Jøcua 12:1 - Wëël Jwøk

¹ Kar kaaca jø Icriel nyeye moa näk ariiø mo jø Amör ege nø böötö ni macge mïëri moge. 'Ba ŋöömö manøgø ena løø Naam Jördan jï løø kur tuul-cäŋ, ni tägi ka Naam Arnön këël mana këët ri Kïn Armön, ki gool mana cwøl na Araaba.

Jøcua 12:1 Iomraidhean Croise

1 Nyeye 4:19

ni Gëbër wär Uri beeye na bëën jøøa en yi ŋööm Gelät, ni beeye ŋøøpa kwøŋ bëëtö na mo Cëëwön nyeny jø Amör ki Ög nyeny jø Baacan. 'Ba Gëbër keere beeye ŋata bëëdö no ocuumö yïth ŋøøpøgø.

Aydheea 16:2

'Ba mään mo Möap kanya pïïcge jwïëy mar Naam Arnön, gena bëëdö ni ge rïmma yïthge, ni tïmge kaamar weny mo obwøk mo tuuŋŋa bwöpge yi jamø jaak.

Kwään Jiy 21:13

Ni cäŋge tïŋŋö ki Dherëët ni tïïge ki twïër løø naam Arnön løøga na en dï paaba näk ree ee jwaaø ki keew mar jø Amör, kiper naam Arnön beeye keew mar jø Möap mana en yïthakicge ki jø Amör.

Kwään Jiy 21:21

Køøre jø Icriel ajääk baŋ Cëëwön nyeny jø Amör, ni köge,

Kwään Jiy 21:24

Ni ö jø Icrielli ni 'näkge jø Amör, ni macge ŋøøpge, ni tägi ka naam Arnön këël mana këët naam Jabök, na näk keew mar jø Amön, kiper keew mar jø Amön beeye keew mo okoorø ni teek.

Kwään Jiy 32:19

Ni wa bäŋ doo jïtö ki ŋöömö mo dööŋ jïwa løø Naam Jördan løøga ki geni na aciel, kiper ŋöömö mano dööŋ na marwa anø ci ceŋwa løø Naam Jördan løøi na en jï løø kur tuul-cäŋ.»

Kwään Jiy 32:32

Waani, dëëtwa ojiiŋwa kiper leny ni ŋutwa løøga yi ŋööm Keenan ni wa cäädhi ka køør dwør Wuuö Jwøk, ni ŋöömö mana mëëk waani løø Naam Jördan løøi odööŋ na marwa.»

Kwään Jiy 32:33

'Ba Modhe ŋöömö aput cïp jï nyïïkwaac Gaat ki nyïïkwaac Ruben, ki thääŋ tuuŋ Maneeca o Jocep, ni beeye ŋööm Cëëwön nyeny jø Amör, ki ŋööm Ög nyeny jø Baacan, ki päänye moge moa døøŋŋø ki moa therø, këël ŋøøm bëët moa en deŋ päänye moøgø.

Tiet Ciik 2:24

«'Ba Wuuö Jwøk aköö, ni ‹Ööu maal ni aayu, ni ŋøllu Naam Arnön. Ennø, Cëëwön nyeny jø Amör na bëëdö Ëcbön ki paare bäre anø cïba ceŋŋu. Cou baŋe ni këëdu ki gø, ni tägu ki man lwørru ŋöömme ni tïme na maru.

Tiet Ciik 2:32

«Køøre Cëëwön ki jiye bëët gena put ö wøk baŋ leny ki øøni, ni røømmø ki geni kanya cwøl ni Jäc.

Tiet Ciik 3:1

«Køøre øøna tïŋŋö ni cørø jöör wø ci Baacan, ni ö Ög nyeny Baacan ki jiye bëët ni öge wøk baŋ leny ki øøni, ni røømmø ki geni buut päänya cwøl ni Edaray.

Tiet Ciik 4:44

'Ba kar kaace Modhe ciik Wuuö Jwøk acïp nyïm jø Icriel,

Tiet Ciik 4:46

'Ba kar kaaca geno løny ni ge ena løø Naam Jördan yi gool mana dïët ki Bëëth-Pëëgör na en yi ŋööm Cëëwön nyeny jø Amör na bëëdö yi Ëcbön. Nyenynyøgø abööt Modhe ki jø Icriel kanya nø öge wøk ki Ijep.

Tiet Ciik 4:48

ni ŋöömmögø tägi ka Aröör, paana en deŋ Naam Arnön, këël mana këët Kïn Ciriyön, ni beeye Armön.

Jøcua 1:15

'Ba u doo bëëdö nou køønynya nyïïmëëgu këël mano ö Wuuö Jwøki noo mooc geni ki jwöm, kaawat mana mooc uuni ki jwöm, këël mano ö geni thuwø noo macge ŋöömö mano cïp Wuuö Jwøki na näk Jwøu jïge. Køøre nø, uuno døø yi ŋöömö mana näk maru ni bëëdu yie, ni beeye ŋöömma näk onø cïp Modhe na näk dhaanh Wuuö Jwøk jïïu na en løø Naam Jördan løøi jï løø kur tuul-cäŋ.»

Jøcua 11:17

'Ba ŋöömö manøgø tägi ka ri Kïn Alak, na en buut Cëër, këël mana këët Baal-Gaat na en goor Libaanø tier Kïn Armön. Ni ö Jøcua ni mak nyeye mo mïëri moøgø bëët ni 'näk geni.

Jøcua 11:3

ni jääk baŋ jø Keenan thuwø na en jï løø kur tuul-cäŋ ki moa en jï løø kur pänh-cäŋ, ki jø Amör ki jø Këth ki jø Përec ki jø Jeebuc na näk bëëdö mïëya en bäät kïte, ki jø Ëwi na näk bëëdö tier kïnna cwøl ni Armön yi kanya cwøl ni Micpa.

Jøcua 13:8

'Ba kar kaaca thääŋ tuuŋ Maneeca, ki jø tuuŋ Ruben ki jø tuuŋ Gaat, ŋøøm moa cïp jïge na moge ege nø lwør kanya enge løø Naam Jördan jï løø kur tuul-cäŋ, ni beeye Modhe na näk dhaanh Wuuö Jwøk na cïp gø jïge;

Jøcua 22:4

'Ba ennø, Wuuö Jwøk na näk Jwøu nyïïmëëgu amooe ki jwöm kaawat mana caan gø jïge. Kiper manøgønø, u aay nø ni døøu pou, yi ŋöömma cïp Modhe na näk dhaanh Wuuö Jwøk jïïu na kuru, na en løø Naam Jördan løøga.

Pïëmme 11:18

«Køøre jø Icriel aay ki dï paap ni ge wïra deŋ ŋööm jø Ëdöm ki deŋ ŋööm jø Möap, ni pïïcge deŋ ŋööm jø Möap jï løøa en jï løø kur tuul-cäŋ, ni tïïcge twïër marge løø Naam Arnön løøga; 'ba jø Icriel kär pööth yi ŋööm jø Möap, kiper keew mar jø Möap beeye Naam Arnön.