Jøcua 13:13 - Wëël Jwøk

¹³ 'Ba jø Icriel jø Gëcur ki jø Maika kärge riem wøk; ni jø Gëcur ki jø Maika ge poot bëëdö na aciel ki jø Icriel këël dïcäŋi en.

Jøcua 13:13 Iomraidhean Croise

Wïlöölö 35:22

'Ba kanya bëët Icrielli ni bëëdö yi ŋöömmögø, wääde ma Ruben aci baŋ Bila, dhaaŋŋa näk kwanynyø mar wänni, ni butge ki gøøni; ni ö wänni ma Icriel ni wïny gïnögø. 'Ba wäät Jeekap beege apaar kurriiø.

2 Camiel 10:6

'Ba kanya ö jø Amönni na jootge gø ni geno nø tïmö ni caala gïn mo ŋwäänynye raac ki jï Deebit, gena jäägö ki jiy nee määnyge ki jø leny mo këëdi jïge ki gwel, ni jøøa jääkge baŋge beege jø Aram moa bëëdö Bëëth-Reyap ki moa bëëdö Dhöba, ni jïtge ki jø leny mo wø cäädhi ki tietge ma kume ma pïërariiø, ki nyeny Maika ki jø leny moe ma kuma aciel, ni jïtge ki jø leny ma kume apaar kurriiø baŋ jø Thöp.

2 Camiel 3:3

'ba rietge beeye Kiliap, na nywøle ki cïïe ma Abigël cï Nabal nyï Karmël, dhaaŋŋa näk odööŋ na cï thøø; ni dääge beeye Abëcëlöm, o cïïe ma Maika nyi Thalmay nyeny Gëcur;

Kwään Jiy 33:55

« ‹'Ba ni näk jiy moa bëëdö kaace ba riemu wøk, jøøo dööŋ no oweyu otïmö kaamar gïï mo cööbö nyeŋŋu, ni caalge köödhi mo cööba tiet butu, ni cwaatge yïthu kaace kanyo bëëdu yi ŋöömmögø.

Tiet Ciik 3:14

Køøre Jayer nyikwaar Maneeca ŋööm Argöp bäre akäle, këël mana këët waŋ keew mar jø Gëcur ki mar jø Maika, ni cwøl nyeŋ gø ni Mïëc Jayer ki køør nyeŋŋe, ni këël kawaane ennø Baacan poot cwøl ni Mïëc Jayer.

Jøcua 12:5

Ni ŋöömö mar paare rwöpa Kïn Armön ki pääny mana cwøl ni Caleka ki ŋööm Baacan bäre, këël mana put pïï waŋ keew mar jø Gëcur ki jø Maika, ki thääŋ Gelät bäre, këël mana pïïe waŋ keew mar Cëëwön nyeny Ëcbön.

Jøcua 13:11

ni rwöpa Gelät bäre, ki ŋööm jø Gëcur ki jø Maika, ki Kïn Armön bäre, ki ŋööm Baacan bäre këël mana aae ni këël gø päänya cwøl ni Caleka;

Jøcua 13:12

ni rwöpa mïëri moa en cer Ög nyeny Baacan, na bëëdö Actaröth ki Edaray. Kiper Modhe jiy moa en yïth mïëri moøgø, këël Ag, anääe ni mac ŋøøm moge. 'Ba dïkwøŋ Ög keere beeye na dööŋ ri juna cwøl ni Rapayim.

Jøcua 13:14

'Ba kanya ö Modhe na pääŋ ŋøøm, jø tuuŋ Libay keere käre mooø ki ŋøøm na ŋöömmo dööŋ jïge na kurge; kiper olämme mo wø waaŋ ki maac ni wø cïp jï Wuuö Jwøk na näk Jwø Icriel, beeye na cïp na tïmö ni caala ŋöömmo dööŋ jïge, kaawat mana caani ya Wuuö Jwøki jï Modhe.

1 Camiel 27:8

'Ba Deebit ki jø leny moe ge wø aay ni tukge jø Gëcur, ki jø Gerdha, ki jø Amalëk; ni beeye ki mana täge ki Cur këël mana këët ŋööm Ijep; ni jøøgø beege jøøa beet ŋöömmögø ki mana täge ki ya acääŋŋe cøøn.