Jøcua 13:3 - Wëël Jwøk

³ ni beeye ki mana täge ki Naam Ciör na en løø Ijep jï løø kur tuul-cäŋ, këël mana aae ni këët waŋ keew mar paana cwøl na Akarön na no okwaan røk mïëc jø Keenan moa en jï løø wï-piny; ni beege mïëc kwääri mo jø Pilitin moa näk abïïc. Ni kwääri moøgø beege mo jø Geedha, ki jø Acdöt, ki jø Ackelön, ki jø Gëth, ki jø Akarön, këël mïëc jø Awim na en jï løø tier-piny.

Jøcua 13:3 Iomraidhean Croise

Wïlöölö 10:6

Wäät Kaam beege Kuuc, ki Micram, ki Put, ki Keenan.

Wïlöölö 15:18

Dïcäŋöca Wuuö Jwøk atudö ki luubö ka Abram, ni kööe, ni «Ŋöömö man acïba jï nyïïkwaayï, ki mano täge ki naam jø Ijep këël mano këët naama dwøŋ, na näk Upareeti,

1 Nyeye 8:65

'Ba kar kaaca, Cølöman dïcäŋa cïp Øt Jwøk kur keere na mar Jwøk awøøre ki jø Icriel bëët, ni beeye lwaak mana dwøŋ na öö ki Libö-Amath na en jï løø wï-piny, këël mana këët waŋ Naam Ijep na en jï løø tier-piny, ni wøørge dïcäŋögø nyïm Wuuö Jwøk, Jwøk marø, ki nïne abïriiø, ni wøørge Ajwöma Man Wø Wøør Ni Jøw Bëëdö Yïth Abïle ki nïne abïriiø, ni päŋ nïne na apaar kurŋween.

1 Luup Nyeye 13:5

Kiper manøgønø, Deebit jø Icriel aput cooŋ bëët ki mana täge jï løø tier-piny ki bäät naam wø cwøl ni Ciör na en waŋ keew ki Ijep, këël kany wø cwøl ni Libö-Amath na en jï løø wï-piny, na acanduk mar Jwøk nee øømge Kiriat-Jeerim.

Aydheea 23:3

ni pïïcge Ijep. Ni ö caammi moa ciek deŋ Naam Ciör, ki moa ciek deŋ Naam Nail ni duunge ki jammi jïïu, ni tïm mïëri mou na kar gath jï wïth juurre.

Jeremaya 2:18

?'Ba ennø, ciin Ijep agïnaŋø noo duue dëërï, per niï mädhï ki pï naama pïïe cøl? ?A ciin Aciria agïnaŋø noo duue dëërï, per niï mädhï ki pï Naam Upareeti?

Tiet Ciik 2:23

Teeŋ gïnögø thuwø atägö dëët jø Awim moa bëëdö yïth mïëri moa näk okëët Geedha. Jø Kaptör moa käl ya acuulla cwøl ni Kariit gena öö ni raanyge jø Awim, ni läwge karge ni putge bëëtö yi ŋöömge.

Jøcua 13:13

'Ba jø Icriel jø Gëcur ki jø Maika kärge riem wøk; ni jø Gëcur ki jø Maika ge poot bëëdö na aciel ki jø Icriel këël dïcäŋi en.

Pïëmme 16:5

Køøre kwääri mo jø Pilitin aö baŋ nyaanøgø, ni köge jïgø, ni «Many yie ka atade, ni jootï teek mare manøgø ni dwøŋ enø ki man näk mo tiere käl kaa ŋø, këël jöö man böötwa teek mare ki gø, nee tïme ni løny jïwa ki man twöcwa eni ni caarwa gø. Køøre nø, ŋati man nø dëëtwa cïpö jïrï ki gwet-bïrö ma dïpe apaar kurciel.»

Pïëmme 3:3

'Ba wïth juurre moøgø beege kwääri mo jø Pilitin moa näk abïïc ki jicge, ki jø Keenan bëët, ki jø Caydan, ki jø Ëwi moa näk bëëdö buut kïnna cwøl ni Libaanø; ni jø Ëwi moøgø poge tägi ka ri kïnna cwøl ni Baal-Armön këël mana pïïe kanya cwøl ni Libø-Amath.

1 Camiel 5:1

'Ba jø Pilitin acanduk man wø nyooth luumma tuut Jwøki ki jiy akälge ki kanya cwøl ni Ëbënëdhër ni kïthge gø paana cwøl na Acdöt.

1 Camiel 5:10

Kanyøgønø, acanduk mar Jwøk ajääŋge paana cwøl na Akarön. 'Ba gïna tägö, kanya pïïc acanduki mar Jwøk Akarön, jø Akarön aput göö ko oduuru, ni köge, ni «Geni, acanduk mar Jwø Icriel akälge baŋø, nøø thøø ki jø pøø bëët.»

1 Camiel 5:8

Kanyøgønø, jø Acdöt kwääri moge møga mo jø Pilitin acwølge ni cooŋge ge, ni köge, na «?Agïnaŋø noo tïïcwa ka acanduk mar Jwø Icriel?» Køøre kwääri aköö, ni «Beerra man ö acanduki mar Jwø Icriel ni daai ni kïthi Gëth.» Ni putge acanduk mar Jwø Icriel daak.

1 Camiel 6:4

Køøre jø Pilitin aköö, «?Agïnaŋø noo cïpwa na muuy man wø nyooth bääyö jï Wuuö Jwøk?» 'Ba dïlämme ka ajuuk aköö, ni «Beege gïï mo otïïö ni caala børi ma abïïc mo tïïc ka warkey, ki gïï mo caala jïëy ma abïïc mo tïïc ka warkey thuwø, no opäärö ki kwään kwääri mo jø Pilitin, kiper gïna leth na tägö, täga dëëtu bëët ki kwääri mou.