Jøcua 13:27 - Wëël Jwøk

²⁷ ni rwöpa mïëri moa en dï goor Naam Jördan, ni beege Bëëth-Aram, ki Bëëth-Nimera, ki Cuköt, ki Capön. 'Ba ŋöömö manøgø bäre beeye mar Cëëwön nyeny Ëcbön, na thääŋŋe cïp jï jø tuuŋ Ruben. Ni ŋöömö manøgø beeye ŋöömma en løø Naam Jördan jï løø kur tuul-cäŋ, ni keew mare beeye Naam Jördan, ni put gø këël deŋ puul mana cwøl ni Kinërët.

Jøcua 13:27 Iomraidhean Croise

Wïlöölö 33:17

Ni ö Jeekapi ni aae ni pïïe Cuköt; ni tïny dëëre ki kar bëëtö, ni gëëde ka abïle jï dïëk ki dhäk moe. Kiper manøgønø, nyeŋ kaace acwøl ni Cuköt.

1 Nyeye 7:46

'Ba Cølöman japøgø bëët atïïe nee tïïc ni thiia yïth odhöönhe mo yïthge okølø yi Goor Jördan yïthakic Cuköt ki Carthan.

Kwään Jiy 32:3

ni «Ŋöömma dïïm Wuuö Jwøki ki ri lwaa Icriel, ni beege mïëya cøøri na Atharöt, ki Dibön, ki Jadher, ki Nemera, ki Ëcbön, ki Eliyali, ki Cëëbama, ki Nebø, ki Bayan, beege ŋøøm mo orømø kiper dhäk; ni waani, wa na jiyï, jïwa da dhäk.

Kwään Jiy 32:36

ki Bëëth-Nimera, ki Bëëth-Aaren, na päänye mo ege geerø ni teek; ni tïïge ki lwääge kiper dïëk thuwø.

Kwään Jiy 34:11

Ni ö waŋkeewi ni cäŋ aay ki Cepama ni coonya Ribala, na Ayn ee wii bäät cwiic, ni put pöödhö ki bäät thuuri mo wø en jï løø kur tuul-cäŋ ki naam Kinërët.

Luk 5:1

'Ba dïcäŋ aciel Jecu acuŋŋö bäät Puul Genedharet, ni tïm jiyi ni rïïya bääte kiper nee luum Jwøk wïnyge.

Tiet Ciik 3:17

Ni keew mana en jï løø kur pänh-cäŋ beeye Naam Jördan na en dï gool mana cwøl na Araaba, ni tägi ka Puur Kinërët, këël mana këët Naam Araaba, ni beeye Naam Acäbö, na en tier Kïn Pedhega.

Jøcua 11:2

ni jääk baŋ nyeye moa näk bëëdö mïëya en bäät kïte na en jï kuna en wï-piny, ki moa en mïëya en yi goor Jördan ni wø cwøl na Araaba na en jï løø tier-piny ki Puur Kinërët, ki moa en ŋöömma näk ree ee päärö, ki moa en mïëya en bäät kïnna cwøl ni Dör na en jï løø kur pänh-cäŋ;

Jøcua 12:3

'Ba ŋöömö manøgø rwöpa goor Jördan ni wø cwøl na Araaba na en jï løø tuul-cäŋ, ni tägi ka Puur Kinërët këël mana pïïe Bëëth-Jecimöt na en deŋ Naam Araaba, ni beeye Naam Acäbö, na en jï løø kur tuul-cäŋ, ni put aay ni coonya tier Kïn Pedhega.

Jøcua 13:26

ni tägi ka Ëcbön këël mana këët Ramat-Micpa, ki Bethönim, ni cäŋ tägö ki Maanayim këël mana këët waŋ keew mar pääny mana cwøl ni Dabëër;

Jøcua 13:28

Moøgø beege päänye ki mïëri moa dööŋ jï jø tuuŋ Gaat, ki køør dhøk uudi moge.