Jøcua 11:6 - Wëël Jwøk

⁶ 'Ba Wuuö Jwøk aköö jï Jøcua, ni «Kär niï lwäyö ki jøøgø, kiper diøø kar kany nø, geni bëët ge cïba cïbö nee ge 'näk jø Icrielli; 'ba ïïni ojwönyi mo okwëënyi moge ŋøørï ŋøørø, ni ö jïëthe moge mo wø tut okwëënyi ni waaŋï geni ki maac.»

Jøcua 11:6 Iomraidhean Croise

2 Camiel 8:4

'Ba Deebit jø leny mo wø cäädhi ki bäät okwëënyi ma kuma aciel ki dïpe abïriiø ki jø leny mo wø cäädhi ki tietge ma kume ma pïërariiø amaae cer Adadëdher; ni ö Deebiti ni ŋøør ojwönyi mo tiet okwëënyi bëët mo wø tut jïëthe. 'Ba møøk mo orømø awiie kiper jïëthe mo wø tut okwëënyi ma dïpa.

2 Nyeye 6:16

'Ba aløk nyikuŋ Jwøki, ni «Kärï lwäyö, kiper jiy mo en løø en thööth døc ni kaala jiy mo en løøge enø.»

2 Luup Nyeye 20:16

Diøø wäru løøyu piny baŋge; ka adïëri møn, ge puta öö ki ri thuur Dhic, ni putu ge joot dhi gool nyïm paap Juriel.

Pwöc Leec Wïc 20:7

Ŋata mare beer ni wø bëëdö ni mare adïëri, obwöre moe ogwïëth ki køøre.

Aydheea 30:16

Uuna köö, ni ‹Ba løny, wa päära wøk ko okwëëc lääy, wa päära wøk ko okwëëc lääy mo rïïŋö døc.› Wøp nø, uuno päär wøk! 'Ba jiy moo rïŋ køøru ge rïïŋö døc ni kaala uuni.

Aydheea 31:1

Wui, otïmö ni leth jï jø oci Ijep kiper køny, ni beege jø wø kïth ŋäädhe marge bäät okwëënyi, ni wø ŋääth thööth mar jïëth leny mo wø tut okwëënyi, ni wø ŋääth teek mar jø leny mo wø këëdi ki bäät okwëënyi; 'ba geni, ge kär göök ri Jwø Icriel na en kur keere, ni kärge eni manynyø, eni na Wuuö Jwøk.

Edhikiel 39:9

« ‹Køøre jø wø bëëdö yïth päänye mo Icriel, geno ci wøk ni cooŋge jap leny bëët, ni tïïcge ge na jer maac, ni beege kööt leny moa therø ki moa døøŋŋø, ka athëëre, ka atummi, ka athøc leny, ki tøøŋi. Japøge otïïcge na jer maac kiper cwiiri abïriiø.

Odheea 14:3

Nyeny Aciria wa ba kønye, wa ba eth bäät okwëëc leny këët; ni jammi moa tïïcwa ki ceŋwa ba cwølwa këët ni ‹Jwøk marwa,› kiper beeye ïïni ni wø nyooth bäth ec marï jï kïïe.»

Neeyam 2:13

Neennu, mana caan Wuuö Jwøki, eni na wïth jammi bëët, bee en, ena köö, ni «Aani, a tïïö dëëtu ki gïrpiny. Aani jïëth leny mou mo wø tut okwëënyi waaŋa waaŋø ki maac, ni ö tøŋŋi ni thöör jø leny moï na caal ŋuuwe mo ogäy, ni tïïa japa twierru ni bäŋgø yi paac, ni bäŋe dööt jø wø jääŋŋi mo wïnynyi këët.»

Tiet Ciik 7:16

Jiy bëët moo cïp Wuuö Jwøki na näk Jwøu ceŋŋu wär putu thöör, ni ba päth cwïnynyu ki gïrge; ni ba tïnynyu juu moge, kiper noo tïnynyu ge, puta tïmö ni caala abïëp kiperu.

Jøcua 10:8

Kanyøgønø, Wuuö Jwøk aköö jï Jøcua, ni «Kärï lwäyö ki geni, kiper geni ge yaa nø cïp cerï; 'ba bäŋ dhaanhø aciel dïge mo maara lønyø jïre ki man cuŋŋe nyïmï kanyo tïme na ri leny.»

Jøcua 11:5

Køøre nyeye moøgø bëët rege adwalge, ni öge ni tïïcge twïër marge na aciel buut puura cwøl ni Marön, nee këëtge ki jø Icriel.

Jøcua 11:7

Køøre Jøcua ki jø leny bëët mo jø Icriel na cäädhö ki eni, gena pïï dëët jøøgø ni cwöba rege kanya enge yie buut puur Marön, ni ö jø Icrielli ni putge jøøgø tuk.

Jøcua 11:9

Ni ö Jøcua ni ŋøør ojwönyi mo okwëënyi, ni ö jïëthe moge mo wø tut okwëënyi ni waaŋ geni ki maac; ni tïïe na kare kaawat mana caani ya Wuuö Jwøki jïre.

Jøcua 3:5

Køøre Jøcua aköö jï jiy bëët, ni «Døøyu dëëtu mo waany, kiper diøø Wuuö Jwøk tïïö ki gïn mo rëëma ec dïïu kany.»

Pïëmme 20:28

ni ki yïth nïrögø thuwø Piniac wär Eliedhar nyikwaar Aran bëëdö ni cuŋŋö nyïm acanduk manøgø ni tïïya tïï dïlämi kaace. 'Ba jø Icriel aköö, ni «?Cäŋwa ci baŋ nyïïmëëkwa ma jø tuuŋ Benjamen, nee wa këëtwa ki geni, wala wecwa?» Køøre Wuuö Jwøk aköö, ni «Cou baŋge, kiper diøø aani jøøgø cïba ceŋŋu.»

Pïëmme 7:9

'Ba ni poot na dïwäänögø, Wuuö Jwøk aköö jï Gidien, ni «Ööu maal, ni løøyu piny ni tugu twïër jø Midien, kiper ge yaa nø cïp ceŋŋu.

1 Camiel 11:9

'Ba gena köö jï jøøa jääŋŋi na ö baŋge, ni «Cou ni caannu gø jï jø Jabic-Gelät, ni ‹Diøø ni cäŋ ena dhöör, u jïtö ki køny.› » Kanyøgønø, jøøgø na jääŋŋi yøø aput døø, ni caange gø jï jø Jabic-Gelät; ni ö jø Jabic-Gelät ni mïn yïthge.