Jøcua 13:7 - Wëël Jwøk

⁷ 'Ba ennø, ŋøøm moøgø ni løø Naam Jördan jï løø kur pänh-cäŋ enø, këël mano këët deŋ naama dwøŋ, wär pääŋŋï jï wïth tuŋi moa näk abïŋween ki thääŋ tuuŋ Maneeca, na ŋöömmo ci jïge na marge.»

Jøcua 13:7 Iomraidhean Croise

Edhikiel 45:1

« ‹'Ba kanyo pääŋŋu ŋöömö ki køør ŋïïce mo wø tïïc na nyuuthe, løøk mør wär cïpu jï Wuuö Jwøk na kany mo ena kur keere, mo bär mare beeye gööye ma kume ma pïërariiø kurbïïc, ni dööŋ yie beeye gööye ma kume ma pïërariiø, ni ö yie bäre ni tïï nee bëëde ni ena kur keere na mar Wuuö Jwøk.

Kwään Jiy 33:54

Ni pääŋŋu ŋøøm nee cige jï tuŋi mou ki køør ŋïïce mo wø tïïc ki ri kwääk ki baw. Tuuŋ mo dwøŋ wär mooyu ki ŋøøm mo thööth, ni cïpu ŋøøm mo nøk jï tuuŋ mo thiinh; ni tuuŋ man wø päth ŋïïce baŋge, ŋøømmeca doo tïmö na marge. 'Ba uuno jïti ki ŋøøm ki køør nyeŋ kwäyu.

Kwään Jiy 34:13

Køøre Modhe jø Icriel aköömme, ni kööe, ni «Manøgø beeye ŋöömö mano pääŋŋu yïthakiyu ki køør ŋïïce mo wø tïïc ki ri kwääk ki baw, ni beeye ŋöömma näk onø caan Wuuö Jwøki nee pääŋŋi jï tuŋi abïŋween ki thääŋ tuuŋ Maneeca;

Jøcua 13:6

«'Ba aani na Wuuö Jwøk, jiy bëët moa näk bëëdö mïëya en bäät kïte ki mana täge ki Libaanø këël mana këët Micerepöth-Mayim, ki jø Caydan bëët, ge riema wøk nyïm jø Icriel; 'ba gïno tïïyï keere beeye ki man pääŋŋï ŋøøm moøgø jï jø Icriel ki køør ŋïïce mo wø tïïc ki ri kwääk ki baw, nee ci jïge na marge kaawat mana nø köömma ïïni.

Jøcua 13:8

'Ba kar kaaca thääŋ tuuŋ Maneeca, ki jø tuuŋ Ruben ki jø tuuŋ Gaat, ŋøøm moa cïp jïge na moge ege nø lwør kanya enge løø Naam Jördan jï løø kur tuul-cäŋ, ni beeye Modhe na näk dhaanh Wuuö Jwøk na cïp gø jïge;

Jøcua 14:2

'Ba ŋøøm moøgø apääŋŋi jï wïth tuŋi moa näk abïŋween ki thääŋö na ŋøøpo dööŋ jïge na kurge, ni pääŋŋi ka køør ŋïïce mo wø tïïc ki ri kwääk ki baw, kaawat mana nø caani ya Wuuö Jwøki ki dhi Modhe.