe, cwiiri apäŋ ni pïëraŋween kurbïïc, ni dwørøgø caane kanya cääth jø Icrielli dï paap; ni ö Wuuö Jwøki ni wec aani naa poot kwøw këël kar kany ennø, kaawat mana caane. 'Ba ennø, cwiiri 'moa beege pïërabära kurbïïc.

Jøcua 14:10 Iomraidhean Croise

Kwään Jiy 14:30

bäŋ dhaanhø aciel dëëtu mo ö yi ŋöömma kööŋa kipere nou bëëdu yie; 'ba beeye Kalëp o Jöpöni ki Jøcua o Nun keerge noo ci yie.

Kwään Jiy 14:38

'Ba ki røk jøøa aay na liew ŋöömö, Jøcua o Nun ki Kalëp o Jöpöni adööŋ ni kwøw.

Jøcua 11:18

'Ba Jøcua akän wøk ki kany mo bäär ni këëdö ki nyeye moøgø bëët.

Jøcua 13:1

'Ba kanya tïm Jøcua na jaal ni cwiiye oløny ni thööth døc, Wuuö Jwøk aköö jïgø, ni «Ïïni, ïïna nø tïmö na jaal, ni cwiiri moï oløny ni thööth døc; 'ba poot da ŋøøm mo thööth mo poot kär maaø.

Jøcua 14:11

'Ba aani dëëra poot teek ni caala kanya ö Modhe na jääŋ aani kar kaaca; ni teek mar dëëra poot caala mana dïkwøŋ, ni løny jïra ki man cøøa baŋ leny; këël tïïe bëët mo wø tïïc løny jïra thuwø.

Jøcua 14:9

Ni ö Modhe ni put kööŋ jïra dïcäŋeca, ni kööe, ni ‹Ka adïëri møn, ŋöömma nyøønï ki tierï enø ocïba na ŋöömmo dööŋ jïrï ki nyïïkwaayï na bäre bäre, kiper ïïni jöör Wuuö Jwøk na näk Jwøa acaathï ki cwïnyï bäre.›